تركيب مكنه رفع و انذار

**amintaha** · 09-06-2010 10:15 AM

السلام عليكم ورحمه الله وبركاته
الحمد لله ربنا كرمنى برينو لوجان وهى معايا بقالها شهرين كنت عايز استفسر عن تركيب مكنه الرفع الخاصه بالزجاج و جهاز الانذار هل التوكيل بيركبهم و لو مش بيركبهم احسن مكان فين وهل ده يعمل مشكله مع التوكيل
وبالنسبه للخدوش عايز حل كويس ليه لان العربيه سوداء وبيبان فيها اى حاجه و لو كان الخدش جامد ايه الحل
وجزاكم الله كل خير

**shshmoh** · 09-06-2010 09:54 PM

بالنسبه للانذار و وحدات الرفع
تركيب الانذار فى ادريان او السجان فى شارع دمشق ولكن وحدات الرفع بلاش منها علشان ممكن تؤثر على كهربه العربيه
ملحوظه العربيه لسه جديده و الصنيعيه لسه مفهموهاش فبلاش يتعلموا فينا
وبعد تركيب جهاز الانذار هتلاحظ حاجه غريبه
و هتشك ان الجهاز بايظ
علشان الريموت بتاع الانذار لما تقفل السياره ممكن الانذار يشتغل من غير محد يلمسها
وده علشان الانذار بيركب على السنتر بتاع العربيه و لمبه الصالون مش بتقفل غير بعد 50 ثانيه من اغلاق الباب

**Egyzizo** · 10-06-2010 03:06 PM

بخصوص النصيحة بعدم تركيب وحدات الرفع ، فده كلام قديم شوية ، وحالياً بتركب بدون مشاكل وتوكيل اسكندرية بيركبها.

أما بخصوص مشكلة آداء الانذار بسبب لمبة الصالون فدى مش موجودة عندى .

**amintaha** · 10-06-2010 05:10 PM

السلام عليكم
طيب هل التوكيل ال فى المقطم بيركب الآنذار و مكنه الرفع الخاصه بالزجاج زى مبيركبه فى الاسكندريه

**Egyzizo** · 11-06-2010 01:23 AM

آخر معلومات عندى ان توكيل اسكندرية فقط هو اللي بيقبل يركب وحدات الرفع والانذار بس مصنعية التركيب غالية بالنسبة لبره.

**shshmoh** · 11-06-2010 08:16 PM

المشاركة الأصلية كتبت بواسطة egyzizo

بخصوص النصيحة بعدم تركيب وحدات الرفع ، فده كلام قديم شوية ، وحالياً بتركب بدون مشاكل وتوكيل اسكندرية بيركبها.

أما بخصوص مشكلة آداء الانذار بسبب لمبة الصالون فدى مش موجودة عندى .

معلش انا راجل قديم شويه و اسف على ازعاج حضرتك بس معلوماتى البسيطه ان العربيه لما يكون فيها كمبيوتر رحلات او حجات كهربائيه معقده بلاش حد يجى نحيه الضفيره علشان الاحمال و القوى الكهربيه بتكون محسوبه و ممكن تضر العربيه على المدى القريب او البعيد و اسف مره تانيه

**Egyzizo** · 12-06-2010 06:12 PM

شوف حضرتك .. أنا مش قصدى أى اساءة .. كلمة قديم المقصود بها زمنياً بالمعنى الحرفى.

فعلاً من حوالى 4 - 6 شهور ، كنا دايخين فى موضوع وحدات الرفع ، وماكناش عارفين نركبها ، حتى بعض الفنيين اللى ركبوها قالوا انها عملت مشاكل لأنهم ماكانوش فاهمين كهرباء العربية (فده الكلام القديم) ، لكن مؤخراً ناس كتير معانا فى المنتدى ركبوها فى توكيل اسكندرية والأمور بقت تمام. وطبعاً حضرتك عارف أهمية وحدات الرفع فى أى عربية فيها سنتر ، فلزم التنويه علشان ماحدش يخاف يركبها.

صـــافى ودى.

**shshmoh** · 12-06-2010 09:40 PM

ربنا يكرمك و متشكر على الرد
بارك الله فيك

**Ahmed A Rahman** · 13-06-2010 03:41 PM

المشاركة الأصلية كتبت بواسطة Egyzizo

آخر معلومات عندى ان توكيل اسكندرية فقط هو اللي بيقبل يركب وحدات الرفع والانذار بس مصنعية التركيب غالية بالنسبة لبره.

بجد والله خبر حلو

طيب هل عنده وحدات الرفع دي ولا بنجيبهم من بره

وهل بيدي ضمان على التركيب

مصنعيته كام ؟؟؟؟؟؟؟

الموضوع: تركيب مكنه رفع و انذار

LinkBack

أدوات الموضوع

عرض

-

-

-

-

المواضيع المتشابهه

سؤال مهم فى تعديل مكنه بيجو 504 الى تركيب مكنه 505

تركيب انذار

تركيب انذار

تركيب انذار للوجان

تركيب انذار

الكلمات الدلالية لهذا الموضوع

المفضلات

المفضلات

ضوابط المشاركة