الموضوع: شوية استفسارات gen 2

السلام عليكم ..
انا معايا gen 2 2009 عامل بيها 17000 كم تقريبا ..
انا هحكي قصة العربية من يوم ما جبتها ..
العربية معايا من شهر 8/2009 و أول ما جبتها كان في مشكلة في الزوايا (ازاي في عربية زيرو مش عارف) و توكيل الغد في المنصورة قال ملناش دعوة و فضلت بيها شهر كدة ة رحت ظبت زوايا عند واحد كويس في المنصورة برضة مكنتش تمام أوي و قالي دة عيب كاوتش تقفيله وحش (كانت 1000 كم وقتها) بس و قلت للغد طبعا ولا الهوي و بعدين رحت عملتها في بريدجستون في مدينة نصر و بعد عذاب و تغيير في اماكن الكاوتش اتظبطت بنسبة 90%

طبعا بعد 1000 كم ظهر صوت غريب في العفشة والمالتي علق وموتور النور مش شغال
و لما سألت في الغد قالي دة عيب في كل البروتون قلت ماشي هستحمل الصوت و عملي طلب بتغيير علبة الدركسيون و المالتي ومعرفش يصلح موتور لحد ماعدش شغال خالص دلوقتي وحتي الأن لم يتغير شئ

عملت صيانات عادي هناك و كل مرة يقولو دورك لسة مجاش !!!!!!!

المهم انا مشكلي مع العربية دلوقتي صوت علبة الدركسيون الغبي و صوت تاني لو أخدت مطب عالي شوية ب العجلة الشمال بيحصل (صوت مش حديد صوت مختلف كأنه خبطة في فبر)

صوت التزييق الي مش بينهي من الخلف و صوت تاني (صفاره ضعيفة متقطعة كدة من الشمال ورا)

و صوت في الطارة او التابلوة قدامي علي طول (صوت مستفز جداااااااااااا طقطقة كدة) مع اي مطب صغير بيحصل (معرفوش هو اية في الغد)

انا عارف انها حاجات بسيطة بس انا مش بحب اي صوت في العربية و خصوصا لو زيرو يعني

المهم انا وصلت اني حاسس اني راكب عربية بقالها 10 سنين بالأصوات دي

اخر حاجة و اهم حاجة العربية دلوقتي مش ثابتة نهائي (مظبط كاوتش نيتروجين و مربط عفشة) بحس ان الطارة خفيفة اويييييييييي علي سرعات هادية 80 او 90 كدة و بعد كدة العربية مية بقي .. غير اول ما جبتها كانت لحد 170 ثابتة

بجد انا مش لاقي حل لدرجة اني ببقي ماشي قلقان ازود السرعة بحس ان ممكن مقدرش اتحكم فيها

(للعلم معايا بردة اوبترا هاتشباك 2006 و بسوق من 4 سنين طبعا فرق كبير)

لو حد عندة تعليق او عندة اي حل ياريت يفيدني

شكرااااا
اخوكم \ محمد