رجرجة وتزييق 405

**acc_gr2004** · 09-06-2010 03:36 PM

عندى مشكله مجننانى بجد ] وتاعبة اعصابى ... هو انى بسمع اصوات طقطقة وتزييق من ناحية الباب اليمين ورا ..
ومش لاقيلها حل
روحت لكل بتوع الابواب ( جربو كل حاجة من تربيط - حشو - وضبط .....)
وروحت لكل السمكرية ( جربو كل حاجة من دقدقة- تحريك قفل........)
وروحت لكل السروجية ( طبطبة - تقريط على المسامير ..............)
لما اكون ماشى على اسفلت نضيف العربية بتبقى ماشاء الله عليها ... ولا نفس
لكن لو اسفلت وحش او حتة مش متسفلتة او ارض محببه ... يالهوووووووى على الاصوات .. عربية كارو ماشية

وطبعا زى مانتو عارفين (الفتايين بيشجعو مصر واحنا معاهم ) وما اكثر الفتايين :
اللى يقولك العربية دى اتقلبت قبل كدة 3 مرات ... ال يعنى كان عاددهم
واللى يقولك القوايم سايبة وعايزة لحام (وكانة دخل تحت الفرش )
واللى يقولك انا كنت شغال فى وجيه اباظة ووظيفتى كانت ضبط العربيات الزيرو اللى فيها رجرجة (بيفهم اكتر من المصنع )

ياريت لو حد يعرف حاجة يقولى
وشكرا

**the-hero** · 09-06-2010 06:19 PM

بص من الاخر دية شروخ فى جسم العربية بتكون مختفية يعنى تكون تحت الدواسة تحت القوايم ورا الطبلوه ورا الرفارف كدا
بتعمل صوت تزيق مع كل ميول للعربية ويسلام لو محملة ورا اوزان
عاوزة سمكرى يكون بروفشنال يكون حافظ العربية ديه يكتشفهم ويلحمهم نحاس

**ENG_KHALED** · 10-06-2010 12:00 PM

المشاركة الأصلية كتبت بواسطة the-hero

بص من الاخر دية شروخ فى جسم العربية بتكون مختفية يعنى تكون تحت الدواسة تحت القوايم ورا الطبلوه ورا الرفارف كدا
بتعمل صوت تزيق مع كل ميول للعربية ويسلام لو محملة ورا اوزان
عاوزة سمكرى يكون بروفشنال يكون حافظ العربية ديه يكتشفهم ويلحمهم نحاس

فعلا اكيد دي شروخ في العربية
ربنا يكرمك وتعرف مكانها

**acc_gr2004** · 10-06-2010 03:53 PM

متشكر جدا يا جماعة
ربنا يكرمكو .. انا كنت حاسس انها حاجة كدة بس مشعارف هى ايه بالظبط

بس الشروخ دى تتعالج من برا ولا من جوا ولازم فك الفرش

**harphosh** · 10-06-2010 05:42 PM

من عادة العربية دى بالذات تعمل شرخ فى منتصف الكنبة الخلفية بالضبط ومن فوق تانك البنزين مباشرة وبيكون الشرخ ده تحت الدواسة مش باين
شيل طرف الدواسة من تحت الكنبة وبص عليه هتلاقيه هو فى الغالب

**Dr_Xefo** · 11-06-2010 07:49 AM

السلام عليكم
المشكلة دى بعد بحث طويل و ممل طلعت عندى بسبب هايف جدا و هو ان الحلقة اللى فى القايم اللى بيدخل فيه كالون الباب بيكون فيها اسطوانة دائرية بتلف وبتتاكل مع الوقت و مع فتح و قفل الباب و هى موجودة جديد و استيراد جرب و ابقى عرفنى النتيجة خير ان شاء الله
وليد

**the-hero** · 13-06-2010 01:13 PM

المشاركة الأصلية كتبت بواسطة harphosh

من عادة العربية دى بالذات تعمل شرخ فى منتصف الكنبة الخلفية بالضبط ومن فوق تانك البنزين مباشرة وبيكون الشرخ ده تحت الدواسة مش باين
شيل طرف الدواسة من تحت الكنبة وبص عليه هتلاقيه هو فى الغالب

الله عليك يا استاذنا الفاضل
جبت من الاخر

**the-hero** · 13-06-2010 01:15 PM

المشاركة الأصلية كتبت بواسطة dr_xefo

السلام عليكم
المشكلة دى بعد بحث طويل و ممل طلعت عندى بسبب هايف جدا و هو ان الحلقة اللى فى القايم اللى بيدخل فيه كالون الباب بيكون فيها اسطوانة دائرية بتلف وبتتاكل مع الوقت و مع فتح و قفل الباب و هى موجودة جديد و استيراد جرب و ابقى عرفنى النتيجة خير ان شاء الله
وليد

تمام ياباشا بس تخبيط البيبان بيبان بسهولة لكن الاصوات التانية اللى يقصدها ديه فى الصاج

**ramyabdelgawad** · 14-06-2010 12:23 PM

فى حاجة كمان انا كان عندى صوت تزييق ورا يمين وطلع ان الضهر الى ورا مش راكب كويس و بيلب معا المطبات

**acc_gr2004** · 17-06-2010 01:55 PM

شكرا يا جماعة على اهتمامكم
لكن انا اعتقد ان الشروخ دى احتامل كبير وجودها فى القوايم وليس تحت الكنبة .. لان الصوت طالع واضح ورايق ... ولو كان تحت الكنبة كان حيبقى مكتوم شوية ..

بالنسبة للاخ وليد : اعتقد ان العيب مختلف .. بمعنى ان العيب دا يبان مع الفتح والقفل بس او رجرجة فى الباب اثناء السير ... لكن الصوت اللى عندى تزييق

والبنسبة لموضوع الرف الخلفى ... اعتقد ان الرف بيكون قماش او موكيت لكن الصوت الموجود غالبا جاى من صاج

طيب بالمناسبة حد يعرف سمكرى عفريت يعرف يتشقلب ويجيب مكان المشكلة ويحلها .... انا ساكن فى الهرم ... ويفضل لو فيه حد فى الهرم او الجيزة او المعادى ... لكن لو عفريت عفريت اروحلة اخر الدنيا
وشكرا لاهتمامكم جميعا

الموضوع: رجرجة وتزييق 405

LinkBack

أدوات الموضوع

عرض

-

-

-

-

-

المواضيع المتشابهه

صوت زنة وتزييق في التابلوه

رجرجة !!

صوت طقطه وتزييق فى الايبيزا ومشكلة فى كالون الباب كمان

رجرجة

رجرجة عند 120

الكلمات الدلالية لهذا الموضوع

المفضلات

المفضلات

ضوابط المشاركة