هل ينفع اعمل كده

**yasser12345** · 09-06-2010 04:19 PM

اهلا رجالة المتسوبيشي
عايز رأيكم هل ينفع ان قبل ما أغير فلتر البنزين ان أطلعة وشوفه
ان كان يستاهل انه يتغير ولا لأ

**yasser12345** · 09-06-2010 04:20 PM

محتاج ردكم بسرعة
من ذوي الخبره

**HeMa_LanCeR** · 09-06-2010 04:26 PM

وهتعرف ازاي انه كام محتاج يتغير ولا لأ
كده كده هتلاقي فيه رواسب
غيره في ميعاده وريح دماغك

**yasser12345** · 09-06-2010 04:55 PM

طيب امته ميعادة بالتحديد

**explorist** · 09-06-2010 05:23 PM

يتم تغيير فلتر البنزبن فى لانسر كل 40 الف كم

**mohamedway** · 10-06-2010 02:06 AM

لأ مينفعش تعمل كده............. بس ممكن متغيروش على 40000كم زى ما التوكيل بيقول لأن التوكيل بيغيره بدرى شويه من وجهة نظرى و فى كتالوج الصيانه اللى جاى مع العربية مكتوب فيه انه بيتغير كل 60000كم و ممكن تقعده لغاية 70000كم كمان بس متزودش عن كده.....و الأرقام اللى انا بقولهالك ده انا مجربها فى عربيتى و مفيش اى مشكله و أعتقد لو كنت قعده شويه كمان مش هيحصل حاجه و لكن خلى بالك من حاجه............ ممكن الفلتر يكون لسه جديد نوفى و يتسد بردو نتيجة بنزين و سخ من محطة بنزين معفنه!!!! وفى الحالة ده هتعرف علطول لأن العربيه هتقف و ممكن الفلتر يقعد 100000 كم من غير مشاكل لو المحطة محترمه..........أنصحك بمحطات وطنية.

علفكرة النيسان صنى التوكيل بيغير فلتر البنزين على 100000كم ؟!............... إذن عادى خصوصا ان فلتر البنزين بتاع الانسر بيخشله فى 500 جنيه!!!!!!!!!!!!!!!!!!!!!!!!!!!!!!!!!!

**yasser12345** · 10-06-2010 12:26 PM

متشكر جدا يااستاذ mohamedway علي المعلومات دي
وياريت لو حضرتك تقدر تقولي الكتالوج بيقول نغير السيور امته لان انا العربية عاملة 63الف كيلو ولسة مغيرتش السيور وطبعا مش معايا الكتالوج وانا أسف لو طولت علي حضرتك

**mohamedway** · 10-06-2010 09:18 PM

المشاركة الأصلية كتبت بواسطة yasser12345

متشكر جدا يااستاذ mohamedway علي المعلومات دي
وياريت لو حضرتك تقدر تقولي الكتالوج بيقول نغير السيور امته لان انا العربية عاملة 63الف كيلو ولسة مغيرتش السيور وطبعا مش معايا الكتالوج وانا أسف لو طولت علي حضرتك

التوكيل بيغير السيور و طقم الكاتينه على 80000كم و الكتالوج بيقول 100000كم و أنا بقول 120000 عادى لأن السير و البليه الأصلى بيطلعوا حالتهم أكنهم ما اشتغلوش فعلا قبل كده و لكن خلينا نغير على 100000كم كويس جدا عشان الكاتينه مافيهاش هزار (طبعا لو حضرتك مركب سير كاتينه و بليه غير أصليين يبقه كبيرك 40000كم ولا أنصح بتركيب هذه القطع بالذات غير أصلى)