باركولى يا جماعة الحمدلله وبفضله حجزت كيا سيراتو بعد حيرة شديدة جدا بينها وبين اللانسر والالنترا والصنى وباقى العربيات اللى فى نفس الشريحة 100-120 وحتى بعد ما استقريت على السيراتو والفضل لكده يرجع لحضراتكوا من خلال الاراء اللى قريتها هنا و تجاربكوا معاها رجعت تانى للحيرة بين السيراتوا الخليجى بمواصفاتها المختلفة والسيراتوا الوكيل وحتى بعد الاستقرار على الطراز رجعنا لحيرة المعرض والسعر بس الحمدلله النهارده قطعت عرق وسيحت دم
باذن الله بكره هاستلم سيراتو خليجى (سعودى) لون البرونز او زى مابيقولوا فى السوق لون الموكا (الكافيه) جنط 16+ABS+فتحة سقف +ايرباج للسواق بس و من غير حساسات ركن او عدادت رياضية
طبعا كله عايز يعرف السعر و هو ده اللى خلانى اتاخر فى الحجز عشان كان لازم اتاكد انه اقل سعر وفعلا المواصفة دى انا هجيبها ب 111 الف وده اقل سعر فى السوق بعد سؤال معظم الموزعين الكبار .... كنت نويت اجيبها من عند سمير ريان لقيته زود النهارده 500جنيه على سعرها سيبته و مشيت ورحت لجابر عبدالشهيد و خلصت ب 111 الف ....الحمدلله بس ياريت بقى تقولولى اخد بالى من ايه وانا باستلم لانى اول مرة بصراحة اشترى خليجى ....وشكرا مقدما على الاهتمام
المفضلات