الموضوع: عيد ميلاد العربية - وعايز اجيبلها هدية واشدها

من كام يوم اتمت العربية عامها الاول وهى 405 مو 95 1600 - المهم بدات الاحظ عليها شوية تغيرات .. بس تقريبا بحكم السن .. المهم السرعة قلت شوية يعنى كنت بجيب 100 بسهولة فى الطرق العادية - دلوقتى بقيت احتاج وقت اطول
كمان بدات اسمع شوية رجرجة فى اماكن كتير مثل : الابواب الخلفية والكونصول اللى تحت الفيتيس - الكرسى اليمين - المكان المحيط بالكونتاك ... وشوية حاجات كدة ...
بالاضافة الى ترشيح زيت من اعلى الموتور (جوان التيكهات ) وغيرت الجوان لكن شكلة ناويها تانى - الميكانيكى يبقولى دا اسمة تعريق مش تسريب ...
والفرامل اعصابها هادية ومرتاحة ومش بتحب الاستعجال
وساعات تسخن والجو حلو وساعات تانية فى عز الحر تلاقى الحرارة اقل من 70
ساعات احس العربيه فايقة وشدة حيلها وماسكة نفسها ( بالذات لما تكون مغسولة ونضيقة ومفولة والجو حلو ) وساعات تلاقيها ماشية مخسعة ومخستكة وحالتها صعبة

المهم انا طولت عليكو وعايز رايكو ... عايز اشد العربية شدة نظيفة .. بس مش عارف فين وازاى ... وخصوصا وان جميع الصنايعية بلا استثناء ناس محترمة وملتزمه وبتراعى ربنا وفاهمة شغلها كويس
فما رايكم ... ارجو الافادة عن اسالة مثل
1 - اعمل ايه بالظبط (سمكرى - ميكانيكى ....؟؟؟
2 - فين
3 - فى حدود كام ... علما بانى مش بستخصر حاجة فى العربية

المشاركة الأصلية كتبت بواسطة the-hero

الكشف على طقم الدبرياج ديسك واسطوانه وبلية والكشف على الاويل سيلات بالماتور والفتيس
الكشف على قواعد الماتور
الكشف على جلد العفشة والأتياش وجلد الكبالن
ترشيح زيت ممكن يكون من اورنج الاسبراتير بيسرب على الجوان اكشف عليه
الفرامل اكشف على التيل ورا وقدام وعمل رجلاش خلفى وتغيير جلد مساتر
فك الكربراتير وتنظيفو واخذ هوا للرداتير

ياباشا تسلم ايديك .. وربنا يكرمك على اهتمامك
الملاحظات اللى انت قولت عليها انا عملت معظمها من كام شهر حوالى 3 شهور
الكشف على قواعد الماتور - اتغير بالكامل
الكشف على جلد العفشة والأتياش وجلد الكبالن - اتغير بالكامل
الفرامل اكشف على التيل ورا وعمل رجلاش خلفى وتغيير جلد مساتر - اتغير بالكامل ورا بس