حد شاف إعلان حديد عز؟
بعد ما أسعار الحديد بقت فى النازل حتى انه بقى أرخص من السبانخ*
حديد عز مش هامو كل ده بس طالب طلب صغير انكم تساعدوه عشان يوصل للعالمية
هاتساعدوه؟
و المفروض كمان أبوتريكة لما يجيب جون يرفع تى شيرت مكتوب عليه (تعاطفنا مع عز)
عرض للطباعة
حد شاف إعلان حديد عز؟
بعد ما أسعار الحديد بقت فى النازل حتى انه بقى أرخص من السبانخ*
حديد عز مش هامو كل ده بس طالب طلب صغير انكم تساعدوه عشان يوصل للعالمية
هاتساعدوه؟
و المفروض كمان أبوتريكة لما يجيب جون يرفع تى شيرت مكتوب عليه (تعاطفنا مع عز)
سؤال برىء هو بيعمل ليه اعلانات
هو الحديد ده سعله استهلاكيه علشان يتعملها اعلانات
هو الحديد رخص ولا بيضحكوا علينا دا أنا زوج عمتى سأل عليه من أسبوع كان بـ 4100 جنيه
أرجو التأكد من صحة الخبر ياجماعة
خبر انخفاض سعر الحديد
يا جماعة بما أنى عضو فى مجموعة عز الصناعية واحب أقول أن العلانات دية شر لأبد منة ولازم يعملة لأن دلوقتى احنا فى منعطف الطريق و to be or not to be والتفاصيل مش هقدر أقول عليها بس بالنسبة للمجموعة السنتين القادمين هيفرقوا جامد قوى لو أتلعبوا صح وربنا ييسر الحال
لأطبع مارخصش ولا حاجة بس هما عايزين يوهموا الناس بيهم بكتر الدعايه و أكيد كتر الأعلانات ده سبب أرتفاع أسعار الحديد
الحديد 4700 جنيه:(
يا باشمهندس خلاف كلنا عارفين إن عز هايبيع للشركة الهندية...زي ما ساويرس عمل في الأسمنت
لو سمحت يا بشمهندس؟أنت معانا ولا مع التاتيين؟
يعني أنت بتحب أحمد عز ولا بتكرهه؟
ورايك سعر الحديد كدة طبيعي؟
والسنتين الي جايين هتفرق مع عز بس ولا معاكم كلكم؟يعني بيظبط مرتباتكم يعني ولا اية؟
وأنت بتاخد كام في الشهر؟
***********************
"تم حذف هذا الجزء لتعارضه مع قواعد وقوانين المنتدى-الإدارة"
ده اعلانتهم متخلفه قوي ...نقصلنا شويه اد كده ونبقي اقوي شركه في الوطن العربي ....مش فاهم هو عايز ايه.يعني نلم تبرعات ونروح نشتري حديد ...او نطالب بزيادة الاسعار لوضع شركة عز المصريه في المقدمه....ربنا يخده
..برده زي الاعلان بتاعه اللي بيجيب دكتور ومدرب وشوية حجات كده ...وبرده مبفهمش هو عايز ايه
بالراحة شوية يا أستاذ أوتو :)
المهندس خلف ... طول عمره معانا
كمان إنت شكلك ماصدقت لقيت حد من عز تقوله كل اللى جواك :D
كلنا شايلييين بجد من الشركة دى ........ لكن العتب على اللى سمحلها توصل للمرحلة دى .... و طبعاً إنتوا عارفين مين ;)
الراجل مهما راح أو جه برضه تاجر عاوز يكسب و مش هيشبع و لو أخد فلوس البلد كلها ..... و أكيد مش هيقول لأ حرااااام دول غلابة المصريين دول ..... :cool:
طب ايه رايكو نستورد حديد من الصين اكيد حيبقي رخيص
ولا انت مش معايا يا محمد يا خلف :):):)
مين الى رخص
النهارده فى الشركه كانو بيقولوا وصل 5200
سعر الحديد وصل حتى الان 5100 :(:(:(
وقريباً لن يستطيع شراءه حتى الاغنياء لان في اشاعة انوا يوصل ارقام فلكية :eek::eek::eek:
بس اللي هيهدي تمنه الشركة الهندية اللي هتعمل مصنع حديد في السويس بس بعد 3 سنين :D:D:D
حديد التسليح غلى تانى من اول فبراير و اصبح ب 4700-4800 لعز و 4600-4650 لبشاى و العتال
مع العلم ان التجار الكبار معطشين السوق جدا و مفيش غير حديد 8 مللى عز بس
و الاقطار الاخرى بشاى و العتال مفيش عز
مع العلم ان الحديد بيخرج من المصنع للتاجر الكبير ب 4170 لعز و 4300 لبشاى و العتال
يضاف الية 5% ضريبة مبيعات و النولون و هامش ربح التاجر الكبير ثم الموزع
انا لسة شارية اول الاسبوع بالاسعار دى
وهو هيستمر بالاسعار دى لاخر الشهر و بعدين يعلى تانى
عز يتعاطف معانا .. الحديد وصل 4700 و عم عز متربع علي عرش القمه ... و النبي يا عم عز .. اتبرعلي و لو بسيخين .. اتبرعلي باللي تقدر عليه (تحت شعار : عاوز اتجوز يا عم عز) هههه
الموضوع بسيط قوى ... اعلانات عز الكتيرة ايام البطولة الافريقية و التمسح فى المنتخب القومى عشان يستغل مشاعر الناس
فى الدعاية لنفسه و اكتساب شعبية على حس الكورة .. الموضوع مش بس حديد .. ده راجل داخل جامد فى السياسة و طموحه فوق قوى !!!
يا جماعة من غير هجوم - الراجل دة فاتح بيوت أكتر من 7000 فرد يعنى حوالى 30 إلف واحد بيكلة من وراة.
شريف قال الخلاصة - مداخلة شريف كلها صحيحة بس أحب أوضح
بما أنى أشتغلت فى أكبر شركات الحديد فى مصر وهما بشاى ثم عز فأحب أقول أن سعر الحدي عالى دلوقتى لأنخفاض الخردة ودية مشكلة يتحصل كل 5 سنيين يعنى الكريف بيعلى ويوطى كل 5 سنيين
حديد عز عندنا تسليم مصنع 4170 وحديد عز مش موجود فى السوق لأننا مش ملاحقين على الطلبيات سؤاء تصدير أو محلى - بشاى والعتال كلهم محلى ما عدا بعض الطلبيات الخاصة لبشاى لبعض الدول العربية
من الأخر التاجر هو إللى بيعلى السعر على الأخر وزى ما أنتم شايفين بشاى إعلى من عز فى السعر - وعلى الرغم من كدة محدش بتكلم غير على أحمد عز
معلومة مصنع بشاى أكبر من مصنع عز وبشاى يا جماعة بيكبر فى الخفا وتوسعاتة لسة شغالة لحد دلوقتى ةحدش حاسس بية خالص لأنة راجل مش بتاع بروبجندا زى عز - صدقونى الحوت القادم فى الحديد فى مصر هوة بشاى لو العز مطورشى نفسة ودة هو المرحلة القادمة لينا فى مصر واخارج وربنا يسهل وكلنا مركزين فى كدة
موضوع بيع المصانع لشركر أرسيلور ميتال دية أشاعة وصعب جدا - لأننا لينا توسعات كبيرة جدا فى مناطق تانية ويا مسهل- بس حتى الشركة دية لو أشتريت عز ودة صعب أية المشكلة ما كل شركات الأسمنت أشترتها شركات عالمية.
سعر الحديد من الأخر لا يعبر إلا عن جشع التجار والدليل أن أحمد عز مش ملاحق على السوق وكمان لأول مرة حديد عز يخرج من المصنع أقل من بشاى طول عمرى وأنا فى بشاى وحتى لما رحت عز تمن الحديد بتاع عز أغلى حوالى 150-200 جنية لكن دلوقتى العكس هوة إللى حادث
فعلا عز فاتح بيوت 7000 واحد وعلشان كده ممكن نعديله بهدله 70 مليون
فى ظنى لو مكانش له اتصالاته الرهيبة كان لا يمكن يحصل الهبل ده فى سعر الحديد
الحديد سنة 2000 الطن كان ب 1100 جنيه تقريبا وكانت الناس بتلطم من السعر ده
بصوا شوفوا الإمارات عملت إيه فى اللى بيحتكروا السلع ويولعوا الأسعار
واحنا هنا ماشيين بقاعدة "التسيير ولا التخيير"
بس يا محمد ده مش منطق أبدا إن عشان أفتح بييت 7000 فرد
أخرب بيوت نص الشعب !!!
و ماتقوليش جشع التجار لأن إنت نفسك قولت بيخرج من المصنع ب 4170 جنيه !!!
طب هو ده سعر رخيص ؟؟
عشان نكون موضوعيين قبل جشع التجار جشع الصناع
لما الناس إتكلمت عن إحتكار الأسمنت و الحديد - النائب العام إستدعى كل أصحاب مصانع الأسمنت
لكن محدش جاب سيرت الحديد !!!!
الله ينور عليك يا ميدو
انا والدي مقاول وسمعت من كذا سنه لما الحديد كان اقل من الف جنيه وعز كان ضارب الاسعار علشان الدخيله يفلس ويشتريه ده كانت ضربه معلم وبعدين بقي هو بوحده واتفرض رسوم جديده علي الحديد السعودي وبقي كده عز لوحده يعني هو واللي معاه مجموعه عز وكلنا عارفين ده فلوس مين وعز ده كان شغال ايه وده سياسه وانتم عارفين الباقي
قال رسول الله (ص) (( انما اهللك من كان قبلكم انهم اذا سرق فيهم الشريف تركوه واذا سرق فيهم الضعيف اقامو عليه الحد )) (( والله لوان فاطمة بنت محمد سرقت لقطعت يدها ))
بس خلاص
فعلا مش عشان افتح بيت 7 الالاف ولا 70 الف اخرب اقتصاد بلد
انتم مش مستوعبين اسعار الشقق بقت بكام وفين
انا شقتي جابتلي 3 اضعاف ونص ما كنت مشتريها في 2002
ولو فكرت اخد غير انسى هافضل محلك سر
فين لجنة الاحتكار اللي هبت في وش صناع الاسمنت
اشمعنى الحديد
ازاي هاتم اي بنية تحتية من غير حديد تسليح
الله يكون في عون اللي لسه ماشتراش شقة
وحسبي الله ونعم الوكيل في كل من اراد بهذا الشعب سوء
و في عون اللي عاوز يبني .. و في عون المقاولين اللي وقف حالهم .. و في عون العماله الغلابه اللي شغالين باليوميه .. و في عون اصحاب المعدات اللي وقف حالهم .. و في عون التجار الصغيرين .. و في عون الشعب الي نتيجه عجز الشقق بقي يدفع ايجارات مضاعفه .. و في عون الموظفين اللي مش لاقيين شقق من اصله ... و في عون اللي عاوزين يتجوزوا زي حالاتي ( الحمد لله انا عندي شقتي هههه) .. و في عون الشعب المصري جميعاً ....
يا باشا كله يهون عشان خاطر اخوتنا ال 7000 اللي اونكل عز فاتح بيوتهم ;)
انا مقتدر و انت مقتدر و الشعب المصري مقتدر .. اخوتنا ال 7000 مش مقتدرين ياعم .. اهه كله حسنه و السلام .. هيا يعني جت علي الكام مليون اللي الواحد هايبني بيهم البرج .. اعتبرها حسنه لله و كمل
بس خلاص
ههههه
Johnny X
هو اشترى شركة حديد الدخليه بتاعة القطاع العام -بتاعة الشعب يعنى - برخيص قوى و غيرها يعنى ا لعمالة ديه كانت شغالة يعنى قبل كده مش هو اللى فتح بيوت !!
عز و صعوده السريع من راجل محدش يعرفة ليصبح اقوى واحد فى الحزب - بفلوسه - وواضح
طموحه مالوش حد .. شكله بيرتب نفسه يبقى الجل الثانى فى العهد القادم - و الرجل الاول من وراء الستار - و لو حظه ضرب يبقى الرجل الاول ... و عيالنا يرددوا فى طابور الصباح : تحيا
جمهورية مصر الحديدية !!
الحمد لله ان ماتور العربية وحاجات الاساسية بتتصنع بره
كنا دلوقتي لاقينا الفيرنا ب اكتر من 100 الف جنية وغبرو هيقولك
اصل الحديد غيلي اللي بنصنع بيه الماتور والعربية واحنا بناخده من عز
:D:D
ويظل قانون حماية الإحتكار وحماية المحتكرين .سيد الموقف.
وقد ورد في ذم الاحتكار احاديث:
حديث عمر مرفوعا " من احتكر على المسلمين طعامهم ضربه الله بالجذام والافلاس " رواه ابن ماجة واسناده حسن،
وعنه مرفوعا قال " الجالب مرزوق والمحتكر ملعون " اخرجه ابن ماجة والحاكم
وعن ابن عمر مرفوعا " من احتكر طماعا اربعين ليلة فقد برئ من الله وبرئ منه " اخرجه احمد والحاكم
وعن ابي هريرة مرفوعا " من احتكر حكرة يريد ان يغالي بها على المسلمين فهو خاطئ " اخرجه الحاكم
عَنْ يَحْيَى، قَالَ كَانَ سَعِيدُ بْنُ لْمُسَيَّبِ يُحَدِّثُ اَنَّ مَعْمَرًا، قَالَ قَالَ رَسُولُ اللَّهِ صلى الله عليه وسلم " مَنِ احْتَكَرَ فَهُوَ خَاطِئٌ " رواه مسلم
عَنْ فَرُّوخَ، مَوْلَى عُثْمَانَ اَنَّ عُمَرَ، رَضِيَ اللَّهُ عَنْهُ وَهُوَ يَوْمَئِذٍ اَمِيرُ الْمُؤْمِنِينَ خَرَجَ اِلَى الْمَسْجِدِ فَرَاَى طَعَامًا مَنْثُورًا فَقَالَ مَا هَذَا الطَّعَامُ فَقَالُوا طَعَامٌ جُلِبَ اِلَيْنَا قَالَ بَارَكَ اللَّهُ فِيهِ وَفِيمَنْ جَلَبَهُ قِيلَ يَا اَمِيرَ الْمُؤْمِنِينَ فَاِنَّهُ قَدْ احْتُكِرَ قَالَ وَمَنْ احْتَكَرَهُ قَالُوا فَرُّوخُ مَوْلَى عُثْمَانَ وَفُلانٌ مَوْلَى عُمَرَ فَاَرْسَلَ اِلَيْهِمَا فَدَعَاهُمَا فَقَالَ مَا
حَمَلَكُمَا عَلَى احْتِكَارِ طَعَامِ الْمُسْلِمِينَ قَالا يَا اَمِيرَ الْمُؤْمِنِينَ نَشْتَرِي بِاَمْوَالِنَا وَنَبِيعُ فَقَالَ عُمَرُ سَمِعْتُ رَسُولَ اللَّهِ صَلَّى اللَّهُ عَلَيْهِ وَسَلَّمَ يَقُولُ مَنْ احْتَكَرَ عَلَى الْمُسْلِمِينَ طَعَامَهُمْ ضَرَبَهُ اللَّهُ بِالإفْلاسِ اَوْ بِجُذَامٍ فَقَالَ فَرُّوخُ عِنْدَ ذَلِكَ يَا اَمِيرَ الْمُؤْمِنِينَ اُعَاهِدُ اللَّهَ وَاُعَاهِدُكَ اَنْ لا اَعُودَ فِي طَعَامٍ اَبَدًا
وَاَمَّا مَوْلَى عُمَرَ فَقَالَ اِنَّمَا نَشْتَرِي بِاَمْوَالِنَا وَنَبِيعُ قَالَ اَبُو يَحْيَى فَلَقَدْ رَاَيْتُ مَوْلَى عُمَرَ مَجْذُومًا. رواه أحمد
عَنِ ابْنِ عُمَرَ، عَنْ النَّبِيِّ صَلَّى اللَّهُ عَلَيْهِ وَسَلَّمَ مَنْ احْتَكَرَ طَعَامًا اَرْبَعِينَ لَيْلَةً فَقَدْ بَرِئَ مِنْ اللَّهِ تَعَالَى وَبَرِئَ اللَّهُ تَعَالَى مِنْهُ وَاَيُّمَا اَهْلُ عَرْصَةٍ اَصْبَحَ فِيهِمْ امْرُؤٌ جَائِعٌ فَقَدْ بَرِئَتْ مِنْهُمْ ذِمَّةُ اللَّهِ تَعَالَى. رواه أحمد
عَنْ اَبِي هُرَيْرَةَ، قَالَ قَالَ رَسُولُ اللَّهِ صَلَّى اللَّهُ عَلَيْهِ وَسَلَّمَ مَنْ
احْتَكَرَ حُكْرَةً يُرِيدُ اَنْ يُغْلِيَ بِهَا عَلَى الْمُسْلِمِينَ فَهُوَ خَاطِئٌ. رواه أحمد
عَنْ عُمَرَ بْنِ الْخَطَّابِ، قَالَ سَمِعْتُ رَسُولَ اللَّهِ ـ صلى الله عليه وسلم ـ يَقُولُ " مَنِ احْتَكَرَ عَلَى الْمُسْلِمِينَ طَعَامَهُمْ ضَرَبَهُ اللَّهُ بِالْجُذَامِ وَالاِفْلاَسِ " رواه ابن ماجه
حَدَّثَنِي يَحْيَى، عَنْ مَالِكٍ، أَنَّهُ بَلَغَهُ أَنَّ عُمَرَ بْنَ الْخَطَّابِ، قَالَ لاَ حُكْرَةَ فِي سُوقِنَا لاَ يَعْمِدُ رِجَالٌ بِأَيْدِيهِمْ فُضُولٌ مِنْ أَذْهَابٍ إِلَى رِزْقٍ مِنْ رِزْقِ اللَّهِ نَزَلَ بِسَاحَتِنَا فَيَحْتَكِرُونَهُ عَلَيْنَا وَلَكِنْ أَيُّمَا جَالِبٍ جَلَبَ عَلَى عَمُودِ كَبِدِهِ فِي الشِّتَاءِ وَالصَّيْفِ فَذَلِكَ ضَيْفُ عُمَرَ فَلْيَبِعْ كَيْفَ شَاءَ اللَّهُ وَلْيُمْسِكْ كَيْفَ شَاءَ اللَّهُ . رواه الإمام مالك
ما هو للأسف كل ما نقول مش عارف ايه لأي واحد يقولك ما هو عنده موظفين وعمال ومش عارف ايه
انا مش فاهم الأسلوب ده من الأساليب الصهيونية
يا اخواني هو الــ 7 الاف موظف دول لو مشينا عز مش هيلاقو شغل يعني ولا ايه
ايه المشكلة اني افتح مصنع تاني وتالت ورابع وعاشر كمان وساعتها هشغل بدل السبعة الاف مائة الف
انا مش فاهم والله ليه بنحب نحور كلامنا ونحور المواضيع
هما هيموتوا يعني ما كل الناس عايشه وبتاكل وبتشرب وبتنام وبيخلفوا وبيتجوزوا كمان
وعلى فكره الطن النهارده بـــ 5100 جنيه
وعمــــــــــــــــــــــ ــــــــــــار يـــــــــا مصـــــــــــــــــــــــ ـــــــــــــــــر
يعنى كده الشقة ال 120 متر تكلف كام من غير الأساس ومن غير تشطيب (حديد + أسمنت + رمل وظلط+ طوب + عمالة ونقل: حوائط وسقف)؟؟؟؟ تقريبا؟؟؟
حوالى 38000 جنيةاقتباس:
يعنى كده الشقة ال 120 متر تكلف كام من غير الأساس ومن غير تشطيب (حديد + أسمنت + رمل وظلط+ طوب + عمالة ونقل: حوائط وسقف)؟؟؟؟ تقريبا؟؟؟
38 ألف
قول 40
+ محارة بتاع 6 آلاف
+ سيراميك أرض ومطبخ وحمام بتاع 10 آلاف
+ سباكة 5 آلاف
+ كهرباء 4 آلاف
+ معجون ودهان بتاع 8 آلاف (على الأقل)
+ نجارة بتاع 10 آلاف
يعنى كمان 43 ألف
يعنى عدينا ال 80 ألف بالراحة
ودا من غير سعر الأرض
ومن غير أساس العمارة
ومن غير العفش
ومن غير العروسة
ومن غير الشبكة
أحمدك يارب إنى اتجوزت وأبويا بنا لنا عمارة قبل ما يقابل ربه يارب اكرمه أفضل الكرم
واللى متجوزش ياشباب يروح بقى يلعب كورة جايز يطلع له بمليون وللا حاجة زى لاعيبة المنتخب.
وحسبى الله ونعم الوكيل
هيييه .. اروح اتجوز من لبنان انا بقي ... اخد واحده بنت مليونير (ربنا يسامحك يا اونكل عز .. كده تدوخنا معاك ههه)
ليه مانعملش مصتع تاني و تالت و رابع .. اسكت يا عم اما بيقولك الحديد ب 5100 دلوقتي .. انت عاوز اونكل عز يسمعنا ولا ايه .. لو عملوا مصنع تاني و تالت و رابع الحديد يرخص و اونكل عز يخسر كتير .. ده غير طبعاً اخواننا ال7000 واحد هايلاقوا شغل في المصانع التانيه ... و تبقي فضيحه ..
و هوه احنا عارفين نستورد حديد عشان نعمل مصنع تاني و تالت و رابع .. يا باشا دي سياسات .. عشان المصالح بتتصالح يا حج ..
يبقي انت اكيد في مصر ..
بس يقى ده حبيبه والروح في الروح
وسلامي لشعب مصر الغلبان
اللي بينزل بعد صلاة الفجر عشان يلحق طابووووووووووور العيش وعجبي
حسبي الله ونعم الوكيل
حديد عز وصل 5200 ج
و علي آخر السنة لو فضلنا بنفس الظروف (بدون مفاجات) من 7000ّ الي 8000 ج
(الراجل دة فاتح بيوت أكتر من 7000 فرد يعنى حوالى 30 إلف واحد بيكلة من وراة.)
أسف يا باشمهندس محمد كان فيه 3500 في الدخيلة قبل ما عز يصنع حديد
(من الأخر التاجر هو إللى بيعلى السعر على الأخر وزى ما أنتم شايفين بشاى إعلى من عز فى السعر - وعلى الرغم من كدة محدش بتكلم غير على أحمد عز )
غلط يا باشمهندس المهندس أحمد عز بيتحكم في سعر الحديد في مصر كلها فعليا و التجار الكبار رجالته و مايقدروش يخالفوه و في سوابق كتير ، لو مش عارف إسأل أي زميل في المبيعات بشكل و دي و حتعرف
(معلومة مصنع بشاى أكبر من مصنع عز )
الدخيلة لوحدها تعدي بشاي؟؟؟؟؟
باشمهندس محمد لقد جانبك الصواب تماما
و لله الأمر من قبل و من بعد