أشكر حضرتك على النصيحة وفعلا ده في أغلب الوقت اللي بعملو اني اشوف ازاي الاب بيتعامل في بيتو وازاي الزوجة بتحترم زوجة وفيه ما بينهم تفاهم واحترام متبادل وكيفية احترام الابناء للوالدين لأن ده كلو نواه لما سيكون في المستقبل
عرض للطباعة
بص انا مش حطول عليك
لكن حقولك جملة واحدة و اتمنى انك تراعيها المرة الجاية ان شاء الله
"فاظفر بذات الدين تربت يداك "
خير ما فعلت
أنا شايف إن حضرتك مكبر الموضوع بصورة كبيرة قوي ....
لأنل هقولك رأي ..
رأي إن إنت لو لقيت بنت كويسة بتحبك و تخاف عليك و فى نفس الوقت بنت ناس إتمسك بيها ... بقيت الحاجات ممكن تتحل ...
موضوع الحجاب و اللبس ... ممكن يتغير لأن واضح إنها فى الأول كانت رافضة و بعد كده قلتلك هفكر و أشوف .. و بعد كده لما إتخانقت معاها على اللبس قالت هلبسلك إللى إنت عايزه ... يعنى شكل الموضوع فى دماغها ..
فلو إنت أخدتها واحدة واحدة هتلاقيها إتغيرت ... لأن دى حاجات سهل و ممكن تتغير ... مش صعبة ...
الفيس بوك ... ما أنا فى بنات بيكتبولى عليه و Miss u ya seif و كلام كده ... عادى بردوا ... طبيعى حد يكتبلك كده ..
و تلاقى الرخمة إللى مش طايقها كتبالك كلام غلس زيها ... و واحدة لطيفة ... ده .... ... يعنى مش ده الموضوع إللى تدقق عليه .. و على فكرة .. بعد الجواز كل الولاد دول بيكشوا و محدش بيكتب حاجة ... و بتكون العلاقة شبة مقطوعة ... خصوصا إنها فيس بوك مش صداقة حقيقية ...
متظلمهاش و متدققش على كلام سورى يعنى فاضي :B4_592: ... فكر تانى
شيشة و سجاير ؟؟؟ ده موجود فى كل حته و فى أى كافيه و بيكون غالى و نضيف و محترم ... أصحابها بيشربوا شيشة ... و هى قالتلك معناها إنها مضايقة من الموضوع ده و مش مرتاحة ... يعنى لو فرضنا إن ده مضايقها يبقى حاجة إيجابية ... مش ده موضوع فساد الأخلاق يعنى ... مش لازم مكان فى شيشة يبقى غرزة ...
و بعد كده البنت مش بتشرب ... كل ما فى الموضوع بيقعدوا مع بعض سواء بقى كان عيد ميلاد فى كافيه فى ولاد بينزلوا شيشة و بيشربوا سجاير ... و هى قالتلك عليه معناها إنها مش مبسوطة .. خلاص بقى أنا مش شايف مشكلة ...
نصيحة منى ليك ... ركز فى الحاجات التانية ... السمات الشخصية .. متكنش بتكدب .. متكنش بتاكل حق حد ... أمينة ... لسانها مش طويل ... الحاجات المهمة دى ... عشان متكونش قمة فى التدين و تسم بدنك كل يوم بكلام يجيبلك الضغط و السكر ....
إديها فرصة تانية ... و بص من زاوية تانية
انت ما بتفوتش حاجة ابدا :F_eyeb1[1]:
ده انت مش عقدت الراجل وبس
ده انت عقدتنى انا شخصيا
ههههههههههههههههههههههه
بهزر طبعا
لما تختار اختار الزوجة اللى طباعها تتوافق مع شخصيتك
وما تحطش امل على انك هتشكلها زى ما انت عاوز
لان ده هيخلق مشاكل كتير بينكم اكتر مما تتخيل وبرده مش هتتغير
انا ما قولتش انها وحشة بس هى اكيد هتلاقى الشخص المناسب ليها واللى يحب تكون زوجتك بالمواصفات دى
وانت ان شاء الله تلاقى اللى تناسبك من البداية من غير اعادة هيكلة
اسمحلى اتدخل فى هذا الموضوع واقولك انك طالما سالت ناس فى المنتدى على رايهم فى مسائل حساسة زى اللبس والصداقة مع اولاد فاكيد انت واثق ان اغلب الردود هاتؤيد موقفك برفض الزواج
واعتقد ان ده معناه انك اخدت القرار بالفعل ولكن محتاج لدعم نفسى علشان فى المستقبل ماتحسش انك ظلمتها
طالما الموضوع بالشكل ده يبقى اكيد تسيبها دلوقتى افضل
انت باذن الله تلاقى المحجبة المحترمة اللى ملهاش صداقات مع اولاد وهى تلاقى الانسان اللى يحترم تحررها ومايحسسهاش انها بتعمل حاجة غلط لانه اكيد هايبقى مقتنع بيها وعايزها زى ماهى
وربنا يوفقك فى حياتك القادمة