بالله عليكم انا عاوز مساعده عشان انا مستوى

**shamseldin** · 05-06-2010 03:57 PM

ادامى عربية فلوكس موديل 66 1300 سى سى صاحبها بيقلى بحالة نادرة عمرة موتور عفشة مجددة بطارية جديدة اللوحات الجديدة رخصة جديدة كراسى طيارة اقتصادية فى استهلاك الوقود

ممكن اعرف سعرها على الحال ده يكون كام
وتنصحونى اعمل ايه فيها اشوف ايه اتاكد من ايه عشان انا عارف ان العربية دى ليها خبايه ميعرفهاش الا اللى ركبها ابل كده
ارجو النصيحة بالله عليكم عشان ان الفلوس اللى معايا كلها هدفعها فيها
وشكرا

ارجو الرد لانى فاضل يومين واخلص فيها ومش عاوز اتورط

**shamseldin** · 05-06-2010 03:59 PM

اسف عدد الكيلوات 77777

**shamseldin** · 05-06-2010 04:04 PM

اسف نسيت حاجه مهمه جدا

هو قلى رشه بره وجوه ومشعارف باه ممكن يكون فيها ايه مع العلم انى معرفش فى العربيات اى حاجه غير السواقة بس وكمان 30 % ههههههههههههههههه
اصل انا بسمع فبريكه دواخل فبريكه دواخل طيب فى مشكله لو رشه جوه

**meladadel** · 05-06-2010 04:32 PM

بص ياسيدى انا ركبت العربية دى 5 سنين العريية محترمة وجامدة وكل حاجة بس قطع غيارهت مش موجودة ومش اصلى دولقتى ( خلع يعنى ومصرى ) وسعرها واقع وما بتتبعش فلو جبتها هتعيش معاك العمر كله وبالنسبة لسعرها لو نضيفة قو قوى يعنى تجيبها ب 7000 او 8000 بالكتييير قوى قوى علشان موديها قديم طحن ( اكبر منك ) وده ميمنعش انها احسن من ال128 والكلام ده مع اختلاف سوق الشراء والبيع والسلام عليكم

**Dr Ahmed** · 05-06-2010 04:59 PM

العداد إما ملعوب فيه أو اتقفل وبدأ من جديد
يعنى مليون و 77777 كم

العربية رشة جوه طبيعى مع عربية من سنة 66 ولو حد قال غير كده يبقى بيضحك عليك فكده مفروض انه مش بيضحك عليك

سعرها مايحصلش ال 10 آلاف بأى حال ولا يقرب منها

لو عاجباك وعلى قد فلوسك اسأل عن توفر قطع غيارها حواليك علشان 100% هتعوز قطع غيار ولو لقيها سهلة أو بصعوبة بس بتيجى يبقى توكل على الله ولا تنس الاستخارة

**shamseldin** · 05-06-2010 10:22 PM

شكرا ليكم ياجماعه ربنا يكرمكم

لو حد عاوز يسعندى باى معلومات تانى يقلى وتالنبى الله يبركلكم انتم مش عرفين الفلوس دى جيه ازاى
وشكرا

**Dr Ahmed** · 06-06-2010 01:19 AM

المشاركة الأصلية كتبت بواسطة shamseldin

شكرا ليكم ياجماعه ربنا يكرمكم

لو حد عاوز يسعندى باى معلومات تانى يقلى وتالنبى الله يبركلكم انتم مش عرفين الفلوس دى جيه ازاى
وشكرا

يا أستاذى العزيز مخدتش بالك إن كلمة "والنبى" اتشالت من العنوان؟
ياترى ليه؟

**ramzi** · 08-06-2010 01:06 PM

7000 لو حالتها جيدة

**heshamzaky** · 08-06-2010 01:42 PM

بص حضرتك انا ما عنديش بيتلز بس بركبها كتير جدا مع صديق لى سأقول لك ما أعرفة العربية دى حديد ما شاء الله جامدة و مش مهم راشة جوة و لا لآ البيتلز 95 بالمائة راشش من جوة مش بيعيب العربية زى باقى العربيات قطع غيارها مش غالية و مش رخيصة فى المعقول بس لازم ميكانيكى فولكس الميكانيكى العادى مش بيفهم قوى فيها و تغير البوجيهات متعب شوية لة مفتاح علشان البوجيهات 2 ناحية اليمن من الموتور و اثنين شمال عموما هى سيارة جامدة بالاجمال

**heshamzaky** · 08-06-2010 02:01 PM

معلش استكمالا للموضوع العربية دى ما بتسخنش خالص اساسا لبس بها رادياتير و مية العربية تبريد هواء العفشة بها غريبة مافيش سوست و مقصات و النظام دة دى على دنجل و لما بتحب تعلى العربية من الخلف ليها مفتاح عند الميكانيكى بيفك و يربط فيعلى العربية اسعار الصاج بتاعها بالتقريب الكبوت 180 جنية الرفرف 250 جنية الفانوس الخلفى كامل ب 80 جنية غطاء الشنطة الصاج 90 جنية العتب الجانبى 70 جنية الاثنين ممكن تجنط العربية بيبقى شكلها حلو و الجنوط مقاس 15 الموتور استيراد بحوالى 2500 او 3000 جنية ملحوظة انا مش راكب العربية و ليست لدى فولكس بس قبل كدة فكرت فى شرائها علشان كدة سألت عن قطع الغيار و الميكابيكية بتوع الفولكس متمركزين فى منطقة اسمها عزبة الصعايدة اخر شارع جسر السويس القاهرة ارجو ان اكون استطعت تقريب الصورة لك على قدر معرفتى