لكل راكبى الدراجات فى الاسكندريه

**motaznansy** · 06-06-2010 02:50 AM

انا بس عايز اسال سؤال هوه عاطف وخالد من الاسكندريه
تانى حاجه عاطف انا ممكن انزل اجيب متوسيكل ان شاء الله بس كام يوم كده
لما انزل اروح فين وكمان انا عايز اتعلم سواقه يعنى اروح لواحد يعلمنى السواقه واديلو فلوس زى تعليم سواقه السيارات وكمان انا طالب منك خدمه لما انزل اجيب ريس هاخدك معايا علشان تجبلى الميكانيكى الى انت بتعتمد عليه وتيجى معايا علشان انا مش اعرف اى حاجه فمنك نستفيد وكده
وكمان لما اجيب المتوسيكل ان شاء الله
اصحاب الريس الى فى الاسكندريه هنتجمع فى يوم ونتعرف على بعض والى عايز حاجه يطلب مساعده من اى حد
بس انا الاول عايز اتعلم السواقه الاول فممكن تدينى نمره واحد يعلمنى واديلو فلوس وكده
وكمان سؤال بايخ شويه لما بتروح عند صحبك ومفيش مكان تركن فيه الريس بتعمل ايه مثلان فى باكوس هتركنوه فين هتدور على جارش وكده معلش انا صدعتكو
وشكرااا جزيلان لااصحاب الريس فى الاسكندريه

**KHALED2010** · 06-06-2010 08:57 AM

ياعم السواقة من اسهل مما تتخيل اى حد ممكن يعلمك وبعدين موضوع الركنة ده مش موضوع يعنى

**motaznansy** · 06-06-2010 11:54 AM

متشكر جدا يا خالد

**tamertamer** · 06-06-2010 12:02 PM

السواقة سهلة وبسيطة اهم حلجة بس تظبت يدك ورجلك وتوازن نفسك لو انت بتركب عجل يبقا التوازن 100 100 لو بتسوق عربيات يبقا النقلات خلاص هيبقا قدامك بس تظبت ايدك بين البنزين والدبرياج وخصوصا فى الطلعة بس انا نصحتى ليك لو اول مرة تركب فى حياتك اجر موتسكل صينى وهو رخيص اصلا مرة اثنين بالكتير هتبقا جامد لان طلعة الريس شديدة على حديثى السواقة عشان متقعش بية وربنا معاك والاخوة هنا مبيتاخروش على حد

**motaznansy** · 06-06-2010 06:23 PM

انا عارف ان محدش بيتاخر على حد بالزات عاطف وخالد كمان
بس هوه انا هاجر ريس صيعنى منين علشان اتعلم عليه السواقه ولو حد يعرف واحد بيعلم السواقه دى السيارات يقولى وانا اروحلوه
ثانيا انا ماقرش اسوق سياره ههههههههه
انا باسوق عجل تمام اوى هههههههههه

**naser_56** · 07-06-2010 01:27 AM

بصراحه انا مش من الاسكندريه انا من سوهاج ولا قصدك علي otefa الي هو الباشمهندس محمد بصراحه انا معرفش هو منين وازا كنت بتسوق عجل كده انته عديت المرحله المهمه وهي مرحل الاتزان نفس الي بيتعلم السباحه لازم الاول يتعلم الطفو وانصحك حاول تتعلم تبديل الغيارات الاول وحاول تشوف حد من اصحابك معاه حاجه صيني وحول تتعلم عليها

**tamertamer** · 07-06-2010 12:52 PM

فى ناس فى مدينة نصر القاهرة بيعلم سواقة الموتسكلات خلف السراج مول

**motaznansy** · 07-06-2010 04:40 PM

لا انا قصدى على عاطف
انا عايز واحد يعلمنى السواقه فى الاسكندريه
لو حد يعرف بجد لازم يقولى

**ahf_vip** · 10-06-2010 08:42 AM

لو عايز حد تأجر منه مكن صينى او يابانى فى ألكس فيه فى الاسكندر فى اوله حوالى 50 متر من البحر و هو ممكن يعلمك بس احسنلك أجر منه المكن و شوف حد صاحبك يعلمك و المكن ال 400 عنده ب 100 الساعه و بتنزل ل 70 و فيه مكن 900 كمان بس مش عارف الصينى بيتأجر بكام و اى خدمه قول و احنا تحت امرك