سؤال الى MMamdouh والاخوة الأعضاء

**weka_sa** · 01-07-2010 05:46 AM

ممكن سؤال للاستاذ محمد ممدوح استشار قسم الدايو
انا عندى دايو 2005 ممكن تقول امتة اغير سائل الموتور "المياه الزرقاء او الخضراء"؟
وهل ان سخونة الشديدة جدا جدا للموتور مع انى عداد الحرارة مظبوط جدا بس لما امشى حوالى 5 كيلو تقريبا والعربية باردة خالص خالص وانزل من العربية واح ايدى على الكابوت بلقيه سخن جدا لدرجة انك ممكن تقلى عليه بيض مع العلم ان المياه مظبوطة وزي الفل
انا اتمنى الافادة

**MMamdouh** · 01-07-2010 11:34 AM

التغيير بيبقى كل 40 الف او كل 4 سنوات

سيبك من حوار الكابوت و القصص دى... طالما مؤشر الحرارة مضبوط يبقى كلة تمام

MMamdouh

**MMamdouh** · 01-07-2010 03:02 PM

الموضوع مش نوع مية... الموضوع تسريب... و مش شرط انك مش شايف تسريب يبقى مفيش... ممكن التسريب بينزل على حاجة سخنة فى جسم الموتور و تتبخر و بالتالى انت متشوفش تنقيط

كبس دورة التبريد هو اللى حيبين المشكلة

MMamdouh

**weka_sa** · 03-07-2010 05:37 PM

بص يا استاذ محمد الموضوع دة حصل معايا امبار
اولا طلعت من اسماعيلية وروحت الجيزة وكنت مشغل التكيف
بعد ماوصلت المكان بتاعى اللى فى الجيزة لقيت ميا بتنزل من اربة الميا تمام بتنزل ميا كتير
وبعد كدة روحت نادى الاعلاميين فى 6 اكتوبر وبعد ما وقفت لقيت الإربة بتنزل ميا تانى
بعد ما خلصت النادى زودت الإربة ميا وخليتها فى النص
وبعد ما روحت الاسماعيلية لقيت الإربة نزلت ميا تانى
واليوم التاني اللى هو النهاردة روحت لميكانيكة التوكيل اصله صحبى فغيرلى غطاء الإربة
ولسة لحد دلوقتى ىماجربش العربية على السرعات العالية عشان اشوف بينزل ميا تانى ولا لأ
ارجو الافادة يا استاذ محمد وهل دة صح ولا لأ
وممكن بعد اذن حضرتك رقم التليفون عشان فى حاجات تانى عايز اسفسر فيها

**MMamdouh** · 04-07-2010 01:49 AM

المشاركة الأصلية كتبت بواسطة skybird

طيب يا ممدوح بيه سمعت عن تعديل لمكنة اللانسر 1300 ال 8 صباب ان ممكن تتعدل ل 16 صباب علشان كفائتها تزيد زي ما حضرتك وضحت سابقا
الكلام ده صحيح وازاي ؟

هى الكريستالة 8 ولا 12؟؟

عموما التعديل ممكن لو تطابقت مجارى الزيت و المية و فتحات البساتم فى الوش و البلوك و دة بيتم عن طريق مقارنة جوانات وش السلندر للمكنتين

المشكلة الاساسية هى التكلفة... تكلفة الموضوع دة ممكن توصل الى تكلفة مكنة كاملة لانك بتشترى مكونات كتير فرط و كل مسمار بيبقى له سعر... دا طبعا بفرض ان الموضوع مجدى من ناحية الزيادة فى القدرة (فى اللانوس الزيادة حوالى 24 حصان)

MMamdouh

**weka_sa** · 04-07-2010 02:20 AM

ممكن الرد يا استاذ محمد
^_^ ^_^

**MMamdouh** · 04-07-2010 11:23 AM

المشاركة الأصلية كتبت بواسطة skybird

الكريستالة 12 يا باشا انا كتبت 8 خطأ

اعتقد التكلفة كده غالية الا لو استاهلت فرق الاحصنة

طالما الكريستالة اصلا 12 يبقى الفرق من 12 الى 16 مش حيبقى كبير

التعديل دة بتغير الوش و المنافولد و الفرن و طقم الكاتينة بالكامل... دى الحاجات الاساسية و ممكن عربيتك تحتاج حاجات اكتر حسب فرق التصميم و الحاجات دى لما تيجى فرط بتعد فلوس كتير... و حتى لو التكلفة مش كبيرة فى الاخر انت حتستفيد ب4 صبابات اضافية فقط و بالتالى التحسن فى قدرة المحرك مش حيبقى كبير مقارنة بالتعديل من 8 الى 16

اعتقد تسقيط مكنة 1500 او 1600 حيبقى حل افضل من ناحية التكلفة و الزيادة فى القدرة مع بعض بالاضافة الى انه حيكون اسهل

MMamdouh

-

-

-

الموضوع: سؤال الى MMamdouh والاخوة الأعضاء

LinkBack

أدوات الموضوع

عرض

-

-

-

-

-

-

-

المواضيع المتشابهه

سؤال عن تسعير بيجو 405 للأخوة الأعضاء

سؤال الى MMamdouh والاخوة الافاضل

سؤال الى خبراء المنتدى والاخوة الاعزاء

سؤال الى الأخوة الأعضاء

سؤال مهم للسادة الأعضاء

الكلمات الدلالية لهذا الموضوع

المفضلات

المفضلات

ضوابط المشاركة