والله ما لحقتش اتهنى

**BLOODY_STONE** · 05-06-2010 10:22 PM

اعمل ايه انا طيب؟؟
ببساطة .. واحدة خبطت فيه من وره لأني كنت واقف في اشارة و بترد و بكل بجاحة : انت واقف ليه؟؟؟؟ حد بيعبر العسكري؟؟ امشي يلا انا مستعجلة ورايا شوبينج و حاجات كتير
طبعا انا محبتش ازعق لأنها كانت ست كبيرة قد امي كلمنا النجدة و عملت محضر ضد مجهول ( سامحتها بقى ) و شركة التأمين تشيل الليلة ..
اسيبكم مع الصور و اريت دعواتكم عشان اعرف اسلك معاهم

**hany_mohamed** · 05-06-2010 10:39 PM

الحمد لله انها جت على قد كده
حصلت معايا فى طريق سريع وسيادته كان مشغول باللى قاعدة جنبة وضيع الاكصدام الخلفى خالص ووقع كله على الارض
ولولا ان صاحب العربية طلع معرفه كنا بهدلناه
الحمد لله انك بخير
ومش محتاجة تأمين أو غيرة انا رشيت الاكصدام كلة و صلحت الكلبسات ب 200جنية

**amr.elsayed** · 05-06-2010 11:12 PM

المشاركة الأصلية كتبت بواسطة hesham_7amza

ورايا شوبينج .......... ؟؟؟
لو رديت هتوقف ...

+1 انا لو رديت حتسجن

قدر الله وما شاء فعل وان شاء الله تتصلح وترجع زى الاول والحمد لله بسيطة

**nab!l** · 05-06-2010 11:21 PM

لا حول ولاقوة الا بالله
منقدرش نقول غير الحمد لله
بس قوللى
انت واقف ليه

**Samir Elshahawy** · 05-06-2010 11:44 PM

قدر ولطف و الحمد لله اللي جت علي كده
بس معلش حضرتك كان المفروض تعملها محضر علشان تتعطل و يضيع عليها الشوبينج فتعمل حسابها بعد كده انها تأخد بالها
مافيش حاجة أسمها راجل و ست و لا كبير و لاصغير اللي غلط لازم يتحمل نتيجة خطأه خاصة أن ردها كان فيه قلة ذوق و عدم أعتراف بالخطأ

يا راجل ده أنا دمي محروق من اللي حصل لك ده

**ahmedbasto** · 05-06-2010 11:55 PM

قدر الله ماشاء فعل الحمد لله

**Ahmed Galal** · 06-06-2010 12:36 AM

معلش قدر الله و ما شاء فعل و انا باعمل حاجة حلوة قوى و انا داخل الاشارة باخد اقصى اليمين او الشمال و ادى انتظار قبل الاشارة بمدة و ابص فى مراية الصالون الاقى كل العربيات بتبعد عنى الموضوع ده مجربه و ماشى بيه تمام و الحذر لا يمنع القدر و الخبطة بسيطة ان شاء الله الموضوع كله رفرف و رشه بس يكون القواعد بتاعته سليمة لما تفك الرفرف بص على قواعده و بسيطة و فداك اى حاجة

**ouba2** · 06-06-2010 12:57 AM

لا حول ولا قوة الا بالله

**aly_hosny** · 06-06-2010 01:06 AM

متزلعش مني بس انت كدا سلبي
هتروح لواحد تاني برضو وهي راحة تعمل شوبنج وتخبطه وممكن يكون هو مش مامن
انا حتى لو كنت ناوي اسيبها وسمعت الكلام دا كنت هشتمها مش اعملها محضر بس

الموضوع: والله ما لحقتش اتهنى

LinkBack

أدوات الموضوع

عرض

والله ما لحقتش اتهنى - انشر الموضوع فى :

-

-

-

-

-

المواضيع المتشابهه

يااااااااااااااااااااه اخيرا روحت !! بس والله والله والله فى امل

والله حرام

والله العظيم عيب

الكلمات الدلالية لهذا الموضوع

المفضلات

المفضلات

ضوابط المشاركة