الشمع هو الحل

23-05-2007 04:54 PM

بصوا يا جماعة الاصل في صيانة بودي العربية هو المحافظة علي طبقة الدهان اللي بتدي الشكل الجميل للسيارة بالاضافة لوظيفته الاساسية وهي الحفاظ علي الصاج من الصدء ومختلف العوامل الجوية

طيب المصنع بيعمل ايه هو اولا بيستخدم احدث التقنيات في دهان السيارة عشان كده دهان الفابريكا برقبة اي دهان اضافي حتي لو كان سكينز
( مثال ) جيب عربية بدهان الفبريكا وعربية تانية راشة وسمكر الاتنين علي البارد اللي راشه مع الدق علي الصاج البوية وارد جدا انها تنطر مهما كان نوع المعجون اما دهان الفبريكا فبيبقي هو والصاج واحد

نكمل كلامنا عن دهان الفابريكا -- بعد ما تخلص مراحل المعالجة للصاج والدهان وتثبيتة بندخل في اخر مرحلة واهمها وهي التشميع
وده بطلاء الدهان بطبقة شمعية تعمل علي المحاظة علي الدهان واعطاءه الشكل الامع المميز للسيارات الزيرو

تتمثل اهمية طبقة الشمع في كونها خط الدفاع الاول في المحافظة علي هيكل السيارة فضلا عن الدهان نفسة

اسهل طريقة للحفاظ علي طبقة الشمع هي غسيل السيارة في محطة خدمة بالفوم والماء وباستخدام مسدس الماء وده مرة في الشهر ( ده مع الاستخدام الجامد انا مثلا بغسلها مرة كل شهر وبعمل متوسط 100 كم يوميا )
وبعد ما العربية تنشف خالص تشمعها باستخدام مواد التشميع فقط

نصائح حول استخدام الشمع
- ( فيه مواد تشميع مضاف عليها بولش متسخدمهاش )
- يفضل الشمع الكريم مش الاسبراي لسهولة وكفائة استخدام الكريم
- افضل نتيجة لاستخدام الشمع والعربية نظيفة
- استخدم الشمع والعربية باردة ومش تحت الشمس الجامد
- اترك الشمع بعد فرشة علي العربية 10 علي الاقل قبل ما تمسحة
- استخدم سفنج او قطن او فوط قطنية للتلميع
- استخدم الاسفنجة اللي بتيجي مع الشمع
- افضل نوع مجرب هو " ترتيل واكس " علبة لونها اخضر وعليه سحلفة سعرة في رينج 35 جنية ويكفي لمرااااااات عديدة
- عند تشميع العربية افرش الشمع علي جزء ( الكبوت مثلا ) ثم الرفرفين وسيبهم ينشفو وبعدين لمعهم ثم باقي اجزاء السيارة تباعاً
- الشمع مش بيلم تراب لاكن بيبان فيه التراب لانة مش بيخلي الوساخة تلزق لاكن تنظيف العربية بيبقي سهل جدا
- بعد التشميع هتلاقي ان العربية بتلمع اكتر وملمسها ناااعم جدا يبقي انت كده ماشي صح استخدم بقي فوط عاديه زفرة اي حاجة لتلميع العربية يوميا ومتخافش علي البويا عشان معزولة تحت طبقة الشمع
- افضل نتيجة للشمع مع السيارات الجديدة طبعا كمان اللمعة اللي بيعملها الشمع بتبين عيوب السمكرة

بس خلاص
كفاية بقي ايدي وجعتني
اخوكم وائل مجدي

**Hosam** · 23-05-2007 05:07 PM

مشكور اخ مجدى على الافادة .. ولكن هل صحيح ان كل الواحد ما يشمع العربية دا بيأثر على طبقة الدهان ؟؟!

**أبو عبدالله** · 23-05-2007 05:13 PM

مشكور على الإفاده

23-05-2007 05:13 PM

الشمع بيأثر علي الدهان طبعا ،،،، بيحافظ عليه علماً بان دهان الفبريكه بيبقي عليه طبقة شمع اصلا

**AlmAhAtmA** · 23-05-2007 05:15 PM

يا تري فيه مكان تنصح بيه علشان العمليه دي
مركز خدمه او محطه بنزين
لان ما فيش وقت اني اعمل الموضوع ده بنفسي

**Nader** · 23-05-2007 05:25 PM

شكراً يا وائل

**sokasoon** · 23-05-2007 05:37 PM

هاااااااااايل موضوع رائع جداااا

ومهم للى عاوز يخلى عربيته لامعه ورائعه

بس لى سؤال لابو نوره

لو العربية جديدة احطلها مع اول غسلة ليها ولا بلاش استنا شوية لفترة اطوول

**جندى مجند** · 23-05-2007 06:39 PM

يا تري فيه مكان تنصح بيه علشان العمليه دي
مركز خدمه او محطه بنزين
لان ما فيش وقت اني اعمل الموضوع ده بنفسي

فى اسكندرية أنا رحت شمعت العربية مرة فى بنزينة esso فى سموحة ... بياخدوا 22 جنيه لو الشمع من عندك و 30 لو من عندهم ... و زود طبعاً اكرامية عامل المحطة ... بصراحة استغليت الموضوع دة و بقيت بعملها أنا بنفسى ... الموضوع كله بياخد حوالى ساعة و نصف كل شهرين أو 3 شهور و صحيح بيبقى متعب جداً للذراع بس بتحس انك أنجزت فى الآخر و حصلت على نتيجة تستاهل المجهود

23-05-2007 06:59 PM

صحيح يا جندي هو فعلا بيتعب الدراع جدا بس انا بعتبرة يوم رياضي ببص فيه علي كل حاجة في العربية بنفسي وبنظف فيه الموتور بنفسي واخيرا التشميع بس انا جربت بعد كده ادي للبواب 5 جنية واخليه يقعد قدامي يشمعها

كمان فيه ناس بتقعد عن جراج جسر السويس اللي ورا النزهة ودول بينكتوا العربية غسيل برا وجوا بخمسة جنية لو خليتهم 10 جنية وطلعتله علبة الشمع وتوريلوا حتي ازاي يعملها وتقف تتابعة وهو بيعملهالك علما بان ال 10 جنية ديه هيبقي طاير بيها من الفرح

الموضوع: الشمع هو الحل

LinkBack

أدوات الموضوع

عرض

-

-

-

-

المواضيع المتشابهه

الشمع على السيارة

الشمع الواكس وأنواعه

سؤال عن الشمع

موضوع الشمع

حد جرب الشمع (الواكس) مع التابلوه ؟؟؟

الكلمات الدلالية لهذا الموضوع

المفضلات

المفضلات

ضوابط المشاركة