الموضوع: تعاطفوا مع عز

يا جماعة بالراحة على م/خلف .. هو طبيعى يدافع لانه مقتنع أنه كويس ولو حاسس انه مش كويس كان دور على شغلانة تانية .... مثلاً

ثانيا : التوجة الاستراتيجى للمجموعة والتهيئة النفسية للعاملين ناجحة جدا عند عز لدرجة انهم اقتعوا ان الراجل دة عندة كاريزما وهو لا كاريزمى ولا حاجة ...

وبعدين .. قالوا لفرعون ايه فرعنك قالهم أيه ... ملقيتش حد يلمنى

بس خلاص ....

طالما انتم سئلتم فأنا لازم اجاوب
1- بالنسبة لمدخلات الأنتاج فهى كذا حاجة من مواد كميائية مساعدة فى تنقية الحديد ومواد تساعد على الوصول على درجة معينة من الحديد وكلهم مصرى وجزء ضئيل مستورد ومفيهمشى مشكلة وبالذات الحجر الجيرى لأننا عند مصنع لية وبشاى كمان عندة واحد.
2- بالنسبة للحديد نفسة فبيتكون من Dri - Hbi- خردة ,وتنقسم إلى خردة خفيفة -محلى- وخردة متوسطة - جزء منها محلى - وخردة تقيلة ودية مستوردة.
أهم جزء من المادة الخام هى Dri وعز معندوشى مصنع Dri غير بتاع الدخيلة وعندنا فى السخنة لسة مشروع مصنع Dri فى طور النمو - العنصر دة مهم جدا ومعظم مصانع الحديد لما بتوقف الأنتاج بيكون هوة سببة - أحنا وقفنا كذا مرة علشان موضوع Dri دة - بـــــــــشــــــــــــــ ــــــاى بيبنى دلوقتى مصنع Dri ماهول يوصل حجمة إلى 2 مليون طن سنويا والمدنى خلص دلوقتى وكلها سنة أو أتنين ويبداء انتاج ودة عامل أستراتيجى مهم جدا لضمان الأنتاج والسعر المنافس.
الخردة فيها مشاكل كتير لأن الخردة المصرى إى كلام والمستوردة أحسن بس لو تعرف تيجيبها وكذا مرة بشاى وعز يقف أنتاجهم بسسب الخردة دية والشاطر إللى يعرف يظبط نفسة قبل التانى - لأن منحنى الخردة قل خالص فى العالم ودية بتحصل كل 5 سنيين - بمعنى أن يجى يوم الخردة تبقى مغرقة العالم فكل المصانع تشتريها وتحولها إى منتج نهائى لحد ما تقل خالص ترجع الدائرة من جديد كل إلى أتصنع يبداء فى نهاية العمر وتتحول خردة تانى وتزيد الخردة وهية دية دورة حياة الخردة وبتكرر حوالى كل 5 سنيين ولما تكون قليلة السعر يبقى فى السما ولما تكون كتيرة السعر يبقى فى الأرض.
الناس كلها حطة عز فى مخها مع أن فى ناس تانية تقيلة فى السوق غير عز وتسليم مصنعهم أزيد من عز بس هما مش بتوع بروباجاندا زى عز - أم الأعلانات إللى شغالة تشريد بالأونطة وخلاص حاجة تخنق- بشاى عمرة ما عمل أعلانات غير مرة واحدة من 3 سنيين وفى رمضان بس وكذالك العتال أنما عز عمال على بطال.
صدقونى إللى فى الأعلان دة كلة أونطة - الدنيا عندنا مش لوز أوى زى ما اناس شايفة وأنا شغال فى حديد عز وغيرة - هو فعلا أحسن من ناس كتيرة وإولهم بشاى بس فى شركات تانية محدش يعرف عنها حاجة والناس إللى فيها أحسن مننا بمراحل- بس على إى حال الحمد لله.
3- هوة فعلا الحديد غالى فى مصر بس مش للدرجة إللى الناس متخيلاها وفى ناس كتيرة مسئولة مش عز لوحدة هو إللى مسئول وهو دة إللى أنا بقولة