قدر الله وما شاء فعل

**pasha2000eg** · 06-06-2010 10:04 AM

ازيكوا يا شبا ب المنتدى

من يومين حصلت حادثة بس ربنا نجانا الحمد لله واحد مسطول وشارب كنت راكن بجيب دوا من الاجزخانة وسمعت صوت فرقعة رهيب خرجت لقيت الواد دة خابط عربيتى من ورا خبطة رهيبة من شدتها خبطت الى قدامى والى قدامى خبط الى قدامه وكان فى ناس قاعد ة فى العربيات بس ربنا سترها عليهم

الحمد لله على كل شيئ هى خبطة جامدة بس ربنا يعوض باذن الله

انا وديت العربية الحرفيين للسمكرى قالى هيفضى العربية ويحطها على جهاز علشان يستعدلها ويظبطها طبعا هو خبط الشطة والجزء الى ورا والسمكرى بيقول ممكن تعوز نص يتركبلها كنت عاوز رايكوا هى العربية لو اتركبلها نص بتنفع تانى وترجع تشتغل ولا ابيعها بحالتها دى وربنا يعوض عليا فى الى هحسرة قبل ما اصلحها يعنى من الاخر كدة

لو العربية اتظبطت وركبلها نص على ايد واحد نضيف هترجع تتساق تانى وكدة ولا مش هتظبط

مستنى ردودكوا وشكرا ليكم جميعا

**yahiahelaly** · 06-06-2010 10:09 AM

اولا فداك يا فندم وحمدلله عى سلامتك ثانيا هي العربيه نوعها ايه والسمكري قالك هتحتاج مصاريف اد ايه في حاله تغير نص او سمكرتها وياريت لو صور للخبطه بحيث الزملاء يقدروا يساعدوك

**N.a.j.d** · 06-06-2010 10:13 AM

الحمدلله ع سلامتك وسلامه الاخرين
اهم حاجه السلامه
ممكن تصورلنا الخبطه عشان الشباب تقدر تساعدك

**ZALABANY** · 06-06-2010 10:14 AM

قدر الله وما شاء فعل وربنا يعوض عليك بس هي العربية نوعها ايه

**ameros** · 06-06-2010 10:14 AM

لا حول ولا قوة الا بالله العلي العظيم فداك ومحدش عارف لو كنت جواها كان حصل ايه الحمد لله علي سلامتك
لازم تبعتلنا صور وان شاء الله الرد يفيد

**pasha2000eg** · 06-06-2010 11:03 AM

شكرا يا شباب

هى العربية فيكترا 97 انا عندى الصور وهرفعها قريب باذن الله بس كنت عاوز رد على موضوع تغيير النص دة وشكرا

**kar!m** · 06-06-2010 11:45 AM

بص لو اتركب لها نص هترجع زى الأول بس الفرق الوحيد ان سعرها هينزل جدااا.. فا لو بتفكر تبيع قريب بيعها كده أحسن .. انما لو العربيه عزيزه عليك ومعاك من زمان و مريحاك وناوى تخليها يبقى صلحها واحتفظ بيها و ربنا يبارك لك فيها و يعوضك خير.

**tamertamer** · 06-06-2010 11:49 AM

خلى السمكرى يستعدلها مهما كلفتة من شغل بلاش حوار القطع دة هو الاسهل لية انة يقطع لكن لو واد صنيعى هيعملهاء مهما كانت

**ashrafnoby** · 06-06-2010 12:11 PM

الحمد لله على كل شى
بس يفضل تشوف حد سمكرى كويس وان يكون امين علشان يحدد هى عايزه ربع او تتصلح وراى شخصى افضل تجيب ربع احسن ولوتحب اسالك عن قيمته اتصل عليا على رقم0113663963 وانا من الاسماعليه بس انا عايز اعرف العربيه نوعها ايه وموديل كام. والله يعلم انى اريد ان اساعد
[

م/اشرف

**pasha2000eg** · 06-06-2010 12:17 PM

هو فعلا السمكرى قال انه مش عاوز يركب نص وقال انه هيحاول يصلح الى باظ ومش هيقطع حاجة الا لو مضطر جدا علشان تغيير النص دة اخر حل وانا متابع معاكوا وربنا يسهلها باذن الله