السلام عليكم
المفروض ان الجالينا فيها آير باج قدام و مع ذلك شوفو العربية اللي في الصورة، اتبهدلت من قدام و مع ذلك الآير باج ماتفتحش.
الحادثة ديه حصلت قدام شركتي (CIT Global) في المنطقة الحرة.
ربنا يحمي الجميع
أحمد هاني
عرض للطباعة
السلام عليكم
المفروض ان الجالينا فيها آير باج قدام و مع ذلك شوفو العربية اللي في الصورة، اتبهدلت من قدام و مع ذلك الآير باج ماتفتحش.
الحادثة ديه حصلت قدام شركتي (CIT Global) في المنطقة الحرة.
ربنا يحمي الجميع
أحمد هاني
سبحان الله الجالينا دى أصلا فيها عيب شهير إن الإير باج بتفتح لوحدها أحيانا فى مطباط الهوا !!!
يمكن صاحب العربية لاغي الأيرباج!!!!
الصور مش واضحة - بس لو كدة دية تبقى كارثة وخطاء لا يغتفر لعربية زى دية - أنا الصراحة كنت شاكك فى موضوع الأير باج فى عربيتى الشيرى ومستريحتش غير لما كنت فى التوكيل وشفت بعينى عربية عاملة حادثة والأير باج مفتوحة
يااااااا ياحمد
يعني الاير باج يفتح ويكلف صاحبة 30 ولا 35 الف جنيه ويروح يعملة كسوة في الحرفيين
لاء كدة احسن طبعا واهي خبطة بسيطة والراجل يقوم منها على طول
تعويرة ولا جرح ولا كسر ضلع كله يتصلح
ماشيين بمبدا
عورني وماتعورش هدومي
حسبي الله ونعم الوكيل
من الواضح ان الحادثة مش عنيفة أوى...لازم الارتطام يوصل لجزء معين فمقدمة السيارة مع سرعة معينة لبدء عمل الايرباج وكونها لم تعمل أكبر دليل على ان الحادث خفيف.
+100000000اقتباس:
من الواضح ان الحادثة مش عنيفة أوى...لازم الارتطام يوصل لجزء معين فمقدمة السيارة مع سرعة معينة لبدء عمل الايرباج وكونها لم تعمل أكبر دليل على ان الحادث خفيف.
كلامك صح بس مش بالمنظر الغريب دة
ايه يا جماعة!!!! دي مش حادثة أصلا...الفوانيس و الشبكة زي ماهمه...كل اللي اضر الموتور و الفتيس من تحت و الكصدام و العفشة طبعا...عشان خبط في الرصيف بس....لكن مش علي مستوي السنسور بتاعة الايرباج أصلا عشان تفتح...
تاني حاجة اللي ممكن يتقفل هو ايرباج الراكب اليمين ...لكن بتاع السواق عمره ما يتقفل.
فعلا يا جماعة الخبطة مش جامدة خالص يعنى متستدعيش ان الأيرباج يفتح
تمام يا فهد وأنت مش أول واحد قال كدة - ودة انا شايفة كويس لأن أهم حاجة ان الأير باج تفتح لأقل خبطة لأن دة مكلف والحرفنة من المصمم أمتى تفتح.
وكالعادة فى ناس أول ما لقيت حاجة غلط على الصينى يلا نقد زيطة وخلاص :-(
هي فعلاً الخبطة مش جامدة بس برضة الايرباج اللي بيبقى في طارة الدركسيون مش
بيتقفل الباقين ممكن لان ممكن يكون السائق لوحدة ومفيش حد معاة .. يعني علشان
متبقاش خسائر على الفاضي بس العربية اكيد مش هتمشي من غير سواق:)
ويا محمد يا خلف سيب الناس "تزيط" على راحتها بما ان مفيش حد جاب سيرة الفهد
الاحمر :):):)
يا جماعة أنا مش قصدى حاجة - بس انا بقول مش إى خبطة تفتح الأير باج وهو دة إللى منطقى أنما الباقى هو إللى مش منطقى
نادر باشا سواء عربيتى أو غيرها أو حتى المايباخ أن بحب النقد إللى يفيد وبكرة قعدة القهاوى "إلا بس لو كان فيها شيشة :-)"- الصراحة متعودتش على كدة خالص وحتى وأنا كبير شغلى بيفرض عليا أن المنطقية والتحليل الدقيق بالأدلة أهم حاجة -اقتباس:
ويا محمد يا خلف سيب الناس "تزيط" على راحتها بما ان مفيش حد جاب سيرة الفهد
الاحمر
لا سمح الله متقولشى كدة أنتم أكتر من الأخوات ربنا يسترها عليكم وعلينااقتباس:
يعنى يا محمد لازم واحد يعمل حادثة علشان تستريح؟
مع انى مش فاهم قصدك أية بس يلا على البركة بس أوعى يعضك :Dاقتباس:
ايه رأيك بقى هدور عليه و اقوله
يا جماعة انا الفيرنا معنديش ايرباج طبعا لذا بفكر انجد مرتبتين واحطهم جوه تابلوه العربية
و متطلعش المرتبة الا بعد ما يطلع السواق من العربية :d :D
يا جماعة الصالون سليم قودامكوا فى الصورة هتفتفح لية بقا ---علشان تحمى الموتور ؟:d
هو يا اخونا مافيش عربيات بتعمل حوادث غير الصيني والا اية؟
عندي سؤال..هو مش ممكن إن الأير باج بتاعة السواق تتقفل لما نشيل فيوز مثلا :-) أو نفصل الكونترولر بتاعها؟؟؟؟؟؟ اعتقد ممكن
أعتقد ممكن...بس ليه؟؟؟
اولا السنسور بتاع الاير باج بيبقى موجود قدام في الاكصدام
والخبطة كلها جاية في الاكصدام زي مانا شايف لانه اتكسر تماما والخبطة سمعت لحد العجلة الشمالة وواضح ان المقص اتكسر لان عوجة العجلة مش طبيعية
يعني غالبا الخبطا جت في الرصيف لان الاكصدام اتدمر تماما
هو لازم الكبوت والفوانيس هيا اللي تتكسر عشان الاير باج تفتح
طبعا كلام مش منطقي ونزيط بحجة الدفاع عن الصيني وخلاص
لان العربية دي من اردأ ما انتجت مصانع البافارية
انا شوفت حادثة لصني 2001 على الصحراوى خبطت بس الاكصدام بتاعها في اكصدام اكسنت لغاية ماتكسر والفوانيس والكبوت سلام
ومع ذلك الاير باج بتاع السواق فتح
------------------
يا استاذ سعداوي هو لازم الصالون يتدمر عشان الاير باج يفتح
اقرا شوية عن ضروروة عمل الاير باج واليتها
لان في حوادث كتير جدا بيحصل كسر في العنق من قوة الخبطة بس
دكتور هشام مش بالفيوز
في عربيات بيكون فيه مفتاح يقفل الدايرة وما يتغلش
وفي عربيات زي الكرولا بتاعتي كفاية اني ماربطش حزام الامان فتفضل الدايرة مفتوحة
وما تطلعش الاير باج لو حصل حاجه لا قدر الله
وهما عندي كاتبين تحذير لراكب الامامي لو فيه طفل ماربطش الحزام لعدم اغلاق الدايرة
انا عندي اوكتافيا A5 ساقتها اختي و دخلت في عمود و الايرباج مفتحش رغم انه كان شغال
لان الخبطة جت في الاكصطدام و الفانوس اليمين بس
فانا حاسس ان الكلام ده مش منطقي
فعلا لازم الخبطة تبقى جامدة علشان يفتح
الايرباج
يا جماعه انتوا بتتكلموا في ايه :s
اقرا كاتلوج العربيه في موضوع كامل عن الايرباج
اذا وش السياره دخل في عامود مستحيل تفتح الايرباج
لازم سينسو تيجي ناحيته :@
مش شرط فعلا ان الايرباج تفتح عشان خبطه زي دي
وكمان اللي اعرفه ان كل عربيه السنسور بتاع الايرباج في مكان مختلف عن التاني يعني مش كل العربيات السنسور بتاعها في الاكصدام
انا مع اخويا A5 واتوبيس نقل رجع عليه بخبطلو الكابوت من فوق والحمد لله الخبطه بسيطه والايرباج مفتحش بس مش معنى كده انه اي كلام ولا فيه مشكله لأ ده يبان في بعد الشر عنا جميعا في الحوادث الجامده(fatal accedents ) حفظنا وحفظكم الله
مش عارف أقول أية بعد الردود الواعية دية - بس عايز بس أعرف رد الأراء المضادة بعد الكلام دة
بس بقول أية مش لازم لأنكم قلتم المفيد وخلاص
الحادثة بسيطة وفعلا لو الايرباج كان اتفتح يبقي دليل علي عدم كفاءة العربية
كلامك صح يا نادر
يا جماعة الحادثة مش بسيطة خالص دى حادثة جامدة جدا (بص على مكان العربية كلت اد ايه من الرصيف و كمان العربية بالسلامة ادغدغت)
بس الصراحة احنا منقدرش نحدد الايرباج كان مفروض تفتح و لا لأ لاننا منعرفش سعرة العربية كانت كام و سرعة العربية هى اللى بتحدد اذا كان الايرباج مفروض تفتح و لا لأ , لأن الايرباج بتفتح اذا توقفت العربية فى وقت معين و بيبقى اقل بكتييييييير اوى من وقت الفرملة و طبعا السنسور بيتخبط
و كمان انا اعرف واحد صاحبى عمل حادثة جامدة جدا بعربية رينو كليو و الايرباج متلعتش
دا عيب بيحصل كتير مش فى الصينى بس
طول عمرى مش بثق فى الصينى مهما كان
لو كارت الكنترول اتشال الايرباج مش هيفتح سواء للسائق او الى راكب جنبه
شوفوا اللينك ده
http://www.youtube.com/watch?v=ln3dVhfVYVI
ما تستاهلش ايرباج يفتح
يا مصرين دة مش عيب ولا حاجة ولكن عشان الايرباج يفتح لازم الخبطة توصل ل نص الكبوت واكتر وتحدي:funny34d:
الكلام ده مش مضبوط
بص على اللينك ده
http://www.youtube.com/watch?v=ln3dVhfVYVI
like others said.....in some cars...the airbag deploys at speeds of 60km+ and it must be a big accident....khabta gamda....