الموضوع: يا جماعة عملت حدثة ومشكلة كبيرة جدا - ساعدوني في الحل

يا جماعه معلش انا اسف بس الحق لازم يتقال
انا شايف انو الي غلط لازم يتخمل نتيجه غلطه مهما كانت يعني ايه ذنب الناس انها تتحمل اي حاجه من المصاريف وهيا مش غلطانه يعني ايه انا ادفع فلوس وانزل قيمت العربيه علشان غلط غيري اكيد دا كلام غير منطقي يعني الناس الي بتقول يدفع نص التمن و500 جنيه ومش عارف ايه دا ظلم شديد جدا
ياريت كل واحد يحط نفسه مكان الناس دي وبعدين يكتب رده
واسف لو كلامي قاسي شويه او لو معجبش حد
وربنا يكفينا شر الحوادث

المشاركة الأصلية كتبت بواسطة shnory

يا باشا الراجل معترضش انه يدفع
ولو كانو قالوله تدفع تمن التصليحات كلها كان حيدفعها
كلام الناس معاه انه يدفع تمن الرفرف وهما يتحملوا الباقي
دا كلام صاحبه العربيه ولا كلامه ولا كلامنا
وهو لما لقي الرفرف يعتبر رخيص سالنا ادفع تمنه بس ولا اعمل ايه
الناس راضيين والراجل راضي
احنا بنتناقش معاه وبس
وبنقوله وجهات النظر الصحيحه في الموضوع
وكلنا حاطين نفسنا مكانه ومكان الناس

اوكي انا مقلتش حاجه ولا خصيت حد بالكلام بس المشكله انا ملاحظ انو فيه عدد من الاخوه الاعضاء بيقولوه متدفعش اكتر من 500 والي بيقول هاتله الاكصدام والي بيقول متدفعش مش عارف ايه والناس بتفاصل في حق غيرها انا الي اقصده بس من كل دا انو افضل من الكلام دا الناس تدعي للراجل انو ربنا يفك زنقته ويكفينا شر الحوادث وخلاص والاخ يتكلم مع الناس ويشوف ايه الي هما عايزينه ولو حتي تمسكو بحقهم يبقا لازم يعمل كدا ويرجعلهم حقهم لانو دا يعتبر دين لاكن مش كل الناس مسكت في حكايه اكصدام وخلاص
وربنا يرزقه ويعوضه عن الي حصل ويعدي الموضوع علي خير واتمني ميكونش في حد اتدايق من كلامي

يا جماعة تقريبا الموضوع اتحل والحمد لله
وغلطة ولازم كلنا نستفاد منها وخصوصا أنا
مفيش والله اسهل من الصح

خلاصة الموضوع انهم ودوها التوكيل وعملوا لعبة مع التوكيل لان ليهم حد قريبهم أومعرفة قوية داخل التوكيل والفاتورة طلعت 1800 ج
(مش عارف ازاي بصراحة)

الست صاحبة العربية طلبت مني نصهم قلتها ده مش مقدرتي وده مش اتفاقنا
قلتلي طيب ايه المطلوب قلتلها ادفع تمنه استيراد اللي هو 500 ج وابعتي معايا السواق ننزل الحرفيين نسال عليه ولو عايزاه نجيبه
قعدت تقولي مستحيل انا عمري ما دخلت التوكيل ولقيت فاتورة ب 500ج قلتها علشان ده التوكيل

فالاخر قالتلي طيب والتركيب
رحت متصل بالعقيد خالد (ربنا يكرمه ) وقتله يكلف كام تركيب قالي ليك انت ب 50 ج والغريب اعلى من كده شوية قلتلهم انا هحسبه ب 100ج
يبقى الاجمالي 600 ج قالتلي طيب شوف عايز تدفعهم ازاي قسط ولا كاش ومعايا قسط لحد 3 شهور

قلتلها ان شاء الله اول الشهر القادم هدفع نصهم او القيمة كاملة
وافقو والموضوع انتهى على كده والحمد لله

حاجة أخيرة عايز اقولها
في ناس دخلت وهاجمتني بشدة على تصرفي وانا في اول الموضوع اعترفت اني غلطان 100% وما اقدرش الوم حد غير نفسي
طيب ليه الهجوم القوي ده ؟
انا داخل اكتب في المنتدى لسببين
الاول : اني مكنتش عارف افكر ولا اركز وعايز رأيكم خصوصا ان كلنا والحمد لله ملاك عربيات من كل الفئات
ثانيا : اني اتعلم واعلم غيري من خطأي

انا عارف ان من حق صاحبة العربية انها تصلح في التوكيل وعلى حسابي
بس بالوضع العام اللي احنا فيه في بلدنا لازم اي عربية حتى لو كارو يتأمن عليها
يعني ماينفعش واحدة ماشية في الشارع بعربية تمنها 150 الف ومن غير تأمين كأنها ماشية بقنبلة ممكن تنفجر فيها وفي الناس اللي حواليها ساعتها من سكات لازم ادفع نسبة التحمل بتاعتها وانا ساكت وهتتصلح برضه في التوكيل ولو افترضنها انها كانت مأمنة كانت التكلفة هتوصل لحد 6000 ج مثلا يبقى نسبتي 600 ج مثلا هيبقى الكلام منتهى ومن غير حوارات ووجع قلب

خلاصة الكلام ارجو من الناس قبل ما تهاجم تقرأ كويس الكلام المكتوب