الواجا الجديدة مش منتشرة ليه ؟؟

**egawady** · 05-06-2010 11:59 AM

انا مش عارف الواجا الجديدة شكل 2010 مش منتشر خالص ليه ... رغم ان سعره اقل بكتير من الـ جين 2 ...
تقريباً كل عشر عربيات جين تو باشوف واحدة بس واجا ... يعنى النسبة 1 : 10

انا شوفت اعلان من كام يوم فى المصرية للسيارات الواجا بـ 68000 بس

انا مش عارف السعر ده حقيقى ولا فشنك ؟

ياريت الأخوة الأعضاء اللى معاهم الواجا الجديدة يقولولنا رأيهم فيها اية ، خصوصاً انا سمعت انا بتاكل بنزين كتير .. يا ترى الكلام حقيقى ولا الموضوع ده بيتوقف على اسلوب القيادة والحرق والكلام ده .....

**ahmadelsaeed** · 05-06-2010 12:57 PM

هى الواجا عموما مش منتشرة زى الجين و البيرسونا .... لولا إختلاف الأذواق بقى

بالنسبة للواجا اللى ب 68000 دى, وارد جدا تبقى هاف أوبشن و مانيوال ... و المصرية عاملة عليها عرض

بالنسبة للواجا اللى معايا , هى 2009 و الحمد لله كويسة جدا و أنا مبسوط منها جدا ... بالنسبة لإستهلاك البنزين, فده فعلا بيتوقف على طريقة سواقتك ... فى العادى هى بتاخد بنزين زيها زى ال1600 العادى , لو هتحرق, هتاخد بنزين أكتر - بس مش بالفظاعة اللى الناس بتتكلم عليها هنا - يعنى هيا معايا ثابتة على 10 كم فى اللتر الواحد

**eng.m7md.ali** · 05-06-2010 01:09 PM

بص ياباشا هيا مش منتشرة علشان شكلها متغيرش عن القديمة كتير وبعدين تعتبر فئة فخمة مش رياضية شبابية زي الجين2 وده ميمنعش انها مش رياضية اصلا
نفس الموتور والثبات وبصراحة العربية جميلة بعد مقارنة بعربيات تانية كتير في الاداء
وبالنسبة للسعر اللي في المصرية انا سألت واحد صحبي بيشتغل هناك وقالي انهم معندهمش بروتون اصلا

**Ayman_52** · 05-06-2010 01:48 PM

ممكن تكون واجــا -B.line- ,...

بس باردوا التخفيض كبير والمصريه سمعتها مش كده ... اشك انه ممكن يكون فى حاجه !!!

**MohabSaeed** · 05-06-2010 05:09 PM

مش منتشره علاشان ملهاش دعايا + ان الناس بتخاف تشترى الحاجه الى مش مع كل الناس .

بخصوص المصريه .. متفكرش تشترى من المصريه اى عربيه لان كتير من كلام مضلل و غير صحيح .

**hesham_soaida** · 05-06-2010 05:40 PM

الواجا اللي نازلة في الاعلان هى مانوال هاف ابشن, وسبب التخفيض الكبير انها موديل 2009 أو حتى أقدم, لأن موديل 2010 لسة منزلش, وإحتمال مينزلش أصلا. وموديل 2010 مفيهوش أي تغيير عن 2009