عياده جراحه العظام والعمود الفقري

**abogogo** · 16-06-2010 11:54 PM

المشاركة الأصلية كتبت بواسطة caysersosaih

المرض الي ممكن يصيب الركبتين ومايظهرش في الرنين وبالذات يسبب ليك مشاكل مع السلم هو ضعف الغضروف المبطن لعظمة الرضفة او الصابونة وده علاجة صعب ومحتاج وقت ياريت اقدر اشوفك في معهد ناصر لو حضرتك من القاهرة

شكرا على الرد السريع دكتور ضياء انا من القاهر ممكن تفصيل اكتر لمكان معهد ناصر والقسم والمواعيد ولو لحضرتك عيادة خاصة ممكن على الخاص .... والف شكر لذوق حضرتك واتمنا الشفاء من الله على ايد حضرتك

**caysersosaih** · 17-06-2010 08:09 AM

معلش يا باشا بلاش موضوع العياده الخاصه دي عشان ما يكونش ده موضوع اعلاني
يفضل حضرتك تيجي في مستشفي معهد ناصر كورنيش النيل شبرا أغاخان انا باروح يوميا ماعدا الجمعه والسبت
الأسبوع الجاي بس انا واخد أجازه حتي يوم الثلاثاء
لو هتيجي يوم اثنين يبقي في العياده الخارجية بالمعه الساعه 12 ظهرا
الثلاثاء والخميس بعمليات اليوم الواحد بالمعهد

**tamerfahmi** · 17-06-2010 12:22 PM

المشاركة الأصلية كتبت بواسطة caysersosaih

اولا برجاء توضيح السن والبنيه وهل توجد اصابه سابقه ام لا
غالبا لا نستخدم الاشعه المقطعية ولكن نستخدم اشعة الرنين المغناطيسي في الركبه
حضرتك قلي سنك كام وهل في اصابة سابقة للركبه ونوع الاشعه الي حضرتك عملتها وهل المشكلة في الم فقط ام شيئ اخر

السلام عليكم يا دكتور.

شكرا جداً للرد.

سني: 30 سنة

و هي فعلا رنين مغناطيسي علي الركبة. معلش انا كنت ناسي اسمها.

بالنسبة للاصابة, ما كنش فيه اصابة و لكن من 10 سنين تقريبا كنت لما اجلس عليها فترة طويلة احس بألم شديد و بعد كده تزايد الالم.

**Dew Drops** · 17-06-2010 01:39 PM

انا عندى 33 سنة وعندى ألم فى الركبتين عند الارتكاز على الرجل يعنى لو طالع سلم مثلا واليومين دول بتعب لما بنزل السلم كمان بحس كأن فى مسمار فى ركبتى الشمال

**mahmoudysf** · 17-06-2010 05:17 PM

السلام عليكم
جزاك الله خيرا على خدمة الناس
انا عندى استفسار لو سمحت
اولا انا 36 سنة وزنى تقريبا 100 وطولى 175 بشتكى من فترة من الم فى الفترات ىالقطنية هو مش دايم على طول يعنى بييجي فى اوقات واوقات لا واكتر حاجة بتزود الالم لما بنام لاكتر من 6 ساعات واقوم بلاقي اسفل ظهري فيه الم
مع العلم انى بحس زى لسع فى فخدى الشمال من الجنب هل ده ازلاق غضروفى وكيف يتم علاج هذا الموضوع
وشكرا جزيلا لحضرتك

**Hamdy Masria** · 18-06-2010 12:18 AM

المشاركة الأصلية كتبت بواسطة caysersosaih

للأسف لو الخشونة في مراحلها النهائية يبقي لازم تغيير مفصل
لو هي رافضة الموضوع يبقي الأول تاخد علاج بسيط لمده اسبوه لالتهاب الأربطة الي بيصاحب الخشونة
1-ميولجين كبسول كبسول بعد الأكل 3 مرات يوميا
2-ماكسيبان أقراص قرص بعد الفطار والعشاء
3-روماجيل دهان مرتين يوميا بعد عمل كمادات ماء دافئ

والأهم انها تمسك عصا طبية ودي لاغني عنها

ان شاء الله تتحسن في الأسبوع ده

بعد كده تبطل العلاج السابق وتاخد جينوفيل فرص مرتين يوميا لمده 6 شهور مع السير علي عصا
وتنزل تمشي نصف ساعه يوميا بالعصاية وتشوف الوضع ايه

شكرا يا دكتور ربنا يجزيك كل خير

**samoevil911** · 18-06-2010 12:25 AM

الحمد لله ان محتاج مساعدة حضرتك جدا . بعد المولى عز وجل
انا عندي ورم حميد في قصبة رجلى stuied stoma دا اسمه على ما اظن في اول قصبة رجلى اليممين تحت الركبة على طول
عملت عملية من 5 سنين وشلته .. وللأسف رجع تاني وشلته من سنتين . بس للأسف رجع تاني وفي نفس المكان

1-انا عايز اعرف ايه المشكلة ؟ هل العملية اتعملت غلط رغم اني عاملتها عند واحد من اكبر جراحين العظام في مصر وعملتها عندو المرتين وهو بيقول انه مش غلطان
2- هل في اي خطر عليا منه لو معملتهاش تناني او معلجتهاش ؟ خصوصا انها بتوجعني جدا خصوصا لمنا اصحى من النوم
3- انا حاسس بعد العملية الأخيرة ان العظم طلع مش صح .ز يعني حاسس انه داخل جوه سنه .. ولما سألت الدكتور بعد مفكلى الجبس قالي مفيهاش حاجة .. بس انا واثق ان العظمة داخلة جوة
4- في مسكلة لو جريت عليها او عملت رياضة او شلت حديد؟؟

انا عندي حاليا 20 سنة
ارجو الرد ضرورى

**KHALED AYMAN** · 18-06-2010 12:33 AM

شكرا على مجهودك يا دكتور ..
انا سنى 19 سنه
لما بنام على السرير على ضهرى ..و يكون ضهرى مفرود ..
بحس بألم فى ضهرى من تحت ..
الحمد لله مكنش عندى اى اصابات فى ضهرى قبل كده ..

**medo980** · 19-06-2010 09:58 AM

السلام عليكم ورحمة الله وبركاته
ازيك يا دكتور ضياء لعلك تكون فى احسن صحه وحال باذن الله
انا جبت التجريتول الى انت نصحتنى بيه بس فى الصيدليه بيقولى اخد حبايه باليل بس عشان الدواء بيعمل دوخه وانا بشتغل الصبح غير انى بسوق العربيه وانا رايح وانا راجع من الشغل هل كلامه صح ولا غلط

**caysersosaih** · 20-06-2010 02:21 PM

المشاركة الأصلية كتبت بواسطة mahmoudysf

السلام عليكم
جزاك الله خيرا على خدمة الناس
انا عندى استفسار لو سمحت
اولا انا 36 سنة وزنى تقريبا 100 وطولى 175 بشتكى من فترة من الم فى الفترات ىالقطنية هو مش دايم على طول يعنى بييجي فى اوقات واوقات لا واكتر حاجة بتزود الالم لما بنام لاكتر من 6 ساعات واقوم بلاقي اسفل ظهري فيه الم
مع العلم انى بحس زى لسع فى فخدى الشمال من الجنب هل ده ازلاق غضروفى وكيف يتم علاج هذا الموضوع
وشكرا جزيلا لحضرتك

مش معني كده ان ده انزلاق غضروفي بس باية ضغط علي عرق النسا
طبعا الوزن ليه عامل مهم
قلل وزنك وامشي كل يوم ساعه بانتظام مع مراعاه عدم التعرض لتيار هواء وانت عرقان

الموضوع: عياده جراحه العظام والعمود الفقري

LinkBack

أدوات الموضوع

عرض

-

-

-

-

-

-

-

-

المواضيع المتشابهه

العريس الفقري ....!!!!

أرجو المساعده من أطباء جراحه الاورام

شاب يخفي المعدة والعمود الفقري

محمود والعمود ... شر البلية ما يضحك

الكلمات الدلالية لهذا الموضوع

المفضلات

المفضلات

ضوابط المشاركة