السلام عليكم

فى الوقت الى بشوف فيه نص عربيات البلد طافيه انوارها بليل

حبيت اشوف اراء حول فكرة تشغيل نور العربيه الامامى (والنور الواطى) مش التبلوه الصغير بس

فى الحالات الجايه دى :


1 شبورة ضباب
2 شبورة تراب
3 قبل المغرب بروبع ساعه ---مش شرط الدنيا تضلم خالص عشان انور النور
4 ازا كنت ماشى طول الليل مسافر ونور الفجر بدأ --- ماتطفيش النور علطول
5 غيوم شديده فى وسط النهار




انا عن نفسى بنور النور فى كل الحالات دى اقتداءً بقواعد القياده العالميه وليست المصريه


لان التعاليم المصريه بتخلى اى حد يشوفنى بيقولى النوووووووور النووووووووووور بالاضافه ان فجأه الناس كلها بتسيب عربياتها وسواقتها وتقعد تطلع ايديها من الشباك وتعملى بايديها عشان اطفى النور


وللعلم الكلام ده امان للى حواليا قبل مايكون ليا لان النور ده بيساعد على ان عربيتى تبان فى مراية الى قودامى بسهولة فى وسط الحالاات دى كلها




ياترى رايك ايه فى الكلام ده ؟؟