if niva were best value for money you would see it in the states at least more than jeep or chevy suv's
عرض للطباعة
if niva were best value for money you would see it in the states at least more than jeep or chevy suv's
لصاحب الموضوع تقبل مروري. عندي رأي و هو أن الادا نيفا سيارة ممتازة في فئتها السعرية يعني لو عايز دفع رباعي في حدود 65 ألف يبقى مفيش غيرها. لا يؤخذ عليها غير إن القوة الحصانية ضعيفة مقارنة بالسعة اللترية للمحرك. لو عايز عربية تستحمل مطبات و حفر و طرق المحروسة المكسرة يبقى إشتري و إنت مطمئن. لاكن لو عايزها للغرز و الرحلات في الصحرا وسفاري البشوات فدي مش بتاعت الكلام دا. لو معاك مليون و ميتين ألف إشتري لاند كروزر أو شيفروليه من اللي بيشربوا تلاتين لتر بنزين لكل ميت كيلو و كدة كدة مش حيفرق البنزين معاك لو عندك عربية زي دي. صحيح الفلوس تجمد القلب.
صدقني... السفاري مش بتاعت الباشوات... ولا مقتصرة على علية القوم و أولاد الذوات...
السفاري ديه تقدر تبدئها بعربية رانجلر... ب 35 ألف...
أو لاند كروزر شاسيه قصير... ب45-60 ألف... و ممكن تجيبها ديزل... و دا هيوفر معاك كتير...
أنا شخصيا عربيتي ديزل... و دا فارق كتير... عشان هي 4200 سي سي... اللي بيكلف هو زيت الموتور ...
بس فيه حاجات بموتور تيربو ديزل أصغر... و دا بيوفر في الزيت و السولار... و بكدا تبقا استفدت بالفايدتين... و مصرفتش أكتر من ال65 ألف بتوع النيفا...
النيفا عربية جديرة بالاحترام... محدش يقدر يقول حاجة... بس الoff-roading متاح للجميع... مهما كانت الامكانيات...
يا راجل دا أنأ أعرف ناس من الفيوم و مستعد أعرفك بيهم لو تحب و أقعدك معاهم كمان... كانوا بيدخلوا الصحرا بالتوين... (الموتوسيكل الجاوا التوين)
يشيلوا عليه جركن بنزين.. و جركن مية و شنطة أكل و يدخلوا بيه جوا الصحرا...!!
الله أكبر إيه الحلاوة دية :biggrin2:
أهو دوة فعلا التفسير العلمى السليم للمقولة الأميركية الشهيرة
"What is the best value for the dollar when buying Something" :36_9_4:
سواء كان المنتج غالى أو رخيص المهم إنه تمنه فيه وفقا لإحتياجاتك المستهلك.
إسمحلى أحيك يا أخى :120105~352:
أهو أنا يا مينا يا أخويا من نوعية الناس بتوع الجاوا أو حتى اللى بيركبو كارو و بيدخلو بيه الصحرا.
معايا مكنة أيا كان نوعها على قدر إمكانياتى و إحتياجاتى و عارف إمكانياتها و قدراتها فالبتالى أقدر أتعامل بيها مع المواقف التى تواجهنى المهم إنى ما أبهدلهاش عشان تعدى بيا بسلام إن شاء الله.
أنا سعيد إنى قدرت أوصل وجهة نظرى الشعبية المتواضعة إليكم يا أصدقائى :36_9_4:
و عيد سعيد عليكم جميعا :120105~352:
يا سيدى الفاضل أنا كان قصدى "ضهر سعادتك أخباره إيه مع المطبات و المدقات و الحفر و غدر الوزارة"؟ :) :)
و لو إن إجابتك كشفتلى عن حاجات جديدة :) أنا بالنسبالى ميهمنيش لا فوج لايت و لا ديفندر لكن بما إنك قلت فالتكييف بيهرب صحيح؟! يعنى أعالج العيب ده من الأول و لا حسب الحالة؟
و شكرا جزيلا ليك على مساعدتك ليا :vctry:
الله أنا ضهرى كان واجعنى من قبل ما أجيبها و لما جبتها وزنى نزل و ضهرى اتظبط الحمد لله
أنا لما غيرت مية الريداتير الراجل ربط الأبزيم بتاع الخرطوم مايل فلما كانت المية بتغلى كانت بتسرب المهم إنى فكيت الأبزيم و عدلته و فى بتاع ساعة لأن المكان كان مزنوق بس إيه خسيتلى فيها بتاع 2 كيلو مرتاح
مرة لقيت مية التكيف بتنقط فا كنت فاكرها زيت , و رفعتها على الكوريك بتاعها شفتها و اطمنت إنها مية مش زيت و خسيت بتاع نص كيلو فى الحركة دية
أما لما فلتر الزيت سرب رفعتها على الكوريك و نزلت تحتيها و شيلت الإستبن اللى فى الكابوت و نطيت جوة الكابوت عشان أعرف مصدر الزيت لغاية ما إتأكدت إنه فلتر الزيت و خسيت برضه بتاع 2 كيلو.
و عموما كده كدة أى توكيل سيارات فى مصر حيخسسك لوحده 5 كليلو مرتاح من ساعة ما تفكر تشترى أى عربية لغاية ما تعمل بيها صيانة صيانة ال 5000 كيلو :satelite:
أما بانسبة لموضوع الراحة
أنا أخدت بيها مطبين فى شارع التسعين اللى فى التجمع الخامس
واحد على 80 كم و دوة نطيت فووق و نزلت زي الباشا كل اللى قدرت أعملة إنى دست دبرياج و الحمد لله ربنا ستر
المرة التانية كنت ماشى فيه و مركز جدا فى لحظة , آه و الله لحظة , قلت أبص يمين أشوف عديت العنوان و لا لسه لقيت نفسى كأنى راكب جمل رجعت لورة و طلعت لفوق و اترزعت لتحت و إتزقيت لورا أنا صنفت الظاهرة دية على إنها مطب صناعى بشارع التسعين فى القاهرة الجديدة بإتجاها أى مركز صيانة سيارات فى مصر لأى نوع سيارة.
المهم أنا لغاية دلوقتى ماشفتش المطب لا قبل ما آخده و لا و أنا فوقه و لا حتى شفته فى المراية و الكلام دوة الساعة 12 الظهر فى الحالتين.
أنا الكراسى عندى شبة السبورت شوية يعنى الكرسى عريض أكبر من عرض الواحد 10سم يمين و شمال و مسند الراس حتة واحدة مع مسند الظهر فنسبيا مريح.
عموما موضوع الظهر دوة مسألة كراسى و مساعدين مش أكتر ملوش علاقة بالسيارة يعنى أنا ركبت عربية لانوس مرة كان كراسيها كأنى قاعد على الرصيف بالظبط , متنجدة و جديدة بس إيه حطب.
و فى المدقات ماشية كويس الحمد لله بس طبعا اعمل حسابك إنها عالية فالمزع فى المطبات و المدقات حايحدفك جامد أكتر من الملاكى يعنى كأنك راكب لورى.
بجد مش عارف أشكرك إزاى... و أجمل حاجة أسلوبك الساخر و القنوع فى الرد. ربنا يجزيك كل خير :)
أنا سعيد جدا بصداقتك و أوعدك إنى لما ربنا يأذن أكتبلك تقارير مفصلة و بالصور عن الحبوبة الغالية :) :) :) كنوع بسيط من رد الجميل و برضه للفايدة العامة
كل سنة و انت طيب و ربنا يعيد عليك كل عيد و "نيفتك" و انت معاها بأحسن و أطيب حال و يباركلك فيها و يكفيك شرها
الراحه مش راحه كراسي
المقصود هنا الراحه وآلام الضهر مع عفشة النيفا الناشفة
يا جماعه النيفا دي لما الروس عملوها ماعملوهاش لا للمدن و لا للصحراء و اي عربية نيفا بتمشي كويس في الصحرا بتبقى متعدلة من اول الكاوتش العريض و انت طالع عفشات و مواتير
النيفا عملتها روسيا للمزارعين الروس في الريف (الفلاحين) يعني معمولة للمدقات و الطريق الغير ممهدة بين الحقول و المزارع
بالمناسبة نيفا بالروسي يعني حقل
لا مؤاخذة اللى ميعرفش يقول بطيييييخ :) :)
دى شهادة واحد استرالى..بيمشى بيها فى الصحرا و تحديدا الرمل...لامؤاخذة
I bought the Lada Niva 4x4 from an elderly man who used it to comute between suburbs. It still had the original "snow tyres" on - excellent in the sand of western australia. The carby needed some TLC at first but it runs well now. It drives in the sand dunes without a whimper. I've had many and various cars, utilities, wagons etc. but this Niva I really enjoy. It is probably the most underrated 4 x 4 around today. All the modern 4 x 4's around today need a university degree in electronics/mechanics, specialist tools etc to maintain and repair them. The Lada Niva just needs a little savvy and a few common tools - along with a reasonable understanding of basic auto electrics at times - and you're away.