السلام عليكم ورحمه الله وبركاته
انهارده وانا راجع من مشوار كنت على كوبرى الدقى _اتجاه جامعه القاهره _
الكاوتش الامامى يمين فرقع !
الحمد لله عرفت الم العربيه ومحودتش منى خالص
انا كنت سايق على 60 او 70
لما فرقع انا اصلا استغربت مكنتش متوقع حاجه زى كدا خالص وجاتلى لحظه من الذهول كدا بس الحمد لله مدستش فرامل كل اللى عملته انى مسكت الركسيون جامد وسنه دبرياج و لمست الفرامل لمسه خفييييفه واديت انتظار
واستنيت اما العربيه نزلت من على الكوبرى وركنت وغيرت الفرده
المشكله ان انا كنت مركب الفرده دى وهى الاستبن عشان اللى كانت راكبه اتخرمت بمسمار ولما رحت اصلحها كسلت ابدلهم والاستبن حالته اى كلام
فياريت يا جماعه محدش يغلط غلطتى ويركب الاستبن وهو قديم او مش واثق فيه