هية الستاير الكبس المرور بيسحب عليها الرخص؟؟!!!!!
السلام عليكم
حصل معايا موقف كده امبارح وحبيت افضفض معاكو واعرف رايكو فى اللى حصل
انا معايا لانسر بومه ولسه مركبلها ستاير كبس من يومين بابين ورا وازاز خلفى...قولت بقى عشان الشمس والتكييف وفى نفس الوقت مدية العربية برستيج وشياكه
المهم لسه ماشى بيها اول مرة امبارح..كنت ماشى فى عباس العقاد وكان معايا والدى ووالدتى والطريق زحمة وماشين بطىء خالص لقيت ظابط واقف عالجنب ومعاه عسكرى مش منظر لجنه يعنى..عاملين زى ميكونو مخبرين ومستخبيين اول مرة اشوف كده!!!
اول ما شافنى راح معديلى ووقفنى وحصل الاتى:
الظابط : رخصك
انا : اتفضل
الظابط : ايه الفاميه ده!!
انا : ده مش فاميه ياباشا دى ستاير
الظابط : طب اركنلى على جنب:36_1_2[1]:
قولت فى عقلى ساعتها حبكت اطلع دكتور مش كنت طلعت ظابط ولا وكيل نيابه احسن بدل البهدله دى:vctry:
الظابط : ومركب ستاير ليه ومش مثبوت عندك فى الرخصه ان مصرح بستاير
انا : دى ستاير شفافه مش معتمه مش ستاير قماش ومش مبينه اللى جوه عشان تعوز تصريح وبعدين دى بتتشال فى ثانيه تحب اشيلهالك
الظابط : لا دى ممنوعه وبيتسحب عليها الرخص
انا : خلاص لو غلط اشيلها دلوقت مش مشكله
فالظابط لقى الرخص غربية.. فقالى انت منين فى الغربيه قولتلو طنطا
فلقيتو بيقولى انا هسيبك بس عشان احنا بلديات:Ta_clap[1]: قولت احمدك يارب :ask: اخيرا طنطا نفعتنى بحاجة:ma:
وقالى بس ابقى خد بالك بعد كده عشان دى ممنوعه وبيتسحب عليها الرخص قولتلو متشكرين وخدت الرخص ومشيت
الغريب بقى ان كان جنبى عربية صنى مركبة الستاير وموقفوش واللى استغربتو اكتر طريقة قطاع الطرق اللى بقو بيوقفو بيها العربيات..تكون ماشى فى امان الله تلاقى ظابط بيجرى عليك من الجنب متعرفش طلع منين وبيقولك رخصك من غير ميكون باين ان فى لجنة ولا حاجة عشان متلحقش تظبط نفسك
فانا نفسى اعرف الستاير دى بيسحبو عليها الرخص ليه؟؟!!!! مش كفاية انهم مانعين الفيميه:120146b مستخسرين فينا ستارتين ورا ومش معتمين عشان الشمس !!!!!
دنا لسه مركب الستاير من يومين وكرهونى فيها رغم انها حلوة جدا جدا فى الصيف وشكلها جامد اخر حاجة
بجد حرااااااااااااااام