انا متأسف على العكننة ، بس حنعمل ايه ده واقع عايشنه ، وليس أمامنا الى الصبر والتسليم لله
ويا ريت علشان ربنا يكرمك تدعي لي إن ربنا يخدها هي ويخلي لي أبني أحسن ، كده يبقى كتر خيرك وجزاك الله خيرا
عرض للطباعة
تحياتى سيدى الفاضل
أنا بس معترض على رأى حضرتك " أن وفاة الابن يعد " عقاب " أنما هو وديعة استودعهم اياها الله ثم استرد وديعته والاعمار كلها بيد الله فهل كان وفاة الغلام على يد سيدنا الخضر يعد عقابا لأهله ؟؟
أما الاستاذ صاحب المشكلة فربنا يبارك فى ابن حضرتك و يعطيه الصحة والعافية
يا ساتر ياساتر اهدأ بس يا باشا وكل الامور تتحل ان شاء الله أرجو التوجة الى احد المتخصصين فى الاستشارات الزوجية أو أحد الائمة المشهود لهم بالكفاءة و أعرض عليهم المشكلة بتفاصيلها للوصول ألى افضل حل
إنما عرضها فى المنتدى سيتطلب نشر تفاصيل عافانا الله واياك من مساوىء نشرها
بلاش تدعي عليها
ومتنساش انها هيا السبب في وجود ابنك ده
وانا اتعكننت لاني حاسس بيك ومفيش حاجه تدعوا للاسف
انتا راجل متجوز ليك 15 سنه
متعرفش هيا ايه نقطة ضعفها او المدخل الي ممكن تدخلها منه؟؟؟
حاول وحاول وحاول ومتياسش
خلي هدفك بدل الدعا عليها
انك توجهها لربنا و تكسب ثوابها و تدخل فيها الجنه
كده انتا هدفك نبيل
حاول مره وعشره ومية والف
دي مراتك ام ابنك الي برضه ليها حسنات وفضل عليك
بس غضبك يمكن عاميك شويه انك تشوف الكويس الي فيها
انتي ادراي واحد بطبع مراتك وانتا الي تقدر بعون الله وباذنه انك تقومها
A.Yakout
أستاذ هاني أنا متشكر جدا على دعاءك لأبني الوحيد وشعورك الطيب
كمان الاستاذ nabaster أعتقد أنه لم يقصد طلب الموت لأبني لكي ينصلح حال زوجتي ، هو مجرد يسرد حادثة يعلمها
في كل الاحوال أنا متشكر على مواساتكم لي ، مع أني فقدت الاحساس بالمشكلة من فترة وإظهار اتعودت على كده وربنا يفرجها من عنده
المشكلة كانت من البداية هي اختلاف طباع وتربية واتجاهات وأمور كثيرة ، لا أنكر انني تحت مسمى الحب ، والحب يصنع المعجزات ، والبنت في بيت ابوها حاجة ولما تتجوز هتبقى حاجة تانية / وواحدة لما تتعود على طباع بعد ، كل هذا كان السبب في أنني وضعت رأسي في الرمال وقررت أن اعوم ضد التيار ، وأدي النتيجة ، علشان كده أنا بنصح غيري بأنه يكون الانسانة التي يختارها من نفس المياة والعجنية التي هو منها ، فعصر المعجزات إنتهى
بالنسبة لموضوع المتخصص في المشاكل الزوجية أو الطبيب النفسي غير وارد لأني زوجتي مصرة أن المشكلة عندي أنا ، وأني اللى عكس الناس ، يعني خليتها تلبس حجاب غصب عنها ، بطلت تنزل حمام السباحة ، مع أن هذا - في رأيها - أمر عادي وكل الناس بتعمله ، بس أنا اللى متخلف.
كمان بالنسبة للتفاصيل لا تخف لن يتطرق الموضوع للمزيد من الاسرار ، فهو كله مجرد كلام عام للعظة والتعلم
انا مش عارف اقولك ايه بس بدعي ربنا يكرمك ويهدي زوجتك ... انا صاحب الموضوع ولما قرأت الحالة بتاعتك بحمد ربي وبقول الحمدلله اني مكملتش ودست على قلبي وفكرت بشكل عقلاني جدا وقلت ان شاء الله ربنا هيعوضني خير طالما انا نيتي خير وحلال ان شاء الله .
اما انت ادعي ربك لزوجتك بالاصلاح وداوم على التوبة والاستغفار وان شاء الله ربنا هيكرمك
وبعدين انا لاحظت ان انتسابك للمنتدى كان النهاردة بجد سبحان الله انك اول ما انتسبت قلبنا عليك المواجع بس ممكن نكون سبب من عند الله اننا ندعي معاك بأن ينصلح حال زوجتك وتكون نعم الزوجة ليك
وبجد انت منورنا ومشرفنا في المنتدى وأخ جديد وعزيز ان شاء الله
طيب بعيدا المشكلة بتاعتي أنا عاوز أقول حاجة مهمة
وهي
ما شاء الله على المنتدي
انا لا أتخيل أن كل هذا يحصل في أول يوم مشاركة لي
فأنا أشعر بأني أعرفكم من زمان
ولم أجد مثل هذا الشعور الطيب في كثير من المنتديات التى اشارك فيها
أنا حاسس إن ربنا بعتكم لي من السماء علشان نبقى أصدقاء " اوون لاين"
أنا مش عارف اقول ايه تاني
شكرا على كل هذا الحب والاحترام في تبادل الاراء