صوت يضايق فى 405 رجاء ا افيدونى

**د.محمد الغمازى** · 05-06-2010 10:14 PM

بصراحه انا اشتريت العربيه 405 لما دخلت المنتدى هنا ولما لقيت الشعر والمدح اللى الأعضاء هنا بيتكلموا عن 405 بالتحديد لكن كل يوم الاقى مشكله اروح للناس اللى بيفهموا فيها يقولوا حاجه عاديه لكن اللى مزهقنى صوت تزيق وخرفشه جاى من الزجاج الخلفى من ناحيه اليمين روحت فكيت الوجاج واتلزق تانى والصوت هو هو واحد يقول الزجاج مالوش دعوه وواحديقول الجلد اللى ماسك الزجاج ناشف او موكيت السقف صوت مزعج ياترى يكون ايه اوحد مر بالتجربه دى وعمل ايه اصل الصنايعيه اشتغلونى ولكم كل التقدير

**hic** · 05-06-2010 10:32 PM

انا عندى نفس الصوت بس مكبر دماغى
يا ريت لو وصلت لحاجه ابقى عرفنى

**the-hero** · 06-06-2010 01:22 AM

ده من بربيز الازاز
عاوز يتلزق كويس

**ENG_KHALED** · 06-06-2010 09:48 AM

اول مرة اسمع الموضوع ده ربنا يستر عليا لحسن عربيتي بتتلكك
عايزين بقي جواب نهائي من العمالقة
وبعدين يا هيرو الراجل فك ولزق الزجاج تاني ايه الحل بقي

**د.محمد الغمازى** · 06-06-2010 12:38 PM

فين الحلول ياجماعه انا كنت عاقد الحل على ربنا ثم عليكم اناحليت ولزقت الزجاج يمكن افضل احل يجى3مرات كدا عشان الخرفشه تروح

**kareem_Ashmawy** · 06-06-2010 01:42 PM

كانت عدى نفس المشكلة و طلع انه عايز يتلزق كويس بالسيليكون
والصنايعى فك الازاز و كحت السيليكون القديم كويس و نضف الاطار كويس
و جبنا سيليكون معين بس مش فاكر اسمه بس الراجل فضل يأكد عليا انى لازم اركن العربية يومين على الاقل على ما السيليكون ينشف و يمسك كويس و امشى و انا مروح من عنده كأنى بتعلم السواقة اول و تانى و كده لغاية ما اوصل البيت و اركنها يومين عشان الرجرجة و المطبات هتبوظ اللى عملناه
طبعا انا نفضتله و انا طالع من عنده لقيت الصوت اختفى و بقت تمام قمت سايق العادى بتاعى و لا ركنتها و لا حاجة
والنتيجة انه مكملتش اسبوع و رجع الازاز يزيق تانى
و ماشى بيها كده بقى لانى مش فاضى اروحله تانى