اخواني الكرام ان شاء الله مقبل علي شراء سيارة نيسان صني 2010 الشكل الجديد تنصحوني باية
اجيب المانيوال العادية
او المانيوال الي فيها abs
واللون كمان انا محتار بين الالوان الثلاثة
1-البتنجاني
2-الرمادي
3-الفضي
اخواني الكرام ان شاء الله مقبل علي شراء سيارة نيسان صني 2010 الشكل الجديد تنصحوني باية
اجيب المانيوال العادية
او المانيوال الي فيها abs
واللون كمان انا محتار بين الالوان الثلاثة
1-البتنجاني
2-الرمادي
3-الفضي
اهلا وسهلا بحضرتك , يعني هو حضرتك لسه معاك الصني 2008
وعاوز تجيب الصني 2010 ؟؟؟؟؟
عموما يفضل طبعا تجيب المانيوال الي فيها abs مع ان راي تجيبها احسن اتوماتيك ب abs علشان تريحك في الزحمة الرهيبه خصوصا اننا داخلين على الصيف وقرفه وبالنسبه للون فاحسن الوان في الصني هي كلاتي
1- النبيتي 2- الذهبي 3- الفضي
انا بعت الصني 2008 والحمد لله
وان شاء الله خلال ايام هشتري الشكل الجديد
بس حقيقتا انا مجربتش ال abs علي الاطلاق يعني مش قادر احكم علي اهميتة
علما باني بجري بالعربية في جميع الاحوال بس والحمد لله لم اصادف اي موقف فجائي يضطرني اني كنا احس بالفارق
فرق السعر مش كتير 2500 ج بس الي قلقان منه خايف اني لما اجي ادوس فرامل مفاجيء الفرامل متستجبش معايا بسرعة بعتبارها فيها abs انا متخوف من النقطة دية
اما اللون انا بحب الدهبي بس كان معايا نفس الون في ال2008 عشان كدة عايز اغير وبحب الاسود لكن خايف من حرارة الشمس الي لا تطاق بس عايز اجيب لون غامق شوية ومحتار بين البتنجاني - الفيراني - اخر حاجة الفضي رغم اني مش جزاب ليه وشايف ان الشكل الجديد اللون الفضي مش حلو فيه
مبوك مقدما ان شاء الله انا عربيتى باذنجانى و بيها abs توكل على الله الفرامل لو لا قدر الله فية مية او الارض مزحلقة لاى سبب ال abs بيعمل شغل حلو بس بتحس ان فية دربكة فى العفشة اول مرة اتخضيت و قولت فية حاجة فى العفشة بايظو و بعد كدة عرفت انة ال abs
بالنسبة للون فدى مسئلة اذواق هات اللون الى بيعجبك بصرف النظر عن التراب والوساخة والحكات لان العربية فى كل الوانها وهى بتلمع بتبقى حلوة وفى كل الوانها برضة فى التراب والحكات بتبوظ منظرها
بالنسبة للabs لو سواقتك هادية ومش غاوى غرز وجرى فوق ال120 او 130 يبقى على ما اعتقد مالوش لزمة قوى ومش عارف لية انا قلقان منه عندى احساس انة لو باظ حيعمل مشكة فى الفرامل الله واعلم انا مش مهندس دة مجرد احساس بس انا علشان سواقتى هادية جبت عربيتى من غير abs وربنا يوفقك فيما هو صالح لك
اتفرج على دول يمكن تغير رأيك [youtube]http://www.youtube.com/watch?v=yhYDKkF7RCg[/youtube]
و دة كمان لل ABS[youtube]http://www.youtube.com/watch?v=y2GDH0_bf-M&feature=related[/youtube]
طيب ممكن حضرتك تقولينا ايه الاسباب بيع الصني 2008 خصوصا ان الفرق مش كبير في الموديلات بينها وبين 2010 غير الشكل فقط ؟؟؟ خصوصا ان حضرتك من الداخل مش هتحس باي فرق يذكر
بالنسبة لنقطة ال abs فهو مفيد جدا وعملي جدا وممكن يساعدك في مواقف " حرجة " كتير جدا وكفايه انه مش بيخلي العربيه تزحف على الارض وتعوم
فعلا انا مع الاخوة الاعضاء خاليك فى اللى فيها abs طبعا لانى عملى جدا فى المواقف الصعبة , وعلى الالوان بيقولو اللون الرمادى الجديد عليها حلو وطبعا النبيتى
و الله يا جماعة أنا شايف أن موضوع ال abs ده مش مهم قوى في مصر
يعني أحنا لا عندنا ثلوج ولا طرق تسمح أنك تمشي بسرعة عالية لمده كبيرة
و كمان انا سمعت من واحد بش مش فاكر مين ؟.؟ ( بس هو هنا في المنتدى )
ان الـ abs لوحده مش هيفرق كتير تقريبا فين نوع فرامل كمان اسمه EBD تقريبا و نوع تانى مش فاكر اسمه
المهم انهم لازم يكونوا موجودين كلهم عشان تحس فعلا ان في فرق
مش عارف ده كلام صح ولا
بس انا برضة مرتضتش اجيب ايلي فيها ABS عشان
1- مش حاسس انى محتاجة او مفيش طرق تساعد انى اكون محتاجة
2- انوا اغلي من العادية 2500
3- انه لو عطل او حصل فيه حاجة بيبقي دوشة و مش اى حد يعرف يلعب فيه
مش عارف انا كلامى غلط ولا لأ
و مبروك مقدما"
بص يا باشا بالتجربة العملية و الكلام الفعلى انا طول عمرى متعود على الفرامل العادية و بعدين جبت عربية ب abs الفرق بجد و الله العظيم من تجربتى الشخصية الفرامل العادية لو كبست فرامل العربية بتحجر فى مكانها و تسمع أحلى صوت للكاوتش على الارض و دة طبعا الى كلنا واخدين علية مع الفرامل ال abs القصة مختلفة لو على سرعة عالية ال abs ممتاز و بتحرك الدريكسون عادى شمال و يمين و فية نوع من الامان الفرامل العادية تتميز بقلة تكاليف الصيانة عادى جدا ال abs دة بيبقى تقريبا بعمر العربية مشفتش حد بيصلحة بس مالهوش أعطال و على فكرة أعتقد ال abs نوعان نوع مانيوال مش كهرباء و الاخر كهرباء و على فكرة تيل الفلرامل الخلفى لل abs شبة تيل الفرامل الامامى و الخلاصة لو عندك الامكانية ما تستخرش و هات الى فيها abs و دى طبعا وجهات نظر و راحة نفسية و امكانيات مادية انت الذى ستدفعها و بالتالى انت من سيقررها بس بجد لو مسافر على سكة سفر حا تحس ان قلبك مطمئن
يا باشا علشان تعرف بس فيه عربيات مزوده ب ABS +EBD ودول بيكونوا مرتبطين مع بعض في سيارات مثل اللانسر مثلا وعمل ال EBD انه بيعمل على توزيع قوة الفرامل على ال 4 عجل ودي بتم عن طريق سنسورات موجود في كل عجله , وللمزيد من المعلومات حضرتك اتفضل ادخل على اللينك ده :
http://www.nilemotors.net/Nile/102849-abs-esp-cbc.html
حضرتك متاكد من الكلام الي مكتوب ده ؟؟؟ لاني الصراحه اول مره اسمعه بجد ؟؟!!!!!
ويعني ايه ال abs فيه منه مانيوال ؟؟؟؟؟؟ يا باشا هو جهازتحكم الكترونى فى العربيه موصل ب 4 حساسات على العجلات بيتابع سرعه كل عجله وبيرسل اشارات او نبضات الى كل عجله لكي يتم حساب سرعه كل عجله ومدى قدرة كل عجله على التوقف .
ثانيا : ABS ليس له اي علاقه لا من قريب ولا من بعيد بنوعيه الفرامل الخلفيه يعني مش شرط انها تكون زي الاماميه , فيه انواع سيارات اه الفرامل الاماميه زي الفرامل الخلفيه (سكاكين) زي مثلا الاسبيرنزا
نيسان صني مش بتحتاج اصلا abs ... فرامل فوق الرائعة
النبيتي حلو في الشكل الجديد
ايوة يا باشا و الله العربية عندى بها abs و التيل الخلفى راكب على طنبورة شية الطنابير الامامية مش عارف المسمى سكينة تقريبا و طبعا واصل 4 حساسات على ال أربعة طنابير و حتلاقى كمان الكبالن مختلفة عن الكبالن العادية ليها زى مشرشر كدة و الحساس راكب على الطنابير معلش انا مش ضليع علشان اقدر أوضح لحضرتك العملية الفنية بس دى صورة ال abs ستكون أوضح السيارة فيات تمبرا بس استيراد من ألماني و نوع ال abs بوش made in germany http://i45.tinypic.com/ab16ah.jpg
باشمهندس kimoelord انا عرف و الله ان مش قصدك تهكم بس و الله دة الكلام اللى اتقال لى و دى صورة ال abs فى العربية عندى بصورة أوضح انا لم ارى اى سلكة كهرباء واحدة داخلة فى الجهاز و الفنى هو الى قال لى معلومة ان هناك نوع بيشتغل على كهرباء العربية و الانواع الاقدم لآ و تكون أعطالها نادرة و الصورة يا باشا اهية لحسن ممكن حد يقولك ان العربية مفيهاش abs من اساسة http://i50.tinypic.com/1ou5g1.jpg
اشكر حضرتك علي المداخلة
بيع الصني كان لاسباب مادية مش بس العربية الي بعتها كمان الشقة بتاعتي الحمد لله علي كل شيء
يعني البيع مكنش لعيب او حاجة خطيرة في العربية والا مكنتش افكر اجيب نفس الموديل عيوب الصني انا ملم بيها كلها وهي عيوب مش جوهرية عشان الواحد يدقق عليها
استخدام عالي شوية للبنزين
ديق الكنبة الخلفبة مع ان شكل العربة كبير
عدم طي الكنبة الخلفية
التابلوة بتاع السيارة مش فاخم بسيط لكنة شيك
في نظري الشكل القديم اشيك من الجديد بس ما باليد حيلة
--------------------------------------------------------------------
اهم مميزاتها
الثبات العالي
فرامل فوق الممتازه رغم اني مكنش عندي abs
شكلها كلاسك
الموتور والجير بوكس ياباني (ده الي متاكد منة )
باقي اجزاء السيارة لم اجد الجواب المقنع من اي موزع
لكن الي اعرفة ان التيدا بتيجي راسا من اليابان وكل حاجة فيها يباني
سعر العربية ممتاز بالنسبة لامكانيتها
-------------------------------------------------------------------
وشكرا مره تنيا علي مدخلت حضرتك انا هحاول اسوق سيارة نيسان فيها الفرامل دية لعل وعسي اخد فكرة عملية عنها
السلام عليكم
بالنسبة لل abs حضرتك عربيتك السابقة كانت بون و بالتالي حضرتك اللي تقدر تحدد احتياجك لهذا النظام فلو كانت الفرامل في السيارة القديمة مفيهاش شكوي فتوكل علي الله و جيبها بدون abs ومن رأيي انك تزود 2500 و تجيبها اوتوماتيك 89000 او اقل انت و شطارتك
أي حد جرب فرامل abs فمش حيقدر يستغني عنه و مش حتعجبه الفرامل العادية
و الله الموفق
انا مش معترض علي ال abs اطلاقا
انا خايف انه يكون استجابة الفرامل بعد كدة متكنش تمام يعني الفرامل العداية السيارة بتستجيب تماما معايا
وكنت في مداخلة في موضوع اواستشفيت منة ان abs مش بيكلبش العربية في الارض مرة واحدة هو خوفي من النقطة دية
وممكن اكون فاهم غلط
يا باشا العفو انا مش بتهكم عليك ولا حاجة كل الحكايه ان انا الحمد لله قرات في المواضيع دي قبل كده
يمكن يكون ركزت على (السيارات الجديدة) لكن بصفه عامه مبدا تشغيل السيارات والاجهزة بها هو واحد بمعنى ان جهاز ال abs لازم يكون واصله كهرباء , لانه ازاي بيبعت اشارات او نبضات لكل العجل وهو كمان متوصل بوحدة ecu " وحدة التحكم الالكترونيه " علشان في الاخر هو ده مخ العربيه كله والي مشغلها وتقدر تعرف منه اذا كان ال abs شغال ولا لا من خلال علامته في التابلوه
وشكرا لذوق حضرتك
عفوا على ايه ,,, وربنا يوفقك ان شاء الله في حياتك وفي اختيارك للسيارة , وفعلا الموتور والجير بوكس ياباني
+1111111111111111111 بالظبط
ال abs يا باشا بيخلى الفرامل تمسك وتسيب العجله عده مرات فى الثانيه الواحده يعني حضرتك عمرك ما هتحس بموضوع الكلبشة ده الا بس صوت خبط تحت دواسة الفرامل ودي طبيعي لان بيؤكد دور وعمل ال abs وكفااااااااااايه انه بيعطيك تحكم في الطاره انك تلفها يمين وشمال وانت دايس فرامل ومش بيخلي العجل يزحف , انا راي اهميته لا تقل عن الايرباج
لا حضرتك مش فاهم غلط ال abs فعلا مش بيكلبش العربية زى الفرامل العادية بس مش معنى كدة ان العربية بتزحف و مش بتفرمل هى على السرعات العالية بوجود ال abs ممتازة بس انا شخصيا بما اننى كنت طوال 20 سنة سواقة بسوق عربيات عادية لما جربت ال abs خدت وقت لغاية ما اتعودت علية و يا جماعة نحن لا نهاجم بعضنا البعض خالص احنا بنتحاور بمنتهى الهدوء علشان كلنا نستفاد من تجارب الاخرين
الباشمهندس kimoelord بشكر حضرتك جدا على اسلوب الحوار الراقى و ذوقك انت عارف و الله امبارح قعدت افكر كدة و قولت بالمنطق لازم يكون فعلا واصل لة كهرباء علشان الاشارات بس و الله الراجل الفنى الى قال الكلام دة مش انا بس بالمنطق اكيد فية كهرباء بس ممكن يكون ليس بسلك كهرباء واضح و العربية عندى فيها حساسات على السيور و الشكمان و الزيت و لما بيحصل اى عطل اللمبة الحمراء بتنور حتى لو سير الدينامو او سير الباور مثلا انقطع و بشكرك مرة اخرى على ذوقك و ردودك الى تخلى الواحد يحب يكمل الحوار :b4_388:
ما شاء الله عليكم بصراحة أسلوب الحوار حاجة تفرح والله ، بس طالما أنتوا محترفين abs كنت عايز أسألكم مع ان عربيتي فيها abs بس عمري ما حسيت بيه زي الناس اللي بتقول بتحس بخبط ورقع وحاجات كدة فدا معناه ان في عندي مشكلة ولا عادي لأن بصراحة انا مسوقتش عربيات فيها abs قبل كدا وعايزكم تردوا علي بنفس اسلوبكم الراقي ومحش يغير اسلوبه لو سمحت :F_eyeb1[1]:
الabs بيشتغل في حالة لو العجل كلبش في الأرض إنما غير كده كإنها فرامل عاديه خالص ومفيش أي نوع من التخبيط في الدواسه وعشان تتأكد إن الabs شغال روح شارع فيه رمل كتير وإمشي بسرعة فوق ال٤٠ قول ٦٠ مثلا ودوس فرامل جامد مرة واحده كإن عربيه قطعت عليك السكة وقولي النتيجة
يا باشا يربنا يخليك أقولك حاجة ساعات و انت على النتدى تلاقى موضوع تكون عاوز تشارك فية بس ساعات غصب عنك تلاقى الحوار أخذ منحنى أخر و هو أثبات مين الى كلامة صح فتلاقى نفسك بعدت عن المشاركة و مقضيها قراءة و السلام بس لو لقيت الرد ذوق بتكمل و انت مبسوط . بص يا سيدى الفاضل لو كبست فرامل جامد زى الاستاذ yoko ما بيقولك أعتقد انك حا تحس بالدواسة تحت رجلك و الاستاذ يوكو دة يا سيدى معاة عربية لينيا تربو ( ما شاء الله الله أكبر عليها ) و هو من هواة الجرى صح كدة يا يوكو فأعتقد انة عاوزك تجرب أمكانيات السيارة كلها و ممكن هو يقول رأية ( يا يوكو لو شفتك فى الشارع سايق التربو حا أجيب ال 127 و اسبقك هييييييه )
فعلا وأنا بحب أجرب كل حاجة في العربيه عشان لما أحتاجها متخذلنيش!!! (بالذات الفرامل عشان بحتجها كتير)
وللأسف يا أستاذ هشام بعد ما ربطت العفشة وعملت الكاوتش على ٣٤ العربيه ثباتها زاد قوي وفراملها بقت أقوى من الأول وبالتالي بجري أكتر من الأول وغرز (كل ما أقول هبطل العربية بتغريني تاني)
بص حضرتك هو بيشتغل لو الارض مزحلقة من مية او رمل او زيت او ثلج و لو كبست فرملة ناشفة يعنى مش مهم السرعة بقدر ما هو مهم قوة الضغط على الفرامل و الارضية فيها اية يعنى لو على رمل ناعم شوية و كبست فرامل ال abs حا يشتغل و ياريت باقى الاخوة يوضحو علشان الكل يستفيد من المحادثة
والله حيرتي كل مادة تزداد خصوصا ان اهم حاجة في السيارة بالنسبة لي الفرامل عشان اجري وانا مطمن وخايف اجبها فيها abs واجي ادوس فرامل القيها تقف علي مسافة معينة بعد دوسة الفرامل مش زي الفرامل العادية تكلبش في الارض علي طول خصوصا ان سرعتي العادية 120
:U_thin1[1]::U_thin1[1]::U_thin1[1]::U_thin1[1]::U_thin1[1]:
ياياوكوا انت فهم كلامي غلط مش بتكلم علي تعطل ال abs او خلافة انا خايف ليأثر علي الفرامل بالسلب مش الايجاب من ناحية انه مش بيوقف العربية مرة واحدة (انا بتكلم من خلال المداخلات علي موضوع الفرامل ديه ) مش عن تجربة
وعشان كده مش عايز اجبها بس ارجع اقول طاب لو حصل موقف فجائي زي الي هورهولك ده لو معيش الفرامل ديه ممكن يحصل ايه اكيد هتفرم زي الي العربية الي اتفرمت ومخلعتش بادري بادري
[youtube]http://www.youtube.com/watch?v=mp2BWyJg9Mw[/youtube]
أنا فاهم وميزة الabs إنك نعرف تفادي بيه وإنت دايس فرامل مش لازم تكارك وأنا عملت حادثة قبل كده لو معايا abs كنت عرفت أفاديه!!!
وفي الفيديو ده النقل لو كان فيه abs كان عرف يفادي العربيه الي قدامة
أنا رأي انك تستخير ربنا وتتوكل على الله وتجيب اللي فيها abs وعلى فكرة انا كنت محتار زيك كدة وبعدين توكلت على الله وجيبت اللي فيها abs ودا ل3 أسباب
1- غالبية أعضاءالمنتدى فضلوا وقتها اللي فيها abs
2- وقتها كان واحد من الاعضاء عايز يركب في عربيته abs ولقى الموضوع هيحتاج تعديلات كتير غير تكلفته فانا قلت أخدها من قصيرها واجيب اللي فيها abs بدل ما ارجع اول ياريتني
3- أهم سبب اني كان حصل معي موقف بالعربية الفولفو ولولا ستر ربنا ثم ان العربية كانت فولفو (وما ادراك ما الفولفو - ثبات اكثر من روعة) كان زماني في خبر كان
اولا انا مش فاهم حضرتك خايف ليه ومن ايه ؟!!! وبعدين لو كان " الاوبشن " ده في نظر المصريين طبعا فقط والي يعتبر من اهم عوامل الامان وشئ لا يستغني عنه كانوا نزلوا ليه في السيارات وقرفوا نفسهم وزودوا التكلفه عليهم
_ يا باشا لا اعتقد ان فتح وغلق الفرامل " اثناء كبسك للفرامل " في الثانيه الواحده هتقدر تحس بيه او هتشعر انه غير عملي , ثم ان المفروض الاستخدام الكويس لفرامل ال abs يكون بالضغط
" المستمر " علشان تلاقي النتيجة المرجوة وربنا يوفقك في اختيارك
أعتقد انك ممكن تنزل فيي حدود 1000 جنية قولي ليه
أنا جيبتها اتوماتيك من السبع اللي في شارع الحرية ومعاها كوبونات صيانة ب 1000 جنيه جيبتها ب 90 ألف وبعد كدة لقيت حد من الاعضاء كان بيقول انه اخدها ب 89.500 فلما نشيل 5000 اللي هما فرق المانويل عن الاتوماتيك يبقي السعر المفروض يكون 84.500 طيب هو هيركب سنسور ووحدات رفع (سيبك من الدواسات) قول في حدود 1000 يبقي المفروض تكون في حدود 85.500 وعلى فكرة الموضوع محتاج شوية لف مع فصال بسيط وانت اولى بأي فرق وربنا ييسر لك الحال