الحمد لله تم استلام ال byd f3 gi

**mohamedsisi** · 07-06-2010 02:18 PM

الحمد لله انا استلمت امبارح العربيه وجبتها على الاسماعيليه

بعد يوم شاق الحمد لله نجوت فيه من محاوله لسرقة فلوس العربيه من امام البنك

لذلك اعذرونى على تاخير التقرير ولكن اوعدكم ان شاء الله انى هبدا فى التقرير

فقط انا حبيت اشكركم على دعمكم المعنوى لى لاختيار السياره وانتو فعلا عوضتم ضعف التوكيل

وطبعا شكر خاص واجب لاستاذ وليد انه كان معايا طول الفتره اللى فاتت

**abdullah_yousof** · 07-06-2010 02:34 PM

ألف مبروك على السيارة
والحمد لله ان موضوع السرقة فشل

**elmanahry** · 07-06-2010 09:09 PM

الف مبروك العربية وربنا يديك خيرها ويكفيك شرها واذا كانت رؤية الاستاذ وليد تستدعى شراء عربية جديدة هاتصل بيه واشترى byd تاني وكل الناس فى هذا الموقف سوف يقولون لك ان ترفع صور السيارة ولكن انا معى واحدة ولكن نفسى اشوف الاستاذ وليد فارجو ان ترفع لنا صور الاستاذ وليد نفسى اشوف الانسان الخدوم الذى ساعدنى ميما سبق ولكن عن طريق التليفون وساعد اخرين وانا اعرف انه لاناقة له ولا جمل غير مساعدة باقى الاعضاء وفى نفس الوقت مشاراكاته تمتاز بدقة التعبير المبهر وكان كلماته ميزان على كفتيه جواهر فنداء لكل شارى فى المستقبل للسيارة ويستعين بالاستاذ وليد ان يصور الاستاذ وليد ويرفع لنل الصور اهم من صور اى سيارة ومبروك عليه مقدما السيارة ورؤية الاستاذ وليدsv065

**sv065** · 07-06-2010 10:16 PM

السلام عليكم ورحمة الله

أ/ محمد ألف مليوووووووون مبروك عليك وربنا يؤتيك خيرها ويرفع عنك شرها

وياريت بعد إذنك تشرح لينا كلنا موضوع السرقة من بدايته بالتفصيل وكيف فشل ولله الحمد علشان ده ممكن يحصل لأي حد فينا ويبقي حضرتك كده عرفتنا إزاي نتصرف إذا واجه أي حد مننا لا قدر الله موقف مثل ذلك وربنا يبعد عنك أي سوء

**sv065** · 07-06-2010 10:20 PM

دكتور / المناهري

أخبار حضرتك إيه يافندم وصحتك عاملة إيه ؟

كتير جدا جدا والله ثناء حضرتك ده وبأمانة أنا لم أفعل شيء إطلاقا حتي أ/ محمد لم أتشرف بلقاءه فعليا ولكن عن طريق الهاتف علي وعد باللقاء قريبا إن شاء الله

أكرر شكري لحضرتك علي ذوقك الراقي جدا وأتمني لقاء حضرتك في القريب إن شاء الله

تقبل مودتي

**mohamedsisi** · 07-06-2010 11:47 PM

الله يبارك فيكم يا جماعه وان شاء الله هحكيلكم على كل حاجه حالا

انا بقترح بقى نعمل يوم جمعه نتقابل فبه كلنا فى حته معروفه زى مدينة ملاهى او حاجه زى كده

انا بس كنت فى المرور والناس كلها مبهوره بالعربيه ماشاء الله

وفيه اتنين كاانو عايزين نمرة استاذ وليد علشان يستفيدو من العرض وانا بستئذنه انى اعطيها ليهم

**sv065** · 08-06-2010 01:22 AM

المشاركة الأصلية كتبت بواسطة mohamedsisi

الله يبارك فيكم يا جماعه وان شاء الله هحكيلكم على كل حاجه حالا

انا بقترح بقى نعمل يوم جمعه نتقابل فبه كلنا فى حته معروفه زى مدينة ملاهى او حاجه زى كده

انا بس كنت فى المرور والناس كلها مبهوره بالعربيه ماشاء الله

وفيه اتنين كاانو عايزين نمرة استاذ وليد علشان يستفيدو من العرض وانا بستئذنه انى اعطيها ليهم

مبروك علي الترخيص

الرقم تحت أمرك بدون إذن

دمت بود

**firro_1** · 08-06-2010 10:20 AM

1000000000000000000 مبروك على الاسماعيلية f3
ربنا يديك خيرها ويكفيك شرها
وياريت فعلا نجتمع كل ملاك الجميلة فى يوم للتعارف وتبادل الخبرات

**dodedode** · 09-06-2010 12:05 PM

الاستاذ / ozama22 كتب في موضوع جديد اسمه : (التجمع الاول لعشاق الجميلة byd f3)التجمع الاول لعشاق الجميلة byd f3
الاخوة الاعزاء
السلام عليكم ورحمة الله وبركاتة
اقترح على سيادتكم عمل التجمع الاول لانشاء الرابطة
["]المكان كارفور المعادي
التاريخ 15يونية2010 الموافق الثلاثاء
الوقت الساعة 7 مساءا
]مكان التجمع الدور الثاني للاماكن الانتظار عند الحرف d
رجاء الحضور وعدم التخلف
مع جزيل الشكر
والحاضر يعلن الغايب

**sv065** · 09-06-2010 10:55 PM

السلام عليكم

برجاء بعد إذنكم تعديل الموعد مبدأيا ليكون الأربعاء 16 يونيو 2010 بنفس المكان كارفور المعادي الدور الثاني للاماكن الانتظار عند الحرف d

الموضوع: الحمد لله تم استلام ال byd f3 gi

LinkBack

أدوات الموضوع

عرض

-

-

-

-

-

-

المواضيع المتشابهه

الحمد الله تم استلام القاشقاى الاتوماتيك

الحمد لله ربنا نجانى ...خمسة كانوا هيثبتونى ..الحمد لله

الحمد لله تم استلام السيارةgli اليوم

الحمد لله تم استلام اللوجان

الحمد لله الذي رزقني هذا...الحمد لله استلمت انهارده..H

الكلمات الدلالية لهذا الموضوع

المفضلات

المفضلات

ضوابط المشاركة