الموضوع: بروتون وفولكس فاجن شراكة لن تتم( هام )

المشاركة الأصلية كتبت بواسطة 2faster

مستني موضوع مشروع ايماس ده

بفاااااااااارغ الصبر

+11111111111

المشاركة الأصلية كتبت بواسطة MohabSaeed

شكرا احمد باشا على مجهودك الكبيــــــــــــــــــــ ـــر فى نقل و ترجمه المقاله .

انا قريت خبر التعاون بين بروتون و فولكس من فتره ...بس توقعت فشل المفاوضات و كويس انها فشلت .

فولكس مهتمه بحاجتين فقط :
1- لوتس و ماتمتلكه من تقنيات و خبرات كبيره فى مجال سيارات الرياضيه .

2- مصنع بروتون الحديث " PROTON CITY " الى بيعتبر من احدث المصانع على مستوى العالم لتصنيع السيارات , لتجميع موديلات فولكس و توزيعها فى جنوب شرق اسيا .

الى فهمته من اكتر من مقال على الانترنت ان مفاوضتهم مع بروتون كانت للاستحواز عليها , و ديه حاجه مرفوضه رفض قاطع من اداره بروتون و الحكومه الماليزيه ... لانهم تحت اى ظرف من الظروف مش حيتنازلو عن فكره " بروتون السياره الوطنيه الماليزيه " .

من ناحيه تانيه بروتون عاوزه تعاون مشترك و تبادل هندسه و تقنيات و شاسيهات من فولكس ... و ده الامر المرفوض بالنسبه للصانع الالمانى رفض قاطع , ( هما مش محتاجين هيونداى جديده تطلعلهم و تقف فى وشهم بعد كام سنه ).

اختصار لكل كلامى ... فولكس كانت عاوزه تاكل بروتون ... مش تكبرها , و ده حل كل الشركات الكبيره .

الى شايفه الفتره الحاليه ان بروتون ماشيه فى الاتجاه الصحيح ... و الفتره القادمه حتكون جيده بالنسبالهم .

+1

تفسير سليم جدا ومنطقى , وفعلا يا مهاب فى حاجات بتحصل فى التوكيل بتشير لكلامك

شكرا جزيلا ا/احمد على الترجمة الاكثر من رائعه

تحيــــــــــاتــى

السلام عليكم ورحمة الله وبركاته

شكرا جزيلا لكل الاخوة الافاضل على مشاركتهم فى الموضوع وان شاء الله نستمر فى رحلة البحث اليومية عن كل ما هو جديد عن بروتون ونحاول على قدر المستطاع نقلها لكم كما ينبغى ان شاء الله.

المشاركة الأصلية كتبت بواسطة felix

يافرحة ماتمت
بس ايه موضوع مشروع ايماس ده

المشاركة الأصلية كتبت بواسطة ayman_52

+1

تفسير سليم جدا ومنطقى , وفعلا يا مهاب فى حاجات بتحصل فى التوكيل بتشير لكلامك

شكرا جزيلا ا/احمد على الترجمة الاكثر من رائعه

تحيــــــــــاتــى

ايمن باشا منورنا والله .

طيب مش تدينا فكرة عن اللى بيحصل فى التوكيل اليومين دول ولا هكون اخر من يعلم زى كل مرة وانت فاهمنى .

المهم ربنا يوفق بروتون ان شاء الله.

المشاركة الأصلية كتبت بواسطة osama.shihata

شكرا على التقرير احمد فتحى باشا

المشاركة الأصلية كتبت بواسطة mohabsaeed

شكرا احمد باشا على مجهودك الكبيــــــــــــــــــــ ـــر فى نقل و ترجمه المقاله .

انا قريت خبر التعاون بين بروتون و فولكس من فتره ...بس توقعت فشل المفاوضات و كويس انها فشلت .

فولكس مهتمه بحاجتين فقط :
1- لوتس و ماتمتلكه من تقنيات و خبرات كبيره فى مجال سيارات الرياضيه .

2- مصنع بروتون الحديث " proton city " الى بيعتبر من احدث المصانع على مستوى العالم لتصنيع السيارات , لتجميع موديلات فولكس و توزيعها فى جنوب شرق اسيا .

الى فهمته من اكتر من مقال على الانترنت ان مفاوضتهم مع بروتون كانت للاستحواز عليها , و ديه حاجه مرفوضه رفض قاطع من اداره بروتون و الحكومه الماليزيه ... لانهم تحت اى ظرف من الظروف مش حيتنازلو عن فكره " بروتون السياره الوطنيه الماليزيه " .

من ناحيه تانيه بروتون عاوزه تعاون مشترك و تبادل هندسه و تقنيات و شاسيهات من فولكس ... و ده الامر المرفوض بالنسبه للصانع الالمانى رفض قاطع , ( هما مش محتاجين هيونداى جديده تطلعلهم و تقف فى وشهم بعد كام سنه ).

اختصار لكل كلامى ... فولكس كانت عاوزه تاكل بروتون ... مش تكبرها , و ده حل كل الشركات الكبيره .:f_eyeb1[1]:

الى شايفه الفتره الحاليه ان بروتون ماشيه فى الاتجاه الصحيح ... و الفتره القادمه حتكون جيده بالنسبالهم .

السلام عليكم ورحمة الله وبركاته

ازيك يا مهاب باشا واحشنى والله ونفسى اشوفك قريب ان شاء الله .

انا متفق معاك فى رايك فعلا بس مش عارف ليه جالى احساس وانا بقرا الخبر وتعليق بروتون انهم كانوا نفسهم فعلا يحصل اى نوع من انواع التعاون مع فولكس بس طبعا كل شركة لها سياستها واهدافها وفيه وقت لازم الشركة فيه تندمج او تتباع وفيه وقت لازم الشركة يكون ليها شخصيتها المتفردة وان كان محاولة العملاق الالمانى اكثر من مرة التفاوض مع بروتون ده دليل على ان بروتون ماشية صح على الرغم من عدم الاتفاق .

فيه نقطة تانية مهمه دلوقتى فى عالم السيارات معدش فيه اوى حاجة اسمها السيارة الوطنية . الموضوع ده كان موجود فعلا لوقت قريب بس خلاص الموضوع باه اشبه باحتراف لاعبى الكورة , حد يصدق ان الصين كانت هتشترى الهامر احدى الايكونز لعالم السيارات فى امريكا ورمز من رموز الجيش الامريكى وتيجى الصين اللى ترجع فى كلامها فى اخر لحظة وتخلى الامريكان يلفوا حوالين نفسهم والهند اللى تقريبا استحوذت على معظم سيارات انجلترا لاند روفر وجاجوار ونروح بعيد ليه هى لوتس دى كانت ايه ماهى كانت انجليزية فى يوم من الايام وما ادراك ما الانجليز وعجرفتهم , المواضيع كلها بتتحسب بالورقة والقلم وكله بيدور على مصلحته .

المهم احنا بنحس ان بروتون دى مش شركة ماليزية فقط لا احنا بنحس ان لينا فيها نصيب مش عارف باه اخوة الاسلام ولا اكمنهم عالم تالت زيينا او تانى بس هم مكافحين وهيوصلوا لما هو اعلى وربنا يوفقهم لما هو الخير ان شاء الله .