أولا هو لخبطة العربيه شوية بعد فصل البطارية طبيعى جدا و متقلقش و زى ما قالك هتزبط نفسها لوحدها لما الكمبيوتر يجدد بياناته بالنسبه للموتور و الفتيس و المراوح (أصلا الكمبيوتر بيتحكم فى سرعة المراوح حسب حالة الجو و المطلوب منها و التكيف)
بالنسبة للكاسيت طبيعى ان تخزين المحطات يتمسح و اللى حصل لكمبيوتر العربيه حاجه مشابهه للى حصل للكاسيت ولكن كمبيوتر العربيه مش محتاج تدخل منك و هو هيزبط نفسه.
بالنسبه لضبطة سير الكاتينه ممكنم طبعا لو قدم منه سنه أو أخر أثناء التركيب يغير سحب العربيه و انت اللى تقدر تحكم على اداء عربيتك اذا كان حصل قصور ولا لأ بس مش هتقدر تحكم إلا بعد كام يوم مشى بيها عشان يكون الكمبيوتر تمام.(أصلا المفروض فى علامات فابريقه يزبط الوضع عليها قبل التركيب ولو هو التزم بالعلامات ده صح يبقه اكيد مفيش مشكله ان شاء الله)
سؤال أخير؟
هو انت مغيرتش بلية شداد الكاتينه ليه؟
ده مهمه جدا ولازم تتغير مع السير لأنها لو قفشت مثلا هتقطع السير هتى لو جديد و يبقه اكننا معملناش حاجه! (السير و البليه صيانه وقائية هامه جدا للسيارة و يجب تغييرهم فى الوقت المحدد حتى لو حالتهم ممتازة)
حاجه أخيرة..........المفروض سير الكاتينه و البلية بتاعته و فلتر البنزين كنت تجيبهم أصلى لأنهم مهمين جدا و فلتر البنزين فى مكان حساس جوه التنك و ممكن كنت تجيب اى حاجه تانيه غير الكاتينه و فلتر البنزين مش أصلى عادى.
المفضلات