اذا كان فى احد الاعضاء جرب تنظيف رشاشات بالالترا سونيك يقلنا على تجربته
وهل هو مفيد ......ولا ده حل مؤقت وبعدها ترجع الرشاشات زى ماكانت وتسيل
عرض للطباعة
اذا كان فى احد الاعضاء جرب تنظيف رشاشات بالالترا سونيك يقلنا على تجربته
وهل هو مفيد ......ولا ده حل مؤقت وبعدها ترجع الرشاشات زى ماكانت وتسيل
الرشاش لما بيسيل
مبيتنضفش
بيترمى على طول
______________
أما موضوع نظافة الرشاش من الداخل بالألتراسونيك ماشين
فهو بهدف عمل تطهير من الملوثات داخل الرشاشات السليمه أساسا ( وليست المسيله )
وطبعا التنظيف بيفيد جدا فى حالة الرشاشات المكتومه
وخانقه مكنة السياره
طيب اعرف ازاى المخنوقه من المسيله
طيب أنت بتشتكى من أيه
ازيك يا استاذ سمير انا رامي من أليكس عندي دايو جوليت 99 من سنه ونص كده غيرت الرشاشات كانت 3 منها بتسيل وجيبتها الأصلي ب
1050 جنيه من كام يوم كده بكشف عليها لقيت في واحد بيبدأ يسيل وفي واحد بيقول ها
بعد كده عرفت ان في واحد بينضف الرشاشات وبيمنع التسيل فقلت اروح اشوف ايه الحكليه فالي بص انا هارجعلك الرشاشات فبريقه وانضفها
الأربع رشاشات ب 100 جنيه قالي هاحطهم ع جهاز بينظفهم
فانا خايف اروحله فايه رأيك
ي
يا أهلا بيك
يا أستاذ : رامى
شوف يا أخى
أنا كل كلامى السابق عن حالة الرشاشات القديمه بالفعل
لأن مع كثرة فتح وقفل الرشاش بتضعف السوسته الداخليه للرشاش فى
أحكام قلب الرشاش من نهايته على فتحات فونية التزرير
يعنى ضعف السوسته هنا بيرجع للعمر الأفتراضى لفقدان السوسته لقوة
مرونتها نتيجة شغلها الكتير ( داخت السوسته وتعبت من كثرة الفرد والضم )
بتبقى طريه ومعندهاش القوه الكافيه لضبط الأحكام وقت قطع الأتصال
الأرضى عن الرشاش بواسطة وحدة التحكم ( يعنى مفيش كهربه ماشيه فى ملف الرشاش من الداخل والمفروض مفيش
بنزين يترش أو يسيل ويهرب من عند نهاية الرشاش )
الحقيقه أنا مش عاوز أخش معاك فى تفاصيل فنيه شديدة التعقيد فى
الأمور دى
__________________________
المهم
ممكن فعلا تنجح معاك عملية التنظيف نظرا لأن رشاشاتك لسه مكوناتها
بخيرها برضه
وأكيد السوست لسه قوتها كويسه على ضم المكونات
والمشكله فقط تكمن حاليا
فى وجود رواسب شديده داخل الرشاشات
والصح حاليا ( علشان حرام ترمى رشاشات بالمبلغ ده )
أنك تعمل محاولة التنظيف دى
وتتفق معاهم أنك بتشترط عليهم (قبل دفع المصنعيه )
أنك تاخد شغل تمام ويختبرولك الرشاشات بعد النظافه كمان
ووارد فعلا تاخد نتيجه طيبه بعد النظافه ( نظرا لظروف وحالة
الرشاشات الجديده بتاعتك )
وفعلا أنا عاوزك تعمل التجربه دى
وحتلاقى خير إن شاء الله
وأبقى طمنا برضه بعد التنظيف على النتيجه
اللى أنا حاسس بنجاحها بإذن الله
وححتفظ لنفسى بالتفسيرات الفنيه اللى ملهاش لزمه حاليا علشان الأمور
متوهش معايا ومعاك
على فكره يا أستاذ : رامى
وللزملاء طبعا
يمكن تلاحظ فيه تناقض شويه بين الرأيين بتوعى فى التوبيك ده
بس أنا مقتنع فعلا بالرأيين
لأن لازم نفرق بين الأمور
ومينفعش نعمم الأمور فى كل حاجه
ففيه حالات بتبقى مختلفه زى مشاركتك الحاليه
some interesting facts:
طقم رشاشات الBMW ب200 جنية
طقم رشاشات الدايو الاول عندى اشتغل 61 الف و بعد كدة سيل
طقم رشاشات الدايو التانى (اصلى ب700 جنية ايام الرخص) اشتغل 41 الف و بعد كدة سيل
طقم رشاشات الBMW اللى فى عربية والدى بقالة 3 سنوات و نصف و قطع 28 الف كيلو حتى الان بدون مشاكل
بعد ما اتعلمت الدرس جبت طقم BMW لعربيتى اول ما اشتريتها و الحمد لله بقالة 3 سنوات دلوقتى و قطع 40 الف كيلو حتى الان بدون مشاكل
من الاخر... وفر فلوسك و هات طقم BMW من دلوقتى عشان كدة كدة حتشترية سواء عاجلا او اجلا...الفرق انك لو اجلت الموضوع حتصرف كتير على رشاشاتك الحالية بدون فايدة و حتهدر بنزين كتير و بوجيهات و ممكن تتلف حساس الشكمان وسط الزحمة
MMamdouh
أيه رأيك يا أستاذ : رامى
ناوى تنظف ولا لا
:POINTIy2[2]:
انا كنت مغير رشاشات من 6 شهور تقريبا وحسيت ان اعربيه لما تكون سخنه بتاخر فى الدوارة وساعات فى الصباح الباكر مرة تلقط من اول مرة واحيانا بتاخر
هل فترة 6 شهور ممكن تخلى الرشاشات مش كويسه .........ولا احطها على الجهاز ...وهل الجهاز هايبين الرشاشات سليمه ام لا ؟
وارد وبالذات مع الرشاشات الأستعمال برضهاقتباس:
هل فترة 6 شهور ممكن تخلى الرشاشات مش كويسه
ماهى السخونيه ملهاش دخل بالرشاشات وتسيلهااقتباس:
وحسيت ان اعربيه لما تكون سخنه بتاخر فى الدوارة
آه أنت لو ركنت العربيه بتاع تلت أربع ساعات وجيت تدور وحصل
تأخير فى الدواره يبقى تسييل رشاشات
وكون أنك تواجه صعوبه فى الدواره والعربيه سخنه يبقى أحتمالات تانيه
زى ضعف بوبينا أو زرجنت جلب مارش مثلا
سؤال للمهندس ممدوح
منين اجيب الرشاشات الـ bmw و هل بيكون مكتوب عليها الماركة ولا اعرفها ازاى علشان ميتضحكش عليا
و شكرا
رشاشات الBMW موجودة فى الحرفيين عند اى حد بتاع BMW
http://i83.photobucket.com/albums/j3...tors/rtgsr.jpg
الرشاشات دى فى الاصل هى رشاشات بوش بالتالى حتلاقى عليها علامة بوش و الpart number بتاع الرشاشات اللى تنفع فى اللانوس و النوبيرا هو 0280150715
الرشاش بيبقى لونة ازرق من فوق و جسمة اسود و راسة صفراء و دى صورة ليه و هو جديد نوفى
http://i83.photobucket.com/albums/j3...0280150715.jpg
MMamdouh
ممكن أعرف ايه أعراض تسييل الرشاشات أو مشاكل الرشاشات عموما .. عشان تعم الفايده؟
تاخير فى الدوارة لو سبت العربية مبطلة من نص ساعة الى 4 ساعات تقريبا
الدوارة يصضاحبها برجلة و دخنة سودة لعدة ثوانى
ضعف اداء المحرك
زيادة فى استهلاك البنزين
هباب على البوجيهات بعد الاستخدام مسافات قليلة
MMamdouh
لما تركبهم و تجربهم... مفيش اختبار يوضح مدى كفائة الرشاش الا لو حطيتة على مكنة الالتراسونيك و شوفت معدل التدفق بتاع الرشاش و مدى احكام غلقة و دة مش اقل من 100 جنية غير الوقت بتاع الموضوع دة
MMamdouh
مفيش يا جماعة حد بيعمل الحوار بتاع الألتراسونيك ده في اسكندرية؟
رأيك مظبوط يا استاذ سمير انا هحاول اشوف جهاز تنظيف الرشاشات وهاقولك ايه اللي تم
الحمد الله يا استاذ سمير روحت للراجل اجرب الحهاز ده طلع جهاز حكايه احكيلك ع اللي شوفته بعنيا
الجهاز عبارة عن قطعتين جهاز كبير ومتوصل بيه جهاز صغير الالترا سونيك والحهاز احلي حاجه صناعه ايطالي
اسمه brain bee
الراجل شال الرشاشات وحطهم علي المسطرة بتاعت الجهاز بعد كده الجهاز عمل تيست ع الرشاشات كذه عمليه اول حاجه قاس الفتحات بتاع كل رشاش طلع كل واحد غير التاني بعد كده الحهاز فيه ماده كده والرشاشات متوصله بكهربه الجهاز واشتغلت كأنها في العربيه بالظبط وفي الحهاز كان كل رشاش محطوط ع انبوبه واسعه عليها ارقام علشان تقيس الماده اللي موجوده بالحهاز كأنها بنزين اللي هايرشا الرشاش فمن ضمن العمليات اللي قاه بيها الجهاز ان قعر الانبوبه اتسدت والحهاز قام يشغل الرشاشات بالماده وقعدت الانبوبه تتملي لقيت المفاجاه ان كل مستوي ماده بيرشها كل رشاش مختلف عن التاني ففي كان رشاش بيرش كتير التلاته التانين بيرشوا اقل منه شويه بس كان واحد بس مظبوط بعد كده الحهاز اقعد يعمل شويه حاجات كتير مش فاهمها بس اللي الراجل قالي عليه انه بيعمل تيست التسييل وضغط الرشاشات واالي انا لاحظته في تيست من التيستات ان في حاجه اسمها ايدل اوبريشن ودي كان الرشاش شغال في العربيه بالظبط بعد كده الحهاز قعد يشتعل لمده ساعه كده يشوف شغله ............................ كل ده لسه مدخاناش مرحله التنظيف
الراجل شال الرشاشات بالكهرباء اللي متوصله بيهم وحطهم علي حهاز متوصل بالجهاز الأولاني وشغل الجهاز التنظيف بعد كده شغل أخر مرحله في الحهاز الأولاني وهي الالترا سونك كلينج بعد كده الجهاز التاني اشتغل لمده نص ساعه
وبكده الرشاشات اتنظفت بعد كده الراجل شال الرشاشات وركبها في العربيه وقام بص علي فلتر الهوا كان كله اسود فغيرته
بعد كده الراجل قام حط العربيه علي الاسكنر وظبط العربيه وعمل كل حاجه ريست
الراجل خد مني 100 جنيه
الصراحه حسيت بفرق شاسع العربيه بقت بتسحب سحب جامد اوي وتحس انها مش مكتومه
ياريت تقولي ايه رأيك يا استاذ سمير وياريت تقولي التفسيرات الفنيه اللي مقولتليش عليها
ده شىء طبيعى وأنا متوقعه بالفعلاقتباس:
اول حاجه قاس الفتحات بتاع كل رشاش طلع كل واحد غير التاني
طالما كان فيه رشاش بيسيل عندك ورشاش بيقول ها
وأثنين تانيين الله أعلم بحالتهم
الخطوه دى علشان يقيس معدل التدفق flow rate لكل رشاشاقتباس:
بعد كده الحهاز فيه ماده كده والرشاشات متوصله بكهربه الجهاز واشتغلت كأنها في العربيه بالظبط وفي الحهاز كان كل رشاش محطوط ع انبوبه واسعه عليها ارقام علشان تقيس الماده اللي موجوده بالحهاز كأنها بنزين اللي هايرشا الرشاش
والأنبوبه اللى بتبقى تحت كل رشاش ( شبه أنبوبة الأختبار المدرجه )
بيجمع فيها شويه من السائل اللى بيضخه الرشاش وهو راكب على الجهاز وبعد كده يقسم الكميه دى على الزمن المستقطع فى الضخ
ومن هنا بيعرف الرشاش بيضخ كام جرام سائل فى الثانيه
مجرد حسابات معينه بتتعمل فى ميكانيكا الموائع
لمعرفة معدل التدفق للسوائل أو الموائع
حلواقتباس:
الصراحه حسيت بفرق شاسع العربيه بقت بتسحب سحب جامد اوي وتحس انها مش مكتومه
وهل عملك أختبار تسييل تانى بعد مرحلة النظافه الأخيره ولا لا
ولا الراجل نظف وركب على طول
لأننا مش عارفين برضه ( ضمائر الناس )
سأنتظر على ماتجاوبنى على نجاح كفاءة التنظيف فى الحصول على رشاشات مسيله من عدمهاقتباس:
ياريت تقولي ايه رأيك يا استاذ سمير وياريت تقولي التفسيرات الفنيه اللي مقولتليش عليها
لكى يكون تحليلى وتوقعاتى مبنيه على تجربه ناجحه أو لا
والكوره معاك دلوقتى
وأنت اللى حتحدد
عملية التسييل اللى كانت موجوده عندك
بتاعة واحد بيسيل وواحد بيقول ها
راحت ولا الراجل قلب العمليه
لكى يكون حكمنا عادلا على الأمور
_________________
وكده كده ألف مبروك ليك طبعا طالما الآداء تحسن من جهة السحب ( لأن ده المهم )
فى أى آداء لأى سياره
وياريت تطمنى برضه على أخبار الدواره عندك ( بدور تمام من أول مره ولا فيه مشاكل )
وأبقى برضه أطمن على البوجيهات فيما بعد
وشوف أخبار أستهلاك البنزين ( معقوله ولا لا )
نسيت اقولك اني جربت ادور العربيه بعد 3 ساعت اتأخرت شويه وسيبتها تسخن بعد كده جربيت ادورها بعد 2 ساعتين دارت علي طول بس انا جربت حاجه لما جيت ادورها فتحت الكونتاك 3 ثوان ودورت دارت علي طول لكن لما دورت المرة الأولانيه كنت فاتح الكونتاك 5 ثوان
بص العربيه مغيرلها البوجيهات من 7500 كيلو بالسلوك بتاعتها ومغير سير التقسينه وبليه الشداد وغير سير التكيف وطاره السير علان كانت خشنه
ياريت تطمني يا اشتاذ سمير وده رقمي لو عايز تستفسر عن جاجه تطمنيني 0143950236
طيب ماهو كده كويس برضهاقتباس:
ياريت تطمني يا اشتاذ سمير
والمفروض الراجل كان يطمن على التسييل تانى بعد النظافه اللى تمتاقتباس:
بعد كده جربيت ادورها بعد 2 ساعتين دارت علي طول
لأن أنت مش موضح ده فى كلامك
وطبعا وضع الدواره حيبان مع الأيام
لو كنت مأخدتش بالك من نقطة أعادة التشييك على التسييل بعد النظافه
لأنه ممكن يكون نظف وخلاص
ولو لسه فيه تسييل مثلا وأنت مخدتش بالك أو الراجل عاوز يعمل شغل وخلاص
فكده معملناش حاجه غير تحسين السحب فقط
أما لو كان عمل أختبار تسييل تانى ( بعد النظافه ) كنا أطمنا على نجاح التجربه من عدمه
عموما الأيام حتبين نقطة التسييل تانى
بمتابعة وضع الدواره ووضع أستهلاك البنزين
أما لو دارت معاك على طول وسحب وآداء كويس وبوجيهاتك معقوله فى الحرق ومش مهببه
يبقى التجربه نجحت يالفعل
ومش حنبص على أستهلاك البنزين لو كان زاد عن قبل النظافه
لأن ده حيبقى وضع طبيعى
الراجل معملش اختبار بعد العمليه دي وقالي بعد كل ده هايبقي الرشاشات هتسيل استحاله
لا متصدقوش طالما معملش أختبار تسييل بعد النظافهاقتباس:
وقالي بعد كل ده هايبقي الرشاشات هتسيل استحاله
ألا أما نشوف الأيام حتقول أيه
يهمنى دلوقت أنك تلاحظ مستقبلا
1- دواره طبيعيه
2- بوجيهات بتطلع معقوله بعد الحرق
وكده كده السحب عرفناه
حيتحسن وده شىء طبيعى بعد النظافه
وأنا متابع معاك
لأن الموضوع ده يهمنى برضه ويهم كل زميل معاه عربيه رشاشاتها
لسه جديده
وما أستغلتش كتير أوى زى ماهو عندك بالضبط
لأن حالتك وارده معانا كلنا من مالكى السيارات الجديده
بص الراجل معملش احتبار تسييل بعد كده فقولتله اعمل اختبار تسييل فقالي بعد كل ده وتسيل استحاله
انا عايز ايميلك ده ايميلي
police.2008@hotmail.com
fayad_2004@yahoo.com
الفار بدأ يلعب فى عبىاقتباس:
بص الراجل معملش احتبار تسييل بعد كده فقولتله اعمل اختبار تسييل فقالي بعد كل ده وتسيل استحاله
وخد يا أخى
ده أيميلى
samirayad65@yahoo.com
ودى أرقامى
0128383281
0143933118
فيه أختبار بلدى للبوبينا
لما يحصل معاك قلق فى حريق المكنه وتشك فيها
ممكن تجيب فوطه صفراء مبلوله وتعصرها وتبرد بيها البوبينا
أنظبطت الأحوال يبقى سخونة البوبينا السبب
وبالنسبه للبوبينا وعلشان تقطع الشك باليقين ولا فوطه ولاغيره
ممكن تستلف أو تأجر بوبينا من أى ميكانيكى أو كهربائى لحصر العيب
__________________________
نفترض البوبينا سليمه والرشاشات سليمه
وفيه تأخير دواره أو صعوبه والمكنه سخنه ( بس بدور حلو وهى بارده )
دى علطول معروفه بيبقى عيب فى جلب المارش أو ضعف فى أوتوماتيك المارش بسبب سخونته من جو الغرفه
وطبعا أى شغل فى المارش مينفعش وهو راكب على المكنه
لازم يطلع بره العربيه
وقبل ماتطلعه بره المكنه
ممكن تجرب تدور المكنه بطريقة الزق والرمى على التانى
نفترض المكنه دارت
يبقى تطلع المارش للصيانه وأنت مطمن أن عيب تأخير الدواره والمكنه ساخنه منه هو
شكرا ..............ياباشا
+1اقتباس:
ممكن تقلنا فين مكان الراجل وعنوانه
المهم أنت أتأكدت الأول أن عندك مشكلة دواره بمجرد تبطيلك للمكنه
وأتأكدت أن العيب من المارش ولا لا
زى ما أتفقنا قبل كده
لأن مينفعش نقول العيب من جلب المارش أو الأوتو ماتيك أو توصيلاته الكهربيه مثلا
إلا أما نحصر العيب فى المارش فعلا
طيب حضرتك رأيك أيهاقتباس:
يبقى كدة اكيد العيب فى المارش ولا فى حل تانى
وده عيب أيه ...؟
معذرة استاذ سمير .....طيب ماهو طبيعى اى عربيه عطلانه ساعات بنديها التانى ونزق ويكون العيب مثلا فى البطاريه