الموضوع: يا جماعة عملت حدثة ومشكلة كبيرة جدا - ساعدوني في الحل

حاول تتفاهم معاهم و تقولهم الى تقدر تعملو موقفك صعب بس ان شاء الله هيعدى انت راجل محترم و باين انهم ناس محترمين و ان شاء الله خير

المشاركة الأصلية كتبت بواسطة أبو صلاح

بصو يا جماعة علشان بجد مش عايز احس بالذنب

الناس دي لما اتفقت معايا على الرفرف بسعره الاستيراد
وانا اتصلت بالراجل ده


وقالي موجود وسعره 500ج
وبعد لما قلي السعر حاكيتله الحكاية كلها قالي ماشي وتعالى وهات الناس معاك

ولما كلمت صاحبة العربية من شوية قالتلي مبدايا التوكيل بيتكلم في 4000 ج مبدأيا

هل ينفع اقلهم ان المطلوب مني 500ج ؟
ولو طلبوا الرفرف اروح اشتريه ليهم وخلص الموضوع على كده ؟

المشاركة الأصلية كتبت بواسطة أبو إياد

بص يا ابو صلاح الناس قالت انها هاتعمل الشغل فى التوكيل
وهما باردو قالوا هاياخدوا تمن الرفرف استيراد منك (كتر خيرهم)

زى ما هما تكرموا وقالولك تكلفه التوكيل ياريت تسالهم هو سعره كام استيراد وهنا هاتبان النوايا وتريح نفسك
انا حاسس باللى انت فيه ونفسك على الاقل تعرف الامور هاتمشى ازاى

أولا : ألف سلامة عليك يا أبو صلاح أنا مش عارف كنا حنعمل إيه في المنتدى من غيرك لو كان حصلك حاجة !!!


ثانيا : متفق تماما فيما يختص بحديث رسول الله من أفسد شيئ فعليه إصلاحه

ثالثا : الناس دي من حقها تصلح في التوكيل , دي بي ام , حرفيين إيه أنت بتهزر ؟؟؟


رابعا : أنت مش المفروض تحاسب التوكيل (مع إحترامي لثانيا) لإن الناس دي أكيد مأمنه و علشان كده راحوا التوكيل على طول ومستنوش ياخدوا منك حاجة , مش كرم أخلاق , إنما هما كده كده مش دافعين !


خامسا : كده ينتفي موضوع إصلاح الإفساد , يتبقى بقه ما عليك تعمله

أنت عارف إن اللي بيعمل حادثه بيدفع بوليصة أغلى السنة اللي بعدها , والفرق بين البوليصة الأصلية و البوليصة الجديدة هو مقدار الإفساد اللي سببته ليهم و عليه , فأنت اللي المفروض تدفع الفرق

وتدفع كمان مقدار تحمل صاحب العربية إن وجد


ده رأيي الخاص

إنما يا جماعة لو مثلا واحد راكب 126 وبيكمل الشهر فول بالغلة وخبط إنفينيتي ثمن فانوسها هو تمن شقته وشبكة مراته مجتمعين , هل المفروض يصلح ما أفسده ؟؟؟ طيب هو إيه اللي خالى صاحب الإنفينيتي يجيب عربية زي دي في الدولة رقم واحد في العالم في حوادث السير وما يأمنش عليها علشان يجنب الغلابة تكاليف لا قبل لهم بها وهو يعلم أن الحادثة واقعة لا محالة ؟؟؟؟

اما بقه لو المأمن طلب نفس المبلغ اللي حيدفعه التأمين في التصليح , فده يبقى حرامي وبيتكسب من تخبيط الناس لعربيته وساعتها سيبه يخبط دماغه في الحيط , زي بالظبط اللي بيرمي نفسه على عربيات الناس عمدا علشان يراضوه بقرشين


والله أعلم


نسيت أقولك إن عملت الغلطة رقم 14 في السواقة المصرية
اللي وضحناها هنا

http://www.nilemotors.net/Nile/146516-a.html

اللي هي دي


[flash=http://higraph.freeoda.com/14.swf]WIDTH=550 HEIGHT=200[/flash]

ابو رقية حبيبي

فعلا انا لأول مرة في حياتي اعمل الحركة دي والحمد لله إنها جت على قد كده

ثانيا وللأسف الشديد الست صاحبة العربية بتقول انها مش مأمنة على العربية

المشاركة الأصلية كتبت بواسطة أبو صلاح

ابو رقية حبيبي

فعلا انا لأول مرة في حياتي اعمل الحركة دي والحمد لله إنها جت على قد كده

ثانيا وللأسف الشديد الست صاحبة العربية بتقول انها مش مأمنة على العربية

بي ام الفئة الخامسة ماشية في شوارع القاهرة مش متأمن عليها ؟؟؟؟ (تكافلي حتى إن كان ليها وجهة نظري الدينية في التأمين؟؟ )

دفعت 550 ألف جنيه و استخسرت تدفع 15 ألف جنيه تأمين ؟؟

الحمد لله انها جات على اد كدة علشان انتا راجل محترم
اهم حاجة انك تكلمها بالراحة وبالعقل
وتحاول تتفاوض معاها وتبين حسن النية
وان شاء الله توصل لحرل يرضيك