الموضوع: ارجو المساعده من شباب ميتسوبيشي :)

سلامو عليكو
انا قدامي عربيتين كولت الاتنين موديل 96 لكن
واحده 1800 و كامله اتوماتيك و فيها جنوط و زينون و كاسيت وسماعات حلوين و اكصدامات ميراج و عتب ومافيهاش حاجه من بره عايزه تتصلح او ترش اخرها 43 الف
و التانيه 1500 كامه مزدوجه اتوماتيك فيها تكييف و سنتر و زجاج..... بس اخرها و برضو اخرها 43 الف
اللي انا محتاج المساعده فيه

اولا عايز اعرف اخد مين فيهم عشان قلقان من موضوع 1800 ده في الترخيص و الضريبه وكده

ثانيا .. قطع الغيار بتاعت الكولت 96 ماعرفش عنها حاجه و متوافره ولا مش موجوده ؟؟
ياريت اعرف قطع الغيار عامله ايه و حد يديني فكره عن شويه اسعار مثلا للكبالن و الرياديتير و الفوانيس و المساعدين و الجلب و البطاحات ... ان امكن طبعا

ثالثا انا شايف الاسعار مناسبه للحاله ... رأيكو ايه فعلا الاسعار دي كويسه ولا غاليه عشان في ناس قالتلي الاسعار دي غاليه و العربيه دي حاجتها غاليه و مش موجوده
معلش طولت بس بجد انا محتاج مساعده