أنا مش فاهم ليه في الإعلام المصري بيحاولوا يداروا على ديانة الزوجات !!
يا أخونا الناس دي بتتجوز مسلمات !!!
مين في الدنيا يقدر يمنع مسلم من إنه يتجوز مسلمة !!!
عاوز أقولكم كمان مش بس الإسرائيليات "المسلمات" بيتعمل معاهم مشاكل
لا , واللي بيتجوز إيرانية مسلمة و قد تكون سنية , يبيطلع عين أمه , و مراته ممنوعة من دخول مصر , وهي مسلمة !!!!
أنا بصراحة شايف هجرة المصريين لإسرائيل و زواجهم من عرب 48 ده خطر على إسرائيل مش على مصر , ولو في شوية وعي ممكن نستخدمه لصالحنا
بس بسبب خيبة الدبلوماسية و السياسة بتاعتنا بقينا بنخاف من خيالنا , ومش قادرين حتى نحلم إننا نلعب اللعبة بتاعتهم
طبعا في ناس حتعارضني
إنما أنا مع الزواج من مسلمات او مسيحيات فلسطينيات سواء داخل الخط الأخضر أو خارجه
وكمان مع زيارة القدس و الصلاة في الأقصى ومحدش حينفعنا يوم القيامة , إحنا مأمورين بشد الرحال للأقصى ,والصلاة فيه بخمسائة صلاة من بتوعنا , يعني لو قضيت يوم هناك وصليت 5 مرات يبقى صليت 2500 صلاة ولو قعدت اسبوع يبقى صليت 17500 ,أنت يمكن ماصلتش العدد ده من يوم ما أتولدت لحد النهاردة خلوا بقه اللي بيقولوا إن الذهاب للقدس تطبيع ينفعونا
الله يلعن اليهود واللي سمحوا لليهود يعملوا فينا كده
المفضلات