لسه حتعلم السواقة

**stayonly** · 12-02-2008 12:46 PM

السلام عليكم ورحمة الله
يا جماعة ان لسه مسجل النهرده وكنت محتاج مساعدتكم لانى بصراحة ابيض فى العربيات
الحقيقة انا قررت اشترى عربية فى حدود 40000 وده اخرى يعنى مش حقدر ازود اى مبلغ اضافى
وبالمناسبة دى اول عربية اشتريها واللى حتعلم عليها السواقه ان شاء الله الحقيقة انا فى ناس نصحتنى انى اشترى اى عربية مستعمله رخيصة اتعلم عليها الاول زى 127 او 128 وبعد كده اشترى العربية اللى تعجبنى بس انا بصراحة معنديش استعداد اجيب عربية تكرهنى فى عيشتى وفى السواقه اللى انا لسه حتعلمها زى ما ناس صحابى كتير عملوا وجابوا 128 ولحد دلوقتى مش عارفين يتعلموا السواقة لانهم اصلا ماركبوش عربيتهم بسبب الاعطال الكتير اللى بتحصل فيها مش عارف انا كده بفكر صح ولا غلط ويا ريت يا جماعة تنصحونى فى الموضوع ده لانى بجد محتاج مساعدتكم
دى اول حاجة .
تانى حاجة بقا نوع العربية اللى ان شاء الله حشتريها انا بفكر فى عربية هاتشباك زى البولو98 او الابيزا مويل 98 او 99 او البونتو يا ترى انهى عربية فى دول احسن من حيث قطع الغيار وقلة الاعطال اللى بتحصل فى كل عربية منهم لانى لسه حتعلم عليها ومش عايز اعطال كتير تحصلى فى الاول
ولا اكبر دماغى واجيب عربية رخيصة مستعمله وخلاص
بجد يا جماعة انا محتار ويا ريت اى حد يقرا الموضوع ما يبخلش على اخوكم بالنصيحة

**Shiref_mohamed** · 12-02-2008 12:56 PM

السلام عليكم
بص يا باشا انا انصحك تجيب حاجه كويسة من الأول وتريح دماغك لآن 128 ،127 دول عربيات تعبت خلاص مع احترامي ليهم بس انصحك بالبولو لأنها عربية جميلة اوي وحاجتها تقريبا قريبة من الأبيزا (الأتنين غاليين شوية) بس بالنسبة لتعلم السواقة انا انصحك اول ما تجيب العربية تاخد وقت طويل تفضل تمشي بيها في منطقة فاضية ويكون باليل خالص لغاية لما تلاقي نفسك اتعودت على العربية وبتتعامل معاها بسهولة وثلاثة بعدها ممكن تبدا تخرج بيها للزحمة واحدة واحدة لغاية ما تسوق كويس وخليك حذر جدا وحريص ومتزودش السرعة عشان لاقدر الله لو حصل حاجة تبقى بسيطة وإن شاء الله ربنا يوفقك ويسهلك

**ramyfawzy** · 12-02-2008 01:31 PM

السلام عليكم
شوف يا سيدي انا شايف انك تجيب حاجة مستعملة كويسة في حدود المبلغ اللى معاك تتعلم عليها السواقة وبعدين ان شاء الله لما تتعلم وتبقى كويس ممكن تبقى تبيعها وتجيب حاجة اجدد بإذن الله
على فكرة انا قدامي عربية بولو موديل 99 لونها فضى بس فاضية مافيهاش كماليات بس موتورها حلو ودواخل فابريقة واعتقد انها ممكن تنفعك عشان هيا مخبطة من برة شوية يعني مش هتفرق معاك لو اتحكت او اتخبطت خفيف لا قدر الله وكمان سعرها كويس (اقل من سعر السوق بحوالى 3 الاف جنيه)
فلو عايز تشوفها ابقى كلمني
اخوك رامي (ابو احمد) ورقمي 0126418494

والسلام عليكم

**stayonly** · 12-02-2008 01:40 PM

متشكر جدا يا استاذ رامى على عرضك وعلى فكرة انا من اسكندرية مش من القاهرة فلو حضرتك من اسكندرية ممكن نتكلم فى موضوع العربية ويحصل نصيب ان شاء الله

**fahd_628** · 12-02-2008 05:08 PM

انا رأى تشوف اكسيل او ابيزا او كورسا او بولو

**mahamedaraby** · 16-02-2008 04:26 AM

شوفلك لانسر البطه

**LUX** · 16-02-2008 06:45 AM

جديد احسن و ابعد عن القديم زي ال128 و ال127 و خلافه لان كل العربيات دي خلاص راحت عليها و شغالة من زمااااااااان اوي

ممكن تجيبلك لادا 2107 جديدة و جامده و تستحملك حتي لو خبطتها -كل يوم لا قدر الله- وتنفعك و انت لسه بتتعلم عليها.

و نصيحتي تاني بلاش قديم علشان مشاكله كتيير و انت لسه في الاول .
_____

**mone_eg** · 21-02-2008 03:46 PM

أنا عندي نفس المشكلة
معايا نفس المبلغ ومش عارف أجيب جديد ولا مستعمل
يعني أجيب سوزوكي ألتو 800 cc جديدة
ولا أجيب مستعمل مثل اكسيل او ابيزا او كورسا او بولو

في ناس تقولي هات جديد وريح دماغك حتي لو العربية مفهاش أي كماليات زي السوزوكي ألتو 800cc ب42000 ألف

وفي ناس تقولي هات مستعمل بنفس المبلغ والعربية تكون فيها كماليات والماتور أقوي 1300 أو 1500 cc

أرجووووو المساعدة والنصيحة من الخبراء