ماكانش يومك يا لانوس ، هايغيرولك السبايك يا حبيبتى !!!

**zikoofire** · 06-06-2010 01:40 AM

السلام عليكم يا اخوانى واصدقائنا فى منتدانا الغالى
الحقيقة زى مانا دايما اتعودت اصدعكم باسئلتى ، عشمان فيكم تفيدونى النهارده فى مشكلتى ..
من حوالى شهر كنت مشيت عالعربية ناقصة شوية بنزين ، بس كان عادى والصوت ماكانش بيعلى ، لكن جيه فى الاخر وعلى شوية ، والنهارده روحت وديتها تتغسل كلها والموتور اتغسل غسلة كار كير ( كيماوى)
المهم خرجت بالعربية ببص لقيت لمبة التشيك منورة، وهيا ماكانتش بتنور قبل كدا ، مافهمتش ونزلت عالكهربائى فضل يفحص ويمحص وييجى يزود بنزين نسمع ترزيع فى العربية وتخبيط مش فاهمين فيه ايه، غيرنا بوجيهات مافيش فايدة ، فضل يجرب وفى الاخر وداها لميكانيكى قال ديه عاوزة تغير سبيكة !!
قولنا نروح لواحد تانى ، قالى هاتغير سبيكة وهانخرط عمود الكرنك ، وهاتاخد عالاقل يومين ، طبعا انا واحد معلوماتى على قدى ولقيت واحد بيقولى سبيكة ؟ وكرنك؟ .. طيب ايه باه ؟
انا قلقان اوى ومش عارف اقدم عالخطوة ديه ولا لا ، لان فيها فك موتور ، وهل العربية هاترجع تانى زى الاول ولا ايه ، وياترى الموتور كدا خلص ولا لسة بخير ولا ايه النظام؟؟
ياريت تفهمونى الله يكرمكم
العربية لانوس 2 موديل 2005 ، ماشية لحد دلوقتى 102000

**Strong** · 06-06-2010 01:52 AM

أنا لو مكانك هبيع المتور ده وهجيب متور جديد لأن أي شغل في المتور فيه خراطة مش بيطلع صح والعربية مش بتسحب وبتاخد بنزين زيادة

وده اللي باسمعه من معظم اللي بيعمروا المواتير بالخراطة

**احمد المصرى** · 06-06-2010 09:06 AM

انتظر راى باقى الاعضاء قبل ما تعمنل اى حاجه

هل الموتور فجاه كدا يحصله كل دا فى ثانيه كدا ؟؟؟؟؟؟؟؟؟؟؟؟؟

انتظر راى باقى الاعضاء قبل ما تعمل اى حاجه

**mohfud** · 06-06-2010 11:23 AM

والله أعلم واضح أن العربية لما نقصت بنزين شفطت وساخة التنك والله أعلم سوف تحتاج لتنظيف الرشاشات والبوابة والحساسات وسوف ترجع سليمة بإذن الله وخصوصا أنها عاملة 102 الف ودا رقم صغير لا يوحى بأى عمرة أو خراطة.

**ASSASSIN** · 06-06-2010 11:59 AM

إحتمال يكون حساس الكرنك فيه حاجة
لازم تعرف الكود

**MMamdouh** · 06-06-2010 12:05 PM

نقص البنزين ملوش علاقة بالكرنك و السبيكة

غسيل الموتور ملوش علاقة بالكرنك و السبيكة

لو فعلا العربية عايزة كرنك و سبيكة يبقى تجيب سبيكة جديدة و كرنك استيراد ايكون ستاندارد

حطيت العربية على سكانر؟؟

MMamdouh

**samirayad** · 06-06-2010 04:04 PM

المهم خرجت بالعربية ببص لقيت لمبة التشيك منورة، وهيا ماكانتش بتنور قبل كدا ، مافهمتش ونزلت عالكهربائى فضل يفحص ويمحص وييجى يزود بنزين نسمع ترزيع فى العربية وتخبيط مش فاهمين فيه ايه، غيرنا بوجيهات مافيش فايدة ، فضل يجرب وفى الاخر وداها لميكانيكى قال ديه عاوزة تغير سبيكة !!
قولنا نروح لواحد تانى ، قالى هاتغير سبيكة وهانخرط عمود الكرنك ، وهاتاخد عالاقل يومين ، طبعا انا واحد معلوماتى على قدى ولقيت واحد بيقولى سبيكة ؟ وكرنك؟ .. طيب ايه باه ؟

متسمعش كلام الميكانيكيه دول

دول عاوزين يفتحوا شغل من أجل القريشينات

ولو عاوز الصح

حل فيش الحساسات وأغسلها كويس بالبنزين أو منظف كهربى مناسب

وجففها صح بالسيشوار مثلا

وركب وخلصت

ولا حتشوف لمبه منوره ولا صوت ترزيع ولا غيره

طالما مكنش فيه حاجه موجوده عندك

قبل الغسله المشئومه

**abo_lamar** · 06-06-2010 11:00 PM

الناس دي بتنصب عليك يا صاحبي اعمل زي ماقالك المهندس سمير والمهندس ممدوح وان شاء الله يكون خير

-

-

الموضوع: ماكانش يومك يا لانوس ، هايغيرولك السبايك يا حبيبتى !!!

LinkBack

أدوات الموضوع

عرض

-

-

-

المواضيع المتشابهه

يومك ايه

حبيبتى لانوس

ركبت الزينون والساعه ومرايه كهرباء كمان فى حبيبتى لانوس

صوت السبايك

الكلمات الدلالية لهذا الموضوع

المفضلات

المفضلات

ضوابط المشاركة