تجريتى مع كيا وشركة التأمين

**Mshawky** · 08-06-2010 12:44 AM

اولا اهلا بيكى بينا فى المنتدى

ثانيا انا بحييك لانك جدعه وناصحه وميضحكش عليكى واصريتى على حقك وده فى حد ذاته نادر برضه فى زمنا ده

وخلى بالك من نفسك كويس ومن العربيه مش مستاهله حوارات مع المناظر ديه تانى ولا تامين ولا بتاع كلهم عصابات بينهبو فلوس وخلاص

**samar_samir** · 08-06-2010 02:53 PM

يا جماعه أنا متشكره قوى لتقديركوا لكن لو الواحد إن مادورش على حقه ماحدش حايدورله عليه وأنا كان هدفى من حكى التجربه نقلها ليكوا والعمل على الإستفاده منها بس كمان بصراحه كان هدفى إعطاء كل ذى حق حقه فالمهندس خالد فاروق راجل محترم فوق الوصف ربنا يزيده ويثيبه على ضميره الحى .ورغم اللى حكيته أنا بأكد إنه فى ظل شوارعنا ومرورنا وأسعار التوكيل لازم الواحد يأمن على عربيته ولو المره دى مكتوب فى الوثيقه شرط الـ10% أنا برضه حأمن بس هى الفكره إنى طبعا حاساوم ساعتها وأفاصل وكله علشان أوصل لأفضل عرض وبرضه لازم تكون عارف إنت حاتلجأ لمين لو شركة التأمين حاولت تخدعك وأنا حسب معلوماتى الدكتور عادل منير نائب رئيس هيئة الرقابه على التأمين راجل محترم جدا ومش بيسكت على أى هبل..وربنا يكفينا شر الطريق والحوادث جميعاً

**rouaame** · 08-06-2010 04:45 PM

لو كل واحد فى مصر دور على حقه كده كان حال البلد كلها بقى أحسن كتير
برافو عليكى

**max_ziro** · 09-06-2010 12:06 AM

المشاركة الأصلية كتبت بواسطة hobaz

انا اول مرة اعرف ان ال10% المتعارف عليها ده مش مكتوبة في العقد ده على كده في ناس كتير اوي اتقلبت.....

اولا : احب اشكرك على الموضوع ده....
ثانيا: احييك على تصرفك وطريقة تفكيرك....
ثالثا: وده الأهم اهلا بيكي في نايل موتورز...

+111111111

**samar_samir** · 09-06-2010 08:52 PM

مساء الخير يا جماعه بالنسبه للأخ اللى بيسأل على شركات التأمين أولاً الـ10% على التكلفه كاملة قطع غيار ومصنعيه وكله ده أولاً ثانياً فعلا بيعاد تقييم العربيه وبينزل القسط 10% بس هم بيزودوا عليك الـrate لمجرد إنك عملت حادثه أول سنة وأى تكلفه مهما كانت بيعتبروها حادثة المهم ومن الآخر الموضوع بيبقى خاضع للفصال جداً من حيث المزايا والأقساط وكله وإنت وشطارتك .بس ياريت حد يفيدنا بالتفاصيل أكتر ولو حد واخد عرض حلو من شركة تأمين أو فيه شركه له هو أو حد يعرفه تجربه جيده معاها ومحترمه يفيدنا بتجربته

**zicooo2008** · 13-06-2010 12:01 PM

جزاك الله خيرا على المعلومة

**ahmedfouad** · 13-06-2010 01:17 PM

لا يضيع حق وراءه مطالب

**heha** · 13-06-2010 01:30 PM

المشاركة الأصلية كتبت بواسطة hfhfhf

المفروض ياحماعة يتعمل موضوع عن شركات التامين عشان كل الأعضاء تستفيد من تجارب الأخرين

+++++++++++++++1

المشاركة الأصلية كتبت بواسطة a.saad

على فكرة
انا هصدمك

فعلا فيه قرار لهيئة الرقابة على التامين نزل فى 7/2009
اى اصلاح فى التوكيل العميل يتحمل 10 %
المشكلة ان الاخ اللى كتب الوثيقة مشى على نسخة قديمة
وعلى فكرة دى معلومة ماكدة لان انا امنت فى 5
وفى 7 كنت بتابع مع اعضاء فى المنتدى انهم يأمنوا واما جيت اجدد اتاكدت من المعلومة
انا برده مـأمن فى مصر للتامين بس فى وسط البلد

++++++++++++++++++1

الكلام ده صح

**weekend** · 22-09-2010 01:04 PM

انا لسة النهاردة رحت ابو رواش و اتجادلت مع كل الناس فى الموضوع ده عشان الوثيقة اللى معايا مفيهاش البند ده ما عدا مهندس خالد مكانش متاح انى اقابله و كمان لقيت محمد عبد القادر من المبيعات اللى انا عملت التأمين معاه فى فرع المعادى أصلا هناك لا هو ولا مهندس سلطان ولا مهندس محمود طلعولى الشرط ده من الوثيقة بس بعد جدال طويل بدأو يقفشو و قالولى خلاص هو كده لو مش عاجبك روح صلحها بره ... طبعا اضطريت اسيبها بس هى لسه قدامها شهر فى التصليح ( معرفش ليه هى كلها حكة عبيطة فى الجنب و بيقولى احتمال يغيرو فيها الباب .. ما علينا ) انا دلوقتى مش عارف اعمل ايه ؟؟؟؟ افضل على موقفى ولا ادفع و خلاص بس هو لو غير الباب فعلا الله اعلم هيدفعونى كام بس انا حاسس انى بيتضحك عليا بصراحة !!!