-
خير ايه اللى حصل
قلقتنى قوى
-
كان عندى شغل النهاردة فى مدينة السادات و انا على طريق اسكندرية الصحراوى لقيت مؤشر الحرارة عند الأحمر رحت موقفها. بصيت ملقيتش مية خالص, و لقيت بزبنة تعاون قدامى, رحتلها قعدو يجرو الميا فالمتور و ينزلوها من الخرطوم لحد ما المية بردت و قفل.
مشيت 3 دقايق مثلا لقيت درجة الحرارة فوق ال 100 روحت راكن عند محل سماد و حاجات زراعية و استءذنتهم و مشيت و خليت المصنع اللى انا راحه يبعتلى عربية و قد كان , خلصت شغل رجعونى لعربيتى مليتها مية و توكلت على الله فضلت ماشى على 80 و درجة الحرارة تحت ال 100 بشوية قلت قشطة على موصلت البوابات لقيت لمبة الزيت بتنور
-
وش سلندر يا نجم
قدر الله و ما شاء فعل
-
عديت البوابات و فتحت الكبوت و اذا بدخان زيت بينفث من الغطا و ريحة وحشة . حمدت ربنا و رحت قعدت مع اصحابى كانو فى تريانون اللى فى داندى وحاولت انسى الموضوع. بعد كدة لما الدنيا ليلت شويا رجعت للعربية و اعدت ارش عليها مية و فضلت اجرى المية فى المتور و هو شغال بردو , و مليت مية و جريت على عبد الله
-
و انا على الدائرى لقت بردو العربية بتسخن و كانت قرب ال100 نزلت لقيت فى ضغط هوا سخن عاى على الغطا ففكيت الغطا و مشيت بالقربة مش متغطية لقيت درجة الحرارة بقت 95 ووصلت لعبد الله و سبيتلو العربية يشوفوها بكرة بعد الصلاة ان شاء الله
-
فعلا قدر الله و ما شاء فعل و لا نقول الا ما يرضى ربنا الحمد لله :)
-
طيب انا مش فاهم حاجة فى الاول كانت المشكلة العربية مش بتسخن وبعد كدة المشكلة انها بتسخن .. انت عملت حاجة خلتها تسخن ؟؟
ممكن تحكيلنا الحكاية كلها من الاول بالتفصيل من اول لما جيت تغير المية؟؟؟
حركة البنزينة دى اللى جابت وش السلندر المفروض كنت سيبتها هديت الاول وبعد كدة دورت وحطيت مية
-
-
-
انا بعد ما عملت موضوع الياه الخضراء و المقطرة المروحة كانت بتشتغل متواصل بدون توقف من اول ما العربية تدور, بعدها رحت المشوار بتاعى لمدينة السادات و العربية سخنت جدا لحد العلامة الحمراء بدون سابق انذار.
عموما الحمد لله وش السلندر محصلوش حاجة العربية اتصلحت و كلها حاجات فى دورة المياه, وربنا يستر انا رايح استلمها
Content Relevant URLs by
vBSEO 3.6.0 PL2