الموضوع: حدث في أوتوماك (ياريتني ماروحت)

باقي صور الجولة بأوتوماك 2010









نيجي بقي لصور البولو الجديدة 2010


















و أخيرا ..... الياريس 2010

أنا رحت امبارح يا جماعة و كنت هاستحرم التلاتين جنيه اللى ادّفعوا بصراحة لولا انى ركبت أنا وأصدقائى (كنا تلاتة كلنا) فى عرض Jeep اللى فى نص القاعات ده و كانت تجربة روووووووووووعة و لو انت club member فى jeep ممكن انت تسوق
بس للأسف الصور مع صاحبى مش معايا

المهم انا ليا تعليقين :

الأول يخص تويوتا :
1- الياريس متنفضة تمااام و ب120 ألف و 1500 سى سى لييييييييييه
2-الكورولا زبطوها على الآخررر هيا جنوب إفريقى و فتيس أوتوماتيك عادى و كماليات بالعبيط (فوج لايتس, كاسيت built-in ب 6 cd-changer, زينون, سمارت كى و عدادات غريبة بس شكلها نضيف أوى ما شاء الله و حاجات تانية أنا مش فاكرها) و سعرها 160 ألف جندى
وصاحبى كان هيعيط لأنه جايبها فى 12/2009 مافهاش غير جنوط و ب 154 ألف بس يابانى خليجى


التانى يخص رينو :
1-الرينو داستر أضيق من اللوجان !!!!! تيجى إزاى مش عارف
التقفيل درجة متوسطة فالسعر مبالغ فيه شوية أنا شايف ان آخرها 100 ألف مثلا لل 4x4 الكاملة و بصراحة أنا ماادفعش اكتر من 100 ألف و لسه أعد أدوس على دبرياج و بتاع لازم أوتوماتيك عشان تتباع
2- الفلوانس تححححححححححححفة فنية العربية ديه المفروض انها تاكل الجو بس واضح ان الخوف من رينو ما زال موجود
العربية تحس انها تقفيل اوروبى مش ممكن تقول تركى ابدا و المساحة الداخلية فظييعة و هى أربع باقات:
-118 مانيوال
-125 أوتو
-135 أوتو
-158 أوتو high-line
ال135 باقة ممتازة جدا على سعرها و فيها شوية كماليات حلوة برده

يا رب أكون قدرت أفيد حد كان محتاج مساعدة
والسلام عليكم ورحمة الله وبركاته