لغز اسمة اسبيرانزا

**hemaa_82** · 20-06-2011 08:46 AM

بس ده راجل مفتري برده .... طب مانا عندي اتشرخت لما اتخبط جامد في الرفرف اليمين ... و كنت بروح وارجع اسكندرية عادي ...بس لما كانت بتنور ان المياه قلت كنت بزود ... و في الاخر ركبتها علي الضمان .... انما افضل ماشي و مطنش اللمبة اللي منورة و في الاخر اقول دي عربية وحشة .....؟؟؟؟

طب والعربيات السيراتو مثلا اللي جابت وش سلندر علشان مفيهاش مؤشر حرارة و الليد بتاع السخونة محروق و عن تجربة لمعرفة والله مش هجص دي كدة ممتازة علشان كوري؟؟؟:)

اللي بيعرف يحافظ بيحافظ انما اللي مش في دماغه بقي ربنا يكون في عونه .....

زمان قبل ما ابدأ اسوق ... الحج ربنا يكرمه قالي اي حد يعرف يدوس بنزين انما مش اي حد يعرف يركب عربية .....

**katoba** · 20-06-2011 02:36 PM

ألكلام الى انت بتقوله ده ياهيما صح مية فى المية لانى عاوز اشترى عربية ودى اول مرة امتلك سيارة فى حياتى وكنت بسوق طيارى قبل كدة فى السعودية بعربية والدى وحاسس انى هتعب كتير اوى وممكن ابوظ حاجات كتيرة لانى لسة على قدى علشان كدة الناس بتنصحنى اجيب حاجة مستعمله اهلك فيها واطلع روحها الاول وبعدين اجيب الزيرو علشان ساعتها اعرف احافظ عليها واتعامل معاها ازاى .. وربنا يبارك للكل فى عربياته

**aftr** · 21-06-2011 04:32 AM

ياهيما الراجل يعمل ايه مفترى ليه المفروض مين المفترى ابو الفتوح اللى مش عنده قطع الغيار الراجل قال انا لفيت عليها وملقاش يعمل ايه لحمها ومفيش فايده يسيب العربيه ويركب توكتك ولا يعمل ابه ظروفه جت كده وربنا يسترها على الجميع ويبعدكم عن ابو الفتوح

**samehsalem** · 21-06-2011 06:04 AM

بصراحة انا مش عارف فين هيا قطع الغيار اللي مش موجودة في التوكيل..انا اتغير عندي دينامو ومكنة ازاز خلفي شمال وقربة مياه وكله في الضمان ....بس انا كنت بروح المركز اللي بعد البوابات وكنت بلاقي عنده كل حاجة بصراحة حتي لو مش موجودة في مهندس اسمه ابراهيم ده راجل محترم جدا هناك مسئول عن قطع الغيار كان بيتابع معايا وبالكتير كان اسبوع والقطعة تكون موجودة....العربية كويسة للي بيحافظ عليها ومراعيها كويس غير كدة اكيد هتبقي مش كويسة زيها زي اي عربية انا ممكن اجيب مرسيدس ولا بي ام واهمل صياناتها واهتمام بيها من اي ناحية وبعد ده كله اكيد هيبقي فيها مشاكل...ادخلو قسم شيفروليه وشوفو الكروز اللي جابت مساعدين ضاربين زيت ولسة معملتش 10000 ك...هنقول عليها عربية وحشة ولا هنقول عيب صناعة او حالة فردية وممكن تحصل عادي....