ربنا يكرمك ويرزقك الخير كله والله انت تستاهل
عرض للطباعة
انا اختلف معاكو فى الموضوع دا ... انا فى يوم لاقيت الزجاج الخلفى خارج من مكانة من الناحية اليمين فوق ... روحت لواحد بتاع زجاج واقف فى الشارع ومعندوش محل .. المهم لزق الازاز ... ومشيت عادى جدا ... وروحت الشغل تانى يوم واتحركت طبيعى بالعربية ... مع ملاحظة ان الراجل بتاع الازاز دا ما كانش بيخترع ولا باين عليه انه فنان ولا نابغة .. الامور كانت ماشية عادية جدا .... لكن الحق يقال الراجل قبل مايلزق الازاز لاحظ اعوجاج خفيف فى الفريم او الحلق بتاع الازاز (المكان اللى بيركب فيه الازاز ) جاب سمكرى من جمبة وخلاه يدق ويستعدل الفريم دا لان لما جرب يحط الازاز مكانة علطول لاحظ ان فيه حته عالية من النص وبتخبط ولما تخبط عليها ببطن ايدك تسمع صوت تخين ... بس ادى اللى حصل
وكلها ارزاق ونصيب
لكن عندى بقى مشكله مجننانى بجد وتاعبة اعصابى ... هو انى بسمع اصوات طقطقة وتزييق من ناحية الباب اليمين ورا ..
ومش لاقيلها حل
روحت لكل بتوع الابواب
وروحت لكل السمكرية
وروحت لكل السروجية
لما اكون ماشى على اسفلت نضيف العربية بتبقى ماشاء الله عليها ... ولا نفس
لكن لو اسفلت وحش او حتة مش متسفلتة او ارض محببه ... يالهوووووووى على الاصوات .. عربية كارو ماشية
ياريت لو حد يعرف حاجة يقولى
وشكرا