انجلون شتغهاى

**hic** · 05-06-2010 09:55 PM

السلام عليكم يا احلى منتدى
انا امبارح كنت رايح احجز رينو لوجان من عند توكيل رينو اللى فى الداون تاون و قلت اعدى على ابو غالى اشوف ايه الاخبار عنده لقيت عنده عربيه صينى بس تحفه اسمها انجلون شنغهاى . العربيه كبيره و جميله جدا خارجيا فيها شبه كبير من المرسيدس s و فيها جميع جميع الكمايات يعنى اللى ممكن افتكره فرامل abs سنسور بارك حساسات لظبط الانوار اتوماتيك اشارات فى المرايات تكيف تاتش كاسيت رائع مرايات كهرباء اتنين ار باج و كمان لاحظت ان الرداتير بتاع العربيه بعيد عن الاكصدام بحوالى 25 سم و ما بين الرداتير و الاكصدام فى دعامه صلب ؟ ؟ و كمان فيها ستاير داخليه
سعر العربيه 74900؟؟؟؟؟؟؟
طبعا روحت و انا دماغى عماله تودى و تجيب و بصراحه من ساعة ما شفت العربيه و هى مش عاوزه تفارق خيالى
بس عاوز النصيحه اجيبها ولا ايه رايكم
ع العموم ح اسيبكم مع الصور
[http://www.iautocom.com/
شكرا و اسف للاطاله

**mmffor** · 05-06-2010 10:02 PM

bicycle
75 is too much! i would recommend you to buy a

**mmffor** · 05-06-2010 10:04 PM

it looks so much as chinese car

**hic** · 05-06-2010 10:21 PM

المشاركة الأصلية كتبت بواسطة mmffor

bicycle
75 is too much! i would recommend you to buy a

Thanks for your quick reply
I am all time not prefer a Chinese cars until I saw this car and I am looking for anyone to push me to buy this car ,I want ask you did you saw this car? I think no because if you see it sure you will change your opinion.

**Mostafa.Mahran** · 05-06-2010 10:39 PM

هى العربية شكلها تحفة و جميلة جدا و مغرية بس فى كام نقطة لازم تعرفهم
الشكل والكماليات اكيد على حساب العمر الافتراضى و الجودة
العربية لسه نازلة جديد و محدش يعرف عنها حاجة

فلو ال75 الف زيادة مع حضرتك و مش هيفرقو معاك فممكن تجرب العربية و انت ونصيبك

**hic** · 05-06-2010 10:43 PM

لا و الله مش زياده و لا حاجه انا فعلا كنت خلاص ح اشترى اللوجان لزوجتى على اساس انها عربيه زيرو و اعتقد احسن من الفيرنا او الانوس بس لما شفت العربيه دى قلت استشير اخوانا الاول و اشوف بس زى ما حضرتك بتقول برضه كل الامكانيات دى اكيد على حساب حاجات تانيه

**bassem.naguib** · 05-06-2010 11:41 PM

أرجو ألا تخدعك المظاهر .. فليس كل ما يلمع ذهباً .

مفكرتش حضرتك الكماليات دي وبالسعر ده ازاي .. أكيد في مقابل الجودة والاعتمادية .

أنا مش ضد العربيات الصيني .. كان زمان في السبعينات يقولك يا عم دي عربية ياباني .. وفي التمانينات يقولك يا عم دي عربية كوري (على فكرة كلمة كوري دي كانت مصطلح يطلق زمان على الحاجات السكة) .. تعالى شوف الياباني والكوري دلوقتي .. فأنا رأي أن لسه شوية على السيارات الصينية .

**elmadawy** · 06-06-2010 12:56 PM

بس انا عايز اقول حاجه عن اي عربية صيني او كوري او ياباني اي عربية تحافظ عليها وتعملها صح ومعني المعامله عمل الصيانات في مواعدها وعدم التهاون في وجود اي خلل في العربية
انا مثلا لما حبيت اشتري عربية سنه 2007 وشفت الجين 2 كل الناس قالت هات حاجه تعرف تبعها تاني وصناعه ايه الجين 2 ماليزي لا بلاش انت كده بتجازف لكن مدتش ودني لحد وقررت شراء العربية والعربية بسم الله ماشاء الله اهم حاجه الصيانات الدوريه للعربية وانا اعرف ناس معاهم عربيات صيني ومفيش اي مشاكل معاهم ليه علشان هما بيعرفو يحافظو علي العربية واسف علي الاطاله

**Abomar77** · 06-06-2010 11:29 PM

نصيحة مني أبعد عن الصيني دلوقتي ومتفكرش فيه غير بعد 10 سنين بالميت ....
عايز أقولك على حاجة واحدة هتعرفك يعني ايه صيني ....

الشعب الصيني مبيركبش عربيات صيني

عشان عامل الجودة والامان لسه غير متوفر في العربيات والمصانع اللي في الصين شغاله على التصدير للدول العالم المتقدمة زي مصر كده