الموضوع: متابع -مشكور-معاك (ايه السبب فيهم)

المشاركة الأصلية كتبت بواسطة kemoelord

هو الحقيقه انا مش شايف اي وجهه اعتراض من كلمة متابع او اي كلمة بتدل على الشكر او الدعاء احيانا , هي يمكن لما نلاحظ اعضاء معينه بتعمل كده كتير فالله اعلم بحالها يمكن مثلا سنه صغير اي خبرته قليلة جدا في مجال السيارات او بعض المواضيع الي بيتم المناقشه فيها خارج سياق " مشاكل العربيات " .

هي الحركة الوحيدة الي ممكن فعلا العضو ياخد عليها عقوبه بجد وانا شخصيا بشوفها وعارف بالتحديد من العضو الي بيعملها وهي حركة
(.............) تعليقه بالنقط يا فرحتك يا جمالك ونعمة التعليق يعني فهي دي الي ممكن نعلق عليها , جايز انا في موضوع مش عارفه ومش فاهم محتوياته واكتب " متابع " علشان اعرف بعد كده ان انا مشارك في الموضوع واقدر استفيد منه حتى لو بعد فترات طويله

يا باشا احنا منتدي سيارات
يعني 99% من الاعضاء سنهم فوق 18 سنه
يعني راشدين منقرش نقول عليهم صغيرين
كمان انا مش بعترض علي الي يدخل يقول كلمه من مشكور ومتابع
انا معترض علي اللي بيقولها 20 و30 مره في اليوم لمجرد زياده مشاركاته

علشان اعرف بعد كده ان انا مشارك في الموضوع واقدر استفيد منه حتى لو بعد فترات طويله

النقطه دي يا باشا ممكن حضرتك تحلها بسهوله
في اول كل موضوع حضرتك حتلاقي كلمه (ادوات الموضوع) لما تدوس عليها حتنزلك قائمه فيها كا اختيار منهم الاشتراك في الموضوع
وساعتها حتقدر تتابع الموضوع حتي لو مش مشترك فيه وحيجيلك رسائل تبليغ منه علي الميل وحيظهر وسط المواضيع اللي حضرتك مشترك فيها

المشاركة الأصلية كتبت بواسطة بحري

في قواعد المنتدى ما يمنع من المشاركات السلبية وتكرار المواضيع
ولكن تفعيل العقوبات على هذه الأمور يحتاج جهد خرافي من الإشراف ومشرفين متفرغين تماما
المفترض إن الأعضاء نفسهم هم من يحرص على تطبيق هذا الأمر على الأقل كنوع من التقدير للنفس وعدم ابتذالها
حاسس بيك يا شنوري

احمد بيك بحري دخولك الموضوع دا تشريف كبير اوي ليا
واحشني يا حاج ووحشتني القعده معاك

سقراط كان دايما يقول للي قدامه
تكلم حتي اراك
فدول بقي ولا بيتكلموا ولا بنشوفهم
زي العصافير اللي بتزقزق
كترهم بيعمل صداع ولا يمكن تشوفهم
ولو حصل وشوفتهم متعرفش تفرقهم من بعض