الموضوع: اول صيانة للسيات ابيزا 2010 بكام؟

متابع معاك........

بتبقى عند ال5000
لسة عاملها يوم الجمعة اللي فاتت 415 جنيه.
تغير زيت Mobil 1 + فلتر + تنضيف فلتر تكيف + تربيط عفشه + مصنعية + ضريبة
غسلوا العربية بره ونضفوها جوه والموضوع اخدو ساعة وربع من ساعة مداخلة من الباب لحد ماخرجت. كانوا ذوق ومكنش فيه أي مشاكل.
هما يوم الاحد أجازة والسبت شغالين من 9 صباحا ل 1 ظهرا غير كده من 9 صباحا ل 5 مساء

المشاركة الأصلية كتبت بواسطة gabrial

مبروك يا أستاذ جون ،عقبال ١٠٠ ألف .

ألف شكر ربنا يخليك

السلام عليكم ورحمة الله وبركاتة

انا عملت صيانة 5000 نص شهر ابريل الى فات فى التوكيل

والموضوع اتكلف 397 جم
زيت موبيل 1 ---------> 236 جم
فلتر حشو --------> 53 جم
مصنعية --------> 72 جم
ضريبة مبيعات 10% --------> 36 جم

وفعلا زى John_Samy_1 ما قال بيغسلو العربية ويبربطوا العفشة و تنظيف فلتر التكييف مجاناً

والحمد لله التوكيل الصبح فى البدرى بيكون رايق والموضوع كلة بياخد من ساعة ونص لساعتين تقريباً

بص هو بره كل الالماني أول صيانه ليه بعد 15000 أصلا. والعربية ديه في بلدها أول صيانة ليها بعد 15000. لو دست على زرار اللي مابين العدادات شمال 3 مرات هيقولك فاضل اد إيه على الصيانة اللي جية. وأول مرة بتكون 15000. صيانة الألف والخمسة ديه في الاسيوي بس. بس عشان بلدنا الحلوة وتربها اللي نادرا مابتشوف منه, فلتر التكيف بيتملي تراب أسرع من العادي والعفشه بتحتاج تربيط بدري عشان كده بيعملوا الكلام ده تقريبا في الخمسة (مجرد بس عشان الأمان) وبيكون شبه فحص صوري فـممكن يتأجل للعشرة. تغير الزيت ده برده حاجة كده عشان يبرروا الصيانة مش معقول هتروح التوكيل وترجع دافع 70 جنيه مصنعية بص على العربية. فعشان كده بيكون فيه تغير زيت. أنا بصيت على الزيت قبل ماروح وكان زي الفل وكنت مستحرم يغيروه الصراحة. العربية ديه اعطالها منعدمة وغالبا مش هتلاقي حاجة تقولها في الصيانة وهما متعودين على كده.

المشاركة الأصلية كتبت بواسطة zico900

يعني اه فلتر حشو؟

ولو عايزين نحط زيت تاني غير موبيل 1 ينفع ولا لا؟

كنت واقف مع صحبي و هو بيستلم العربيه دي الراجل قلو ان اول صيانه 10000 و ان الزيت ده بيقعد 15000 بس هما بيغيروا في ال10000؟ اه الكلام؟

السلام عليكم ورحمة الله وبركاتة
بص يا سيدى الفاضل
الفلتر الحشو عبارة عن الفلتر زيت العادى المعروف بس من غير العلبة المعدن الخارجية وتقريباً بيكون شكلة كدة تقريباً

ويركب فى كوب معدنى امام الموتور (بالنسبة للابيزا 2010)وصورته :-

طبعاً ممكن تستخدم زيت تانى غير موبيل 1 بس التوكيل بيستخدم موبيل 1 فقط
غير كدة فى شرط لو غيرت الزيت برة التوكيل الشكمان والكتاليزر بيخرج من الضمان

المشاركة الأصلية كتبت بواسطة John_Samy_1

بص هو بره كل الالماني أول صيانه ليه بعد 15000 أصلا. والعربية ديه في بلدها أول صيانة ليها بعد 15000. لو دست على زرار اللي مابين العدادات شمال 3 مرات هيقولك فاضل اد إيه على الصيانة اللي جية. وأول مرة بتكون 15000. صيانة الألف والخمسة ديه في الاسيوي بس. بس عشان بلدنا الحلوة وتربها اللي نادرا مابتشوف منه, فلتر التكيف بيتملي تراب أسرع من العادي والعفشه بتحتاج تربيط بدري عشان كده بيعملوا الكلام ده تقريبا في الخمسة (مجرد بس عشان الأمان) وبيكون شبه فحص صوري فـممكن يتأجل للعشرة. تغير الزيت ده برده حاجة كده عشان يبرروا الصيانة مش معقول هتروح التوكيل وترجع دافع 70 جنيه مصنعية بص على العربية. فعشان كده بيكون فيه تغير زيت. أنا بصيت على الزيت قبل ماروح وكان زي الفل وكنت مستحرم يغيروه الصراحة. العربية ديه اعطالها منعدمة وغالبا مش هتلاقي حاجة تقولها في الصيانة وهما متعودين على كده.

كلام مظبوط و 100 100 والكتالوج وكتيب الصيانة بياكد هذا الكلام