الموضوع: استفسار هام بسرعة

السلام عليكم ورحمته و بركاته
يا رب تكون احوال الجميع بخير و تمام انا بس ليا استفسار و يارب مكونش مسبب اي قلق لحد انا من اخر مرة و انا بدور علي اوبل فيكترا تكون حلوة بعد ما الجميع خوفني من التكيف يكون مش شغال و بصراحة عندكوا حق لان اول ما اقول لصاحبها هستلمها شغال يتهرب في الكلام و حاجات كدة المهم انا الحمد لله لقيت واحدة و مواصفاتها اهي بس عاوز رأيكم و بكل صراحة و جزاكم الله الف خير
السيارة اوبل فيكترا 99 فابريقة باكامل من الداخل و سقف و كابوت و شنطة من الخارج لونها ابيض كاسيت cd بالريموت التكيف شغال و حالة الموتور جميلة و فرش الصدر بتاعها موجود لاني لاحظت في اللي شفتهم مكنش موجود ده موجود و فرشها من الداخل الاصلي و عليه كسوة و فرش الابواب الاصلي و فيه لمبات في اخر كل باب (مكنش شغالين في العربيات السابقة) و فيها طقم جنط بس 16 بس العيب الشاشة اللي في التابلون مقطعة كده المطلوب فيها 49 الف بس اخره اوي 48 الف جنيه و اسف للاطالة جزاكم الله الف خير