الموضوع: عايز نصيحتكم يا جماعة فى مشكلة فى مكان السماعات فى البى ام

السلام عليكم المشكلة بأختصار انى اشتريت عربية بى ام e36استيراد والعربية جايه بالبوردة الاورجينال والسماعات الى راكبة فيها الخلفية مقاس 16+2سماعات ابواب+2سماعات تحت الطابلوة المشكلة ان الصوت مش اد كدة .الcd الى راكب سونى اكسبلود فالمشكلة تتلخص فى السماعات الخلفية الدائرية .السماعات دى شكلها صينى اسمها نوكيا وانا بصراحة مش عايز احفر فى البوردة الاوريجنال بتاعة العربية او حتى فى صلج العربية ونفسى الاقى سماعات نفس المقاس دائرية تدى قوة الصوت بتاعة السماعات البيضاوى وخاصة انى كان عندى طقم صوت هايل فى العربية السابقة وهيا كيا بس كان عادى احفر فى الصاج بتاعها فكنت حاطط سماعات بيونير بيضاوى 400 وات والcd كان بيونير 5080فتخيلو الصوت كان حلو الزاى انما الوقتى الحياة مختلفة بالنسبة للصوت.
واحد صاحبى اقترح علياانى اركب سماعات سونى دائرى 300 وات واركب معاهم بازوكا بيونير 308d4 ودى 1400 وات وسعرها 650 ج +امبليفاير باناسونيك 1200 وات سعره 975 ج لقيت نفسى داخل فى 2000 ج بس علشان صوت السماعات وخاصة انى مش بحب الصداع بتاع البازوكا.مفيش حد عندة حل للمشكلة دى او يعرف سماعات مقاس 16 دائرية تركب وتدى قوة البيضاوى او حتى حل تانى يكون ارخص فى حدود 900 ج بس من غير ماللعب فى البوردة بتاعة العربية وشكرا

محدش لاقى نوع سماعات دائرية قوية ممكن استخدمه؟