نوبيرا2003 وللا لانسر99

**rona** · 12-02-2008 05:02 PM

1000 شكر كريم على نصيحتك الغالية هتخليني ارجع افكر زي الأول في اللانسر

**ihab** · 12-02-2008 05:04 PM

بصى يا ستى
انا عربيتى لانسر كريستالة موديل 99 مانيوال و كنت شاريها مستعملة و كانت عاملة 54000 كم و كان معظمها فابريقة
انا دلوقت عامل بيها 80 الف كم و غيرت فيها مساعدين اماميين و دول سعرهم فى السوق زى سعر النوبيرا
و غيرت طبعا السيور ( دينامو و كاتينة و باور و بلية الكاتينة و اويل سيلات جموعة الكاتينة )
اسعار قطع الغيار فى السوق ممتازة ، و بالنسبة للتوكيل اغلى شوية طبعا بس انا وصلت لقناعة تامة انى ادفع اغلى شوية و اجيب الاصلى و اركبه فى التوكيل احسن من ميكانيكى مش متخصص و يبوظ قطعة الغيار و يبوظ العربية

**rona** · 12-02-2008 05:16 PM

انا مقتنعة تماما بموضوع اني اروح التوكيل لو فيه حاجة عايزة تصليح او تغيير خصوصا ان فالعربيات زي ما بيقولوا الجديد رخيص لأنك بتغيره مرة واحدة بأصلي ومش هتفكر فيه تاني غير ما تروح تغيره استيراد او مستعمل وكل شوية يرجع نفس العيب بس عايزة اسألك عندك فكرة عن اللانسر الاوتوماتيك وهل فيها مشاكل؟

**ihab** · 12-02-2008 05:27 PM

بالنسبة للاوتوماتيك مفيهاش مشاكل بالنسبة للانسر بس هى حاتبقى ضعيفة شوية على الموتور 1300 سى سى
بالنسبة للنوبيرا سمعنا ان ناس كثير كانوا بيغيروا الفتيس كله و العربيات جديدة فما بالك بمستعمل

**Ahmad Allawy** · 12-02-2008 08:13 PM

رأي شخصي..
اللانسر سواء كانت مانيوال ولا اوتوماتيك.. افضل ليكي..
انتي مش محتاجة مواتير علشان تشدي ولا تجري ولا الحركات دي..
محتاجة استهلاك بنزين قليل .. و في الموضوع ده اللانسر تكسب..
قطع غيار اللانسر علي فكرة لو مكانتش قريبة قوي من اسعار النوبيرا هتبقي اغلي بحاجة بسيطة قوي..
غير انها علشان ياباني هتكون قطع غيارها معمرة عنها..
عربية ناعمة وزي الفل..
نصيحتي خليكي ف اللانسر..
وربنا يوفقك..

**rona** · 12-02-2008 10:42 PM

1000شكر وطبعا رأي حضرتك في الاعتبار

**NaderNabil** · 12-02-2008 10:47 PM

رأيي الشخصي الزيرو ثم الزيرو...و في الفئة دي عندك البردوا كليسا أوتوماتيك...مش هايصرفي عليها حاجة غير البنزين و الزيت لمده 3 - 4 سنين....و مابتسهلكش بنزين خالص....و في نفس الوقت صغيرة و عمليه و مناسبة للمدن و سواقتها سهلة جدا جدا

**أبو_حمزة** · 13-02-2008 09:10 AM

انا معايا لانسر 99 اتوماتيك و وصلت بيها ل130 ألف
أى سؤال انا تحت امرك
العربية ثباتها حلو جدا
استهلاك البنزين 10.5 كم/لتر داخل المديتة و 13.5 علر سرعة ثابتة 90-100
قطع الغيار الأصلى غالية بس محترمة

**MMamdouh** · 13-02-2008 09:50 AM

المشاركة الأصلية كتبت بواسطة rona

انا مقتنعة تماما بموضوع اني اروح التوكيل لو فيه حاجة عايزة تصليح او تغيير خصوصا ان فالعربيات زي ما بيقولوا الجديد رخيص لأنك بتغيره مرة واحدة بأصلي ومش هتفكر فيه تاني غير ما تروح تغيره استيراد او مستعمل وكل شوية يرجع نفس العيب بس عايزة اسألك عندك فكرة عن اللانسر الاوتوماتيك وهل فيها مشاكل؟

كلامك صح و غلط

صح اننا نركب قطع الغيار الاصلية حتى لو غالية لان الغالى رخيص و الغالى تمنة فيه و القطع الغير اصلية مش بس حتبقى اقل كفائة من الاصلى لكن ممكن تسبب مشاكل و اضرار فى قطع تانية و بالتالى كلامك صح اننا نجيب الاصلى

الغلط فى جزئية التوكيل لان اولا التوكيل بيبيع قطع الغيار اغلى من برة بكتير... مثال على كدة حساس TPS كان فى التوكيل ب 185 و برة ب 125 و هو هو بالمللى و دة طبيعى لان لو الوكيل باع بسعر المحلات او اقل منها محدش حيشترى من برة و محدش حيتاجر في قطع غيار العربية دى اساسا

الجزئية الاهم هى المصنعية اللى فى المتوسط بتبقى 100 جنية فى الساعة و دة رقم كبير جدا... لو اخدنا فى الاعتبار ان صيانة 40000 فى الدايو شاملة سير كاتينة و شداد و سيور دكييف و دينامو و بوجيهات و فلاتر الخ الخ و بتتحسب الصيانة دى انها بتاخد 6 ساعات... يعنى 600 جنية مصنعيات غير بتاع 30% زيادة فى قطع الغيار... حرام جدا خصوصا فى عربية برة الضمان و ماشية 6 او 7 سنين... عند الميكانيكى الصيتنة دى بتتكلف من 80 الى 120 جنية بالكتير اوى

الحل هو شراء قطغ الغيار الاصلية من تاجر كويس مبيبعش مضروب و عمل الصيانات عند ميكانيكى محتر اما قصة التوكيل دى فا صرف فلوس على الفاضى

MMamdouh

**MMamdouh** · 13-02-2008 09:54 AM

نسيت اضيف ان من كام سنة واحد صاحبى جاب لانسر 99 كانت عاملة 32 الف و طلعنا بيها مارينا كل اسبوع لمدة شهرين الصيف و عملنا بيها 10000 كيلو فى الشهرين دول

العربية كنا بنمشى بيها و التكييف شغال و على الاقل فيها 3 اشخاص بشنطهم و العربية شغالة زى الفل... اللانسر بتستحمل كويس

MMamdouh

الموضوع: نوبيرا2003 وللا لانسر99

LinkBack

أدوات الموضوع

عرض

-

-

-

-

-

-

-

المواضيع المتشابهه

بتحط زيت تخليقى وللا سوبر وللا عادة فى عربيتك

كورى وللا اوروبى تسعينات وللا الفينات

لادا سمارة وللا 2105 وللا غيرهم رأيكم إيه ؟

محتاج رأيكم في أي أفضل أداء للجولف .. 4 وللا 5 وللا 6 ؟؟

لو اوتوماتيك:بيكانتو وللاi10 وللا فرنا وللا افيو للا ماتريكس

الكلمات الدلالية لهذا الموضوع

المفضلات

المفضلات

ضوابط المشاركة