ألف ألف شكر يا كبيـــر :w6266d
ربنا يوفقك يا رب و يعافي والدك يا دكتور ..
عرض للطباعة
بارك الله فيك
طيب ينفع الصيدلي يكون ليه نسبة بس مثلا 50 % ولا لازم الورق كله يطلع باسمه هو زي الترخيص وكده
ومعلش سؤال هي الربح بتاعها شهريا بيترواح من كام لكام لاني بسمع ارقام فلكية
وهل لازم المكان يبقي بتاعي ولا ممكن اأجر مكان وايه المساحة المطلوبة
بص ياسيدي
الصيدلية لازم تكون مملوكة لصيدلي(من الناحية الرسمية)...يعني كل حاجة بإسم الصيدلي من الألف إلى الياء
لو إنت عاوز تفتح صيدلية ...أو تشارك صيدلي في صيدلية
عادي
بس كل حاجة هتكون بإسمه..وإنت تضمن حقك بــــــــشيك أو أي ضمان تتفقوا عليه
.................
وبالنسبة لنقطة المكاسب
دي حسب مبيعاتك
وحسب المكان إلي إنت مشتري منه الدوا
يعني
لو بعت بــ الف جنيه في اليوم ..مكسب يكون مترواح مابين 200 و 250 جنيه
ده لو بتشتري من المخازن
إنما لو بتشتري من الشركات
مكسبك هيتراوح مابين 170 و 200 جنيه يوميا..لكل ألف جنيه مبيعات
........................
وطبعا ممكن تأجر المكان
والمساحة-حسب القانون القديم-25 متر...ولسه موضوع المساحة الجديدة 40 متر لم يُحسم بعد
جزاك الله كل خير
وان شاء الله هدخل علشان اسالك كام سؤال لو مفيش تعب
وشكرا جدا
د
جزاك الله كل خير بجد فعلا الكلام خارج من القلب بمنتهى الامانه والموضوعيه
يا رب يكون فى ميزان حسناتك
ليا طلب وليك حريه القبول او الرفض
هل ممكن تبعتلى القائمه بالدواء لو سمحت لو ينفع تبعتهالى اميل ولو مش ينفع ممكن اجى يوم واقابلك واخدها منك انا من القاهره ( 6 اكتوبر ) متخفش مش هشرب غير كوبايه شاى بس ههههههه ون شاء الله انا هفتحها فى 6 اكتوبر يعنى بعيد عن الزقازيق خالص
طيب الصيدلى ال هفتح باسمه بياخد كام شهريا او بياخد نسبه كام %
ثانيا :- ممكن نقول ان مكسب الادويه 20 % كدا صح ولا غلط
ثالثا :- لو جبت دكتور صيدلى يشتغل 10 ساعات يوميا مثلا تقريبا مرتبه هيبق كام
رابعا :- الرفوف الجديده ال عامله ذى درج بيتفتح بيخرج منه درج كبير وطويل وبيكون مرصوص فيه الادويه لو هجهز صيدليه بالمنزر دا تتكلف كام من حيث تجهيزها اقصد رفوف وادراج وكدا
مفيش مشكلة خالص
بس مش هتنفعك بأي حاجة
علشان الأدوية إلي ماشية عندي في الزقازيق..مش هيا إلي ماشية في 6 أكتوبر
وطبيعي
إنك لازم تشتري ماستر الأدوية الي بيتجدد كل سنة..سعره حوالي 25 جنيه
فيه كل الأدوية المصرية ..بالتفاصيل..وحتى بالصـــور كمان
ومنها كمان سي دي
وبيتباع في المراكز التعليمية إلي غالبا بتكون مجاورة لكليات الطب والصيدلة
الصيدلي بياخد حسب الإتفاق
يعني
في المدن ..ممكن ياخد علشان يحط إسمه على الصيدلية(500)...أو(1000)
حسب مكان الصيدلية
يعني الصيدلية في الارياف ..غير الصيدلية في شارع جامعة الدول العربية مثلا
....
والصيدلي ممكن ياخد علشان يسجل لك كمدير في الصيدلية..مش أقل من 800 وإنت طالع
.....
وتجهيزات الصيدلية دي...أنا كنت عاملها من زمان
أكيد مش فاكرها
وبعدين التجهيزات بتختلف حسب مساحة الصيدلية والديكورات
ودي تسأل فيها إلي هيجهزلك الصيدلية ..أو واحد نجار كويس
أو واحد بتاع ألمونيتال..(لو هتعملها ألمونيتال)
..والله أعلم..
والدكتور الصيدلي بيشتغل بالساعة يوميا..لمدة شهر
يعني
ممكن ياخد 60 جنيه في الساعة..لمدة 10 ساعات يوميا لمدة شهر=600
وطيعا
الموضوع نسبي حسب المكان الي الصيدلية فاتحة فيه...وحسب الاتفاق
.....................
ومكسب الأدوية في متوسطه20 %
جزاك الله خيرا على المعلومات القيمه دى يا دكتور
بجد جت فى وقتها