الاخوة المحترمين ملاك فورد فوكس 2010 موتور 1600 100حصان الرجاء توضيح مدى كفاءة سحب السيارة وانا مشغل التكييف ومحمل ركاب وهل التكييف يؤثر على السيارة فى السحب والحرارة بتاعتها حلوة لانى مقبل على شرائها ولكم الشكر الجزيل
عرض للطباعة
الاخوة المحترمين ملاك فورد فوكس 2010 موتور 1600 100حصان الرجاء توضيح مدى كفاءة سحب السيارة وانا مشغل التكييف ومحمل ركاب وهل التكييف يؤثر على السيارة فى السحب والحرارة بتاعتها حلوة لانى مقبل على شرائها ولكم الشكر الجزيل
اية ياجماعة فين ملاك الفورد
الحقيقة أنا مش من ملاك الفورد ومش حقدر أفيدك زيهم ....
بس ممكن أقول لحضرتك على شعوري في اختبار قيادة السيارة رغم انه مش كافي طبعا لتكوين انطباع نهائي لأنه في النهاية لم يزد عن دقائق ...
العربية كعربية تحفة وراسية وكمالياتها رائعة بالاضافة إلى مستويات الأمان ( واخدة خمس نجوم في اختبارات التصادم الأوروبية ) ... تحفظي الوحيد هو عدد الايرباج انه المفروض كان يبقى 6 مش بس 4 ....
نيجي للسحب .. أنا بصراحة معجبنيش سحبها أبدا أبدا خاصة وأنا مشغل التكييف ... حسيت فعلا بمعنى المقولة الي سبق وسمعتها ان العربية دي لازملها على الأقل موتور 2000 سي سي عشان تحس بقوتها ... وهي برة بتنزل بالفعل بالمواتير دي لكن عشان ظروف الجمارك بتعتنا الله يسامحهم ما بتجيش هنا إلا بالـ 1600 سي سي ...
يعني أنا حاليا معايا volvo 240 GL ودي تقييييييلة جدا في السحب لدرجة الخنق ... يعني أنا باعتبرها بالنسبة ليا معيار الصفر لقياس السحب ... لما سقت الفوكس حسيت انها بتجري سنة بسيطة أكتر من الفولفو بتاعتي ... مش الفرق الملحوظ يعني في قدرة موتور عربية سنة 2009 عن عربية سنة 1985 .....
طبعا فيه مشكلة تانية مش عارف ازاي فورد ما أخدتش بالها منها في الفوكس ... هو عدم وجود فتحات تكييف خلفية .. دي طبعا نقطة سيئة خاصة اني مجربها في عربيتي لما حد بيقعد ورا .. باضطر أشغل التكييف اللي جي من فتحات الأقدام عشان أهوي الجزء الخلفي من السيارة ..
(ملحوظة .. أنا كنت سقت العربية السنة اللي فاتت وموديل 2009 فما أعرفش اذا كان عالجوا موضوع عدم وجود فتحات تكييف خلفية في موديل 2010 ولا لا ) .....
غير اللي أنا قلته ده .. العربية كمجموع هايلة وليها احترامها وبرستيجها .. خااصة الستيشن واجن ( وجهة نظر شخصية ) ...... بس لو كانت الظروف تسمح بموتور 2000 سي سي وموضوع فتحات التكييف كانت بقت لقطة .....
أنا واحد من ملاك فوكاس 2009 و انا أسف على عدم الرد السريع وترك الأخرين ينطقون بما لا يمس الواقع بشىء
أولاً العربية 117 hp وفى ناس بتقول 115 المهم بلنسبة للسحب جيد حيداً (انا بعشق السرعة و على طول على الطريق الصحراوى)
معيا opel corsa 2007 1600cc ,و manual لما بسافر بلفوكاس و أنا محمل الشنطة و معايا 4 أشخاص العربية بتجيب أكتر من 180 و السحب بتعها شديد جداً ملحوظة العربية فيها kick down و ممكن تحول ال gear لل steptronic
بلنسبة للتجربة أنا مجربها مع عربيات كتير و الحمد لله العربية شديدة جداً مع العلم انها فى الوزن اثقل
بلنسبة للتكيف طبعاً فى فتحات للكنبة أللى ورا (حتلقيها أسفل الكراسى الأمامية من تحت ) وجرب تشغل التكيف فى العربية على low وأنت على كوبرى أكتوبر الساعة 2 ظهراً فى عز الصيف وشوف لومسقعتش انت و بذات الركاب أللى ورا يبقى ليك الكلام
أولا : أخي الفاضل مش شايف حضرتك ان الجملة دي تقيلة شوية على انها تتقال في حق واحد اشترك في مناقشة وأقر بأن انطباعه عن السيارة انطباع وقتي مش نهائي كرأي ملاك السيارة ؟!!
ثانيا : أعتقد ان بعض مما نطقته قد صادف الواقع بشئ حسب كلام حضرتك ... انت بتقول فيه فتحات تكييف خلفية أسفل الكراسي الأمامية .. طب ما عربيتي اللي هي موديل 1985 فيها نفس الكلام ودي بتبقى اسمها فتحات التكييف مخصصة لخروج الهواء للأقدام وبيبقى موجود منها أيضا للراكبين الاماميين .... ورغم كده عمر ما حد قال ان فيها فتحات تكييف خلفية !!!!! وإلا كنا استغنينا من زمان عن فتحات التكييف الأمامية في التابلوه واكتفينا بفتحات الأقدام للركاب الأماميين واستغلينا المكان في التابلوه في حاجة تانية أفيد .......
الكلام اللي حضرتك بتقوله قالهولي مندوب المبيعات وأنا باتفرج على الفوكس فرديت عليه بان الفتحات أسفل الكراسي دي مش فتحات خلفية ... لأن مقصد الفتحات الخلفية انها تعطي هواء مباشر لرأس وجذع الراكب ودي مبتتحققش إلا بوجود الفتحات إما خلف مسند الذراع الأمامي ( بين الكرسيين الأماميين ) .... أو كفتحات خارجة من السقف في منتصف السيارة أو كفتحات في القائم الأوسط للسيارة بين الباب الأمامي والخلفي ..... إنما معلهش أنا لما أحب أحس بالتكييف وأنا ورا مش مفترض عليا أغطس في دواسة الكنبة عشان أنتعش وأستجم .... ماهو كده أبقى ما عملتش حاجة وكأني رجعت لنفس الوضع اللي عندي في عربية موديلها بقاله 25 سنة .....
أنا بأعيد وأكرر ان العربية كمجمل لا غبار عليها إلا النقط إللي سبق وقلتها ( وهي تمس الواقع بشئ ولو بالنسبة لي شخصيا ) ... ومازلت كذلك عند رأيي بأن وجهة نظري قائمة فقط على تجربة سريعة للسيارة وإنما تقييم ملاكها هو القائم على تجربة حقيقية للسيارة بس رجاء أن يكون دون تحيز مفرط و دون اتخاذ موقف ممن قد يختلفون معهم في جزء من الرأي .....
يا بيه كلامك يحترم وعلى العين والراس بس حكايه ان سحبها مش حلو دا أفترى صدقنى وانها كمان سحبها اشد بحاجه بسيطه من فولفو 85 صعبه شويه يا بيه انته بتتكلم ف عربيه انجيكشن 119 هورس بوار مش عربيه كربرتير اخرها 85 حصان ازا مكنش أقل وعزم الفورد 150 نيوتن يا بيه يعنى مكنه حلوه العربيه ثابته وتقيله وبتجرى وهتحس بالجرى بعد ال 10000 الاولنين عقبال ما العربيه تلين .... لاكن باقى كلامك صح حوار التكيف دا خنيق بس فعلا تكيفها قوى بس لازم تشغل بتاع الطبلوه عشان يوصل للكنبه الخلفيه انا معاك فى دى بس تكيفها ما شاء الله عليه تلاجه
هدى بس اعصابك يا بيه ... انا عربيتى طلعت من لانسر وطلعت من دايو وطلعت من مازدا 3 واكتافيا و ماتريكس وكلام حازم مظبوط العربيه سحبها شديد وعزمها جاااااااااحد وبالزات لو جبت التيب ترونيك والعربيه فيها ميزه انها مبتحرقش ع المكنه يعنى بتيجى قبل الريد لين ولو انته منقلتش العربيه تنقل لوحدها عشان سيفتى للمكنه ...
وغير كدا يا رجاله العربيات ال 1600 دى مش معموله عشان الجرى لو عايز تجرى اركب بقى عربيات تانيه :> فوق ال 2500 سى سى لاكن احنا غلابه اخرنا فيرنا متجنطه وتبقى كدا عربيه سبور ( مع الأعتذار لملاك هيونداى ) بس دا لفظ شائع مستخدم ..... سلام :36_1_1[1]:
مين الناس دول اللى بيقولوا ان العربيه 117 او 115 او 119 ؟؟؟
العربيه 100 حصان فقط
ودى صوره من اوتوماك
http://img63.imageshack.us/img63/4743/06062010906.jpg
وحسب موقع فورد الرسمى العربيه بتجيب 0 - 100 فى 13.6 ثانيه
هدى نفسك بس يا بيه .... اعلانات الفورد كانت بتنزل 119 هورس بوار وشوف اى مجله من مجلات السيارات هتلاقى مكتوب 119 ما علينا انا عملت دورت وكدا المكنه بتنزل 110 ps يعنى بالظبط 108.5 hp ودول وحشين ..؟ الاوكتافيا بتنزل 105 يا بيه :F_eyeb1[1]: بس شوف بقى المكن الى بقولك عليه دا بيحيب المكسمم تورك وهورس بوار عند كام ار بى ام هتلاقى الاوكتافيا عند 3000 على ما اعتقد وهما يعرفو اكتر منى بتوع الاوكتفيا لاكن الفورد بتجيب عند 4100 مش العربيات الكورى الى يقولك 124 حصان عند 6600 لفه :> دا يا بيه الفرق بين المكن المحترم واى مكن تانى وشكرا للفت الأنتباه بس انا أرجح انها ممكن تكون فعلا 119 بدليل زى ما الكورولا بتنزل مواصفات مصرى 145 حصان او 136 مش فاكر اوى ............ لاكن المواصفات الخليجى بتعتها بتنزل 110 حصان هل فى فرق ف المكنه ... يا ريت بقى حد يرد على السؤال دا ؟ وبالطبع لا مفيش فرق ف المكنه بس الخواجه دماغه كدا هتعمل ايه بقى ف الخواجه ؟؟ :brn:
من عنيا يا بيه .انا هحاول اقولهالك ببساطه ... لكل ماكينه او محرك بيتعمل فى رسمه مبسطه كدا بتتعمل بتشوف عند كام لفه فى الدقيقه المحرك بيجيب اقصى عزم واقصى قدره حصانيه ..... فى المكن الحلو بيجيب العزم بتاعه عند عدد لفات قليل ودا يدل ان المحرك حلو ومبيجهدش عشان يجبلك اقصى قوه ... لاكن فى بعض المحركات عشان تجيب اقصى قدره ليها لازم تجهد المكنه وزى ما بيقول بتحرق على المكنه انا حاولت ابسطها بقدر الأمكان ويا ريت تكون واضحه
اخبار التوكيل ايه جماعه....وياريت لو اسعار الصيانات بالتقريب
طيب انا هنصحك نصيحه لوجه الله العربيه دى متتعيبش فى حاجه خالص وسيبك بقى من الجرى والمكن والكلام دا كلو .... العربيه دى أسوء عيب فيها ان قطع الغيار مش متوفره غير فى التوكيل بره التوكيل هتحفى عشان تجيبلها حاجه .... لو انته ناوى تتعامل مع التوكيل فى حوار قطع الغيار والمصنعيات والضرايب والكلام دا كلو اتكل على الله واشتريها ... لاكن لو هتتعامل بره التوكيل هدوخ السبع دوخات عشان تجبلها مسمار :8954[1]: والكلام دا يا بيه عن تجربه
صيانه ال 5000 انا عملتها فى التوكيل بالظبط كلفتنى 370 جنيه منهم تغير زيت وفلتر وغسيل المكنه بالفوم ... وأول صيانه مفهاش مصنعيات يعنى المصنعيات زيرو ... المشكله فى اسعار قطع الغيار فى الحجات المستهلكه كويسه يعنى تيل , فلاتر , الكلام دا كلو وبرضو اسعار الفوانيس كويسه لاكن تعالى بقى ع الحجات التانيه انا جايب كبوت ب 2000 جنيه وجايب اكصدام ب 1800 جنيه ورفرف ب 1000 جنيه و علبه دركسيون ب 7700 جنيه الأسعار دى بالضريبه
ملاك فورد فوكس 2010 الرجاء الادلاء برايهم للاهمية وشكرا
انا هادى والله :)
وانا مش قاصد اقول ان ال 100 حصان وحشين او قليلين
انا بس حبيت أوضح ان العربيه فعلا 100 حصان فقط ودا مش عيب
والاوكتافيا والجيتا على فكره 102 حصان فقط , وعزمهم اقل من الفوكس
الفوكس 150 والجيتا والاوكتافيا 148
والجيتا قبل ماتنزل بالفتيس ال dsg كانت بتجيب 0 - 100 فى 13.3 ثانيه
لكن الفتيس ال dsg حسن أدائها وخلاها 0 - 100 فى 12.2
يعنى من الأخر , على الورق , اداء الفوكس قريب من الجيتا والاوكتافيا
التجربه العمليه مجربتش بنفسى
____________________
اما بخصوص الكورولا فهى فعلا بتنزل بموتورين مختلفين
الكورولا الخليجى بتنزل بالموتور القديم اللى كان فى الكورولا القديمه , 107 او 109 حصان تقريبا
اما الكورولا الجنوب افريقى اللى فى مصر موتورها 122 حصان فقط لا غير
sorry i don't have Arabic on my computer i just bought the car 2 days ago the acceleration of the car is very good on the steptronic gear i didn't exceed 3500 rpm one time i make kick down at 80 km/hr to the second speed by wrong it is marvelous very good response from the motor actually it is not like the honda civic but it still ok
الراجل كلامه زى كلمنا بالظبط ان العربيه سحبها حلو والكيك داون بتعها حلو والأستيب ترونيك بتعها جامد ... يا بيه لو العربيه دى عملالك ازمه بلاش منها احسن وهتلك حاجه مضمونه بتجرى جرى الوحوش هاتلك فيرارى اينزو يا باشا :ma:
ford focus is more powerful and the same stability of the honda civic:36_1_1[1]:
u welcome ;)
فورد فوكس لانك وانتا ركبها حاسس انك راكب حاجه نادره وعاليه عن الارض مش زي اليفيك والجيتا وقطع غيار رخيصه اوبشن ممتاز سعر معقول
الحراره !!!!!!!!!!!!! امبير الحراره صيف شتى عمره ما بيعلى عن النص والعربيه لا بتسخن ولا الحجات دى كلها وحكايه الشد دى بعد ما تمشى فتره دا صح لان العربيه وزنها بيبقى شبه معدوم فوق سرعه 90 وهنا بقى بيجى دور العربيه فى الثبات و المكنه بس برضو بامانه سحب الهوندا سيفك 100 100 ومفيش كلمه عليه ولو انا قولت غير كدا يبقى انا متحيز لعربيتى ومبفهمش حاجه لاكن الحق يقال ان الفورد ثبتها ما شاء الله تبارك الله عالى انا بمشى بيها 180 ولا اكانك ماشى على حاجه لان وزن العربيه 1800 كيلو وعجلها عريض والعربيه زات نفسها تخس انها بتفرش على الارض فى السرعات العاليه ............ بس انته كل دا لسه مجبتهاش .. أوحش حاجه فى شراء العربيات التردد ... ونصيحه بقى من أخ فورد فوكس هتتغير كليا فى 2012 شكلها الجديد ماشاء الله جامد واحسن من الشكل دا بمراحل ومن جوه شكلها رياضى اكتر اعمل سيرش واتفرج عليها وخليك ممشى نفسك بالعربيه بتاعتك اليومين دول وهتها على اخر 2011 لو كان لينا عمر