أخوكم د.ضياء يوسف
أخصائي جراحه العظام
معهد ناصر
أرحب باي أستفسار
عرض للطباعة
أخوكم د.ضياء يوسف
أخصائي جراحه العظام
معهد ناصر
أرحب باي أستفسار
السلام عليكم ورحمة الله وبركاته
يشرفني أن أكون أول من يرد على حضرتك
جزاك الله خيرا يا دكتور / ضياء
جعله الله في ميزان حسناتك
ربنا يكرمك
ويسعدني انك تكون اول واحد ترد عليا
السلام عليكم يا دكتور انا عندي مشكلة و اتمني انك تساعدني.
انا عندي الم دائم خلف ركبتى الشمال و رحت لاكثر من دكتور:
واحد قالي انت عندك التهاب في الرباط الداخلي للركبة و اعمل علاج طبيعي و لما عملت ما حصلش حاجة
و التاني قالي اعمل اشعة مقطعية علي الكربة ولما عملتها قالي ما فيش حاجة ممكن يكون في سنة خشونة
بس والله انا فعلا ما اقدرش اقعد علي ركبتي و لو حصل احس بوجع و نغز في الركبة من وراء.
جزاكم الله خيرا مقدماً
السلام عليكم ورحمة الله وبركاته
جزاك الله خيراً على مساعدة الناس يا دكتور ضياء
لى استفسار انا عندى انزلاق غضروفى فى الفقره 3و4 و5 قطنيه وضيق فى قناه من قنوات الفقرات على كلام الدكتور هو دكتور مخ واعصاب واسمه حاجه معاطى انا بصراحه ناسى اسمه عيادته فى جامعة الدول وطلب منى اشعة رنين مغنطيسى وبعد ماشافها ادانى فيتامين بى 12 و دانتريلاكس ودواء تانى مضاد للإلتهابات ومسكن للألام وقالى لو مرتحتش هتحتاج عمليه قالى خلص العلاج لمدة اسبوعين وبعد كده نقرر بس فيه مشكله انى وزنى زياده انا وزنى 140 وطولى 185 وقولتلو هل فيه مشكله من وزنى الزياده قالى طبعاً بس انشاءالله نعملها وميكونش فيه مشكله
انا اسفسارى
1- هل وزنى ممكن يبوظ العمليه
2- هل لو نزلت وزنى ممكن استغنى عن العمليه ولا لأ
3- هل الإنزلاق بيرجع تانى فعلاً زى ما سمعت من بعض الناس
4- هل عمليات الإنزلاق الغضروفى فاشله فى مصر
5- هل يوجد بديل للعمليه
شكراًلسعة صدرك واسف اذا كنت طولت عليك
اه نسيت اقول لحضرتك انا عندى 29 سنه
1-وزنك ما يبوظش العمليه بس هيخليها سنه صغيرة أصعب
2-كده كده وزنك لو نزل هيفيد و العمليه هنحددها بسبب الأعراض الي عندك لو الموضوع وجع في الظهر بس ممكن ما تحتاجش العمليه انما لو في حرقان ووجع وتنميل في الفخذ وبينزل للساق ممكن نحتاجها لو العلاج ما جابش نتيجة
3- الانزلاق مش بيرجع تاني لكن ممكن يحصل انزلاق في مكان جديد لو الوزن لسه موجود
4- العملية بسيطة جدا المشكله ان في دكاترة كتير بتعملها ولكن بدون خبرة يعني مثلا في حالات بنشيل فيها الغضروف بس وفي حالات تانية بنفضل بعد مانشيل الغضروف ان احنا نثبت الفقرات بشريحة ومسامير عشان مايحصلش وجع وخشونة ميكانيكية بعد 5 سنين من العملية المهم اختيار طريقة اجراء العملية حسب حالة المريض ككل
يعني احنا بنعالج بني ادم مش أشعه
5- ماقدرش احكم بدون كشف ومن غير اشعه بس مبدأيا العلاج الي بتاخده كويس بس محتاج تزود عليه حاجتين صغيرين وشوف بعدها
1-سيناكتين حقن هتاخد حقنة عضل كل 5 أيام لمدة اسبوعين يعني 3 حقن
2 تجريتول 200مجم اقراص قرص واحد قبل النوم
مع المحافظة من المروحة والتكييف
وياريت حضرتك تقولي في وجع في الساق او الفخذ ام لا
اولاً الف الف شكر لإهتمام حضرتك
ثانياً الدكتور ادانى فعلاً مع العلاج ده حقنتين عضل بين كل واحده والتانيه 5 ايام كانت الحقنه ب 25 جنيه وقالى كفايه 2 ماتكررهاش اما بالنسبه للألم هو فعلا بعض الأحيان بيكون فى الم فى رجلى اليمين ساعات بحس بيه فى الساق وساعات فى الفخذ بس انا مبحسش بيه طوال اليوم انما لما اجى انام باليل بحس بالألم ده ومبيكونش شديد وفى على طول يعنى فى ايام مابحسش بالألم وبالنسبه للدواء الى حضرتك بتقولى عليه التجريتول هل ده مسكن ولا علاج عشان انا معدتى باظت من كتر المسكنات اه الوجع ده الى فى رجلى ساعات بيكون الم وساعات حرقان وساعات مابيكونش موجود
ربنا يكرمك يا دكتور ويجزيك كل خير
عندى استفسار لوالدتى ... هى عندها 69 سنة وبتشتكى من ركبها الأتنين وألم شديد جدا فى الظهر وبصراحة بتمشى بالعافية وطبعا لو كانت قاعدة وحبت تمشى لازم توقف شوية كده عشان تقدر تتحرك ... ووصل بيها الحال دلوقتى انها ممكن متقدرش تنقل رجليها كويس فممكن تقع ...
طبعا راحت تبعت مع دكتور محترم وطلب منها اشعة والنتيجة كانت خشونة فى الركبة ونسبة هشاشة محترمةو عندها فقرتين قفلين على بعض
الدكتور ادلها علاج للهشاشة والحمد لله بقت النسبة كويسة ... وفى دكتور تانى شاف الأشعة بتاعة رجليها وقال انها محتاجة تغير مفصل وطبعا الوالدة مش راضية بالحل ده وطبعا الوزن زيادة شوية ... بصراحةهى اتهرت برشام وحقن والنتيجة مش قد كده وطبعا حضرتك عارف الناس الكبار بيبقى صعبان عليهم نفسهم جدا ... المطلوب انها تعرف تمشى على الأقل كويس عشان حالتها النفسية تعبانة من الموضوع ده .. حضرتك ياريت تقولى شايف اية ولو محتاج تشوفها اجيبهالك وربنا يجزيك عنا كل خير
للأسف لو الخشونة في مراحلها النهائية يبقي لازم تغيير مفصل
لو هي رافضة الموضوع يبقي الأول تاخد علاج بسيط لمده اسبوه لالتهاب الأربطة الي بيصاحب الخشونة
1-ميولجين كبسول كبسول بعد الأكل 3 مرات يوميا
2-ماكسيبان أقراص قرص بعد الفطار والعشاء
3-روماجيل دهان مرتين يوميا بعد عمل كمادات ماء دافئ
والأهم انها تمسك عصا طبية ودي لاغني عنها
ان شاء الله تتحسن في الأسبوع ده
بعد كده تبطل العلاج السابق وتاخد جينوفيل فرص مرتين يوميا لمده 6 شهور مع السير علي عصا
وتنزل تمشي نصف ساعه يوميا بالعصاية وتشوف الوضع ايه
جزاك الله كل خير وجعله فى ميزان حسناتك ووفقق الله لعمل الخير
معلش انا عارف انى تقلت عليك يا دكتور بس ربنا يجازيك خير على عملك
انا لما روحت البيت شوفت الأدويه الى الدكتور كاتبهالى وهى دنتريلاكس + اورافيت بى 12 + سليبريكس 200 مجم
السؤال هل السليبريكس 200مجم يغنى عن التجريتول ولا مالهومش علاقه ببعض
تانى حاجه حضرتك بتقول ان التجريتول للإلتهابات وممكن انشاءالله استغنى عن العمليه لو اخدته طب انا هاخد الأدويه دى لحد امتى انا بقالى شهر دلوقتى باخد ال 3 ادويه دول هل هوقفهم بعد فتره ولو بعد فتره تكون اد ايه ولا طول ما انا معملتش العمليه هفضل اخدهم على طول مش هوقفهم خالص
الف شكر
جعلة الله فى ميزان حسناتك و بارك الله فيك
سؤال بعد اذنك يا دكتور ما هو علاج خشونة الظهر و شكرا لسيادتك
يا هشام باشا ازيك
خشونة الظهر (في الجزء السفلي) القطني قد يكون نتيجة لعده اشياء مثل:-
1- زيادة الوزن
2- انزلاق غضروفي يعني الغضروف خرج من ككانه والفقرتين بيحكوا في بعض
3- عدم استقرار بالفقرات نتيجة لضعف العضلات أو الأربطه
في حالة وجود سبب للخشونة مثل عدم استقرار في الفقرات يتم معالجة السبب أولا مثل تثبيت الفقرة
لو السبب زياده في الوزن يتم تقليل الوزن
في حاله وجود ضغط علي العصب (عرق النسا) يتم علاجه اولا
في حالة وجود خشونة فقط بدون اي اشياء مصاحبة
يعطي علاج مثل جينوفيل مرتين يوميا للخشونة لمده ستة أشهر مع المشي وعلاج طبيعي وتقليل الوزن
دكتور ضياء السلام عليكم ورحمة الله وبركاته .....عندي مشاكل في الركبتين من حوالي 10 سنين بيجي ألم فيهم ويروح كل دكتور يكتبلي مسكنات فقط ومنهم واحد قال لى عندك التهاب في اللوز هو السبب وروحت لدكتور انف واذن وفعلا قالي اللوز ملتهبه وتخيل عملت عملية اللوز وانا عندي 29 سنه !! الكلام ده من 7 سنين والالم لسة موجود بيروح ويجي وسعات من الالم مبعرفش اطلع سلم و مرة دكتور قالى في خشونة بسيطة عملت كذا اشعة منها رنين مغنطيسي ومفيش فيده لدرجة اني عملت حجامة وجلسات لدغ نحل وبرضة الالم موجود بيروح ويجي عمري 36 سنة وزني 75 كيلو طولي 175 سنتي محصلش والحمد لله اي اصابة مسبقة في الركب كنت بمارس رياضة فهل الموضوع خشونة او التهاب مزمن وزاد عليها ان الان بيجيلي ألم في الفقرة الاخيرة من العمود الفقري " العصعص" برضه بيروح ويجي ومبطل اي علاج مفيش غير لما بحس بألم باخد كتافست 50 مج فورا كيس واحد فقط
المرض الي ممكن يصيب الركبتين ومايظهرش في الرنين وبالذات يسبب ليك مشاكل مع السلم هو ضعف الغضروف المبطن لعظمة الرضفة او الصابونة وده علاجة صعب ومحتاج وقت ياريت اقدر اشوفك في معهد ناصر لو حضرتك من القاهرة
معلش يا باشا بلاش موضوع العياده الخاصه دي عشان ما يكونش ده موضوع اعلاني
يفضل حضرتك تيجي في مستشفي معهد ناصر كورنيش النيل شبرا أغاخان انا باروح يوميا ماعدا الجمعه والسبت
الأسبوع الجاي بس انا واخد أجازه حتي يوم الثلاثاء
لو هتيجي يوم اثنين يبقي في العياده الخارجية بالمعه الساعه 12 ظهرا
الثلاثاء والخميس بعمليات اليوم الواحد بالمعهد
انا عندى 33 سنة وعندى ألم فى الركبتين عند الارتكاز على الرجل يعنى لو طالع سلم مثلا واليومين دول بتعب لما بنزل السلم كمان بحس كأن فى مسمار فى ركبتى الشمال
السلام عليكم
جزاك الله خيرا على خدمة الناس
انا عندى استفسار لو سمحت
اولا انا 36 سنة وزنى تقريبا 100 وطولى 175 بشتكى من فترة من الم فى الفترات ىالقطنية هو مش دايم على طول يعنى بييجي فى اوقات واوقات لا واكتر حاجة بتزود الالم لما بنام لاكتر من 6 ساعات واقوم بلاقي اسفل ظهري فيه الم
مع العلم انى بحس زى لسع فى فخدى الشمال من الجنب هل ده ازلاق غضروفى وكيف يتم علاج هذا الموضوع
وشكرا جزيلا لحضرتك
الحمد لله ان محتاج مساعدة حضرتك جدا . بعد المولى عز وجل
انا عندي ورم حميد في قصبة رجلى stuied stoma دا اسمه على ما اظن في اول قصبة رجلى اليممين تحت الركبة على طول
عملت عملية من 5 سنين وشلته .. وللأسف رجع تاني وشلته من سنتين . بس للأسف رجع تاني وفي نفس المكان
1-انا عايز اعرف ايه المشكلة ؟ هل العملية اتعملت غلط رغم اني عاملتها عند واحد من اكبر جراحين العظام في مصر وعملتها عندو المرتين وهو بيقول انه مش غلطان
2- هل في اي خطر عليا منه لو معملتهاش تناني او معلجتهاش ؟ خصوصا انها بتوجعني جدا خصوصا لمنا اصحى من النوم
3- انا حاسس بعد العملية الأخيرة ان العظم طلع مش صح .ز يعني حاسس انه داخل جوه سنه .. ولما سألت الدكتور بعد مفكلى الجبس قالي مفيهاش حاجة .. بس انا واثق ان العظمة داخلة جوة
4- في مسكلة لو جريت عليها او عملت رياضة او شلت حديد؟؟
انا عندي حاليا 20 سنة
ارجو الرد ضرورى
شكرا على مجهودك يا دكتور ..
انا سنى 19 سنه
لما بنام على السرير على ضهرى ..و يكون ضهرى مفرود ..
بحس بألم فى ضهرى من تحت ..
الحمد لله مكنش عندى اى اصابات فى ضهرى قبل كده ..
السلام عليكم ورحمة الله وبركاته
ازيك يا دكتور ضياء لعلك تكون فى احسن صحه وحال باذن الله
انا جبت التجريتول الى انت نصحتنى بيه بس فى الصيدليه بيقولى اخد حبايه باليل بس عشان الدواء بيعمل دوخه وانا بشتغل الصبح غير انى بسوق العربيه وانا رايح وانا راجع من الشغل هل كلامه صح ولا غلط
osteiod osteoma
ده فعلا ورم حميد وصعب حدا انه يرجع تاني
غاليا ما اتشالش بؤوة الورم وطبعا مؤلم جدا خاصة بالليل وده معروف عنه انة لو اتشال كله بيبقي في استجابة فورية بمعني انه تاني يوم يختفي الم الورم تماما
حضرتك اعمل اشعه مقطعيه جديده واطلب من الفني ان منطقه الورم يكون الافلام كل 1 مم وياريت تعرضها عليا في معهد ناصر
مافيش خطورة غير زياده الالم
العضم الي داخل جوه سنة مش مشكلة هياخد وقت ويرجع طبيعي
مافيش مشكلة في الرياضه وشيل الحديد
أستفار يا دكتور بعد أذن حضرتك ما هو علاج عرق النسا و الخشونة فى الظهر مع العلم ان الخشونة فى الظهر من الاعلى ناحية الاكتاف و بالسفل من منتصف الظهر و الف شكر لسيادتكم
انا عندى من زمان التواء بالعمود الفقرى اكتشفتو من سن 10 سنوات انا حاليا عندى 28 سنة و طبعا بحس بالام بالظهر كلة و خصوصا مع المجهود الكتير و رحت زمان لكذا دكتور و كلهم قلولى علاج طبيعى و مسكنات و خلاص تعايشت و نسيت من اسبوع عملت x-ray على الظهر كاملة لمجرد المتابعة لقيت الاتواء زى ماهوا بس كمان اكتشفت انى عندى كسر صغير باخر فقرة قطنية
(L5) و انها فيها انزلاق بسيط للداخل الدرجة الاولى مع العلم انى معندش اى شكوى من الموضوع غير شوية وجع الظهر دكتورة الاشعة قلتى انى دة ممكن تكون عيب خلقى من زمان و انك بس محتاج تقوى عضلات الظهر علشان تساعد على ان الفقرة متتحركش تانى رحت لدكتور عظام لقيتوا تاية مش عارف يقولى اية و فى النهاية قلى علاج طبيعى انا سؤالى هل دة ممكن تكون فعلا عيوب خلقية و لا حاجة تانية و اة الخطورة فى الموضوع هل فعلا العلاج الطبيعى هيكون علاج و مجرد مسكن و اية الحاجات الى ماينفعش اعملها و اروح لحد متخصص عمود فقرى و لا ابتدى العلاج الطبيعى و اة التمرينات الى ممكن تقوى عضلات الظهر الى جنب الفقرة دة و هل الحبل الشوكى فى المكان دة ممكن يتاثر فى الحالة دة انا اسالتى كتير بس معلش العمود الفقرى عملياتة خطيرة و انا مش عاوز اوصلها و للعلم بعد ما ابتديت العلاج الطبيعى تعبت و حسيت بالام مكنتش بحسها وقفت تماما عاوز اعرف اية التمارين الى ممكن اعملها فى البيت اقدر اقوى بيها العضلات الى بجانب المكان دة و عملت كمان mri و طلع فية نفس الانزلاق الفقرى l5-s1 و التقرير مكتوب فية ان عندى عضروف وهمى ياريت حضرتك توضحلى اية الى ممكن اعملة علشان احافظ على نفسى و شكراَ
شكرا على اهتمامك يا دكتور ..
بس انا لا بنام فى مروحه ولا تكييف ..
المشى بمشى كتييييييير اوووووى هههههههه
نسيت اقول لحضرتك ..
فى ناس كتير بتقولى ان انا بقعد غلط ..!!
ضهرى مش بيكون مفرود كويس و انا قاعد..
نفس النظام و انا واقف او ماشى ..
هل ممكن يكون كده ؟
شكرا يا دكتور على اهتمامك
هو انا عملت حضرتك العملية مرتين ودا الغريب انه رجع في المرتين .. وفي نفس المدة
يعني حضرتك انا بعمل العملية وبتجبس شهر ونص وبعديها بقعد حوالي 6 شهور مفيش اي حاجة لحاد اول سنة متخلص يبتدي يبان الورم تاني .. دا في المرتين حصل نفس الموضوع
وبرجع اعمل مقطعية وبكتشف انه موجود .. فلو حضرتك عايزني اعمل مقطعية عشان اعرف هوز والا لأ فانا متأكد انه هو .. وعموما هخلص امتحنات واعملها ان شاء الله
وحتت العضمه داخله لجوه دي بقلها سنتين يا دكتور ومش بتكبر . وفي العملية الأولى محصلش كدا ..
والألم فعلا بيبقى فظيع لدرجة اني يويما اول مصحى بقعد بتاع نص ساعة ألم متواصل ومش قادر اتحرك . وشعات الألم بيوصل للركبة .. يعني بحس رجلى كلها متكهربة .. وسعات وانا ماشي توجعني مرة واحدة وكأني اتكهربت.
انا مش عارف انا حاسس ان الحل اكيد عملية . بس انا خايف اعملها ترجع تاني .ز لأن الجبس متعب جدا والوجع بتاع العملية كمان فظيع .. فخايف اعملها ترجع يبقي مأخدتش غير وجع . وفي نفس الوقت حضرتك انا حاسس اني مش هينفع بردوا اكمل كدا لأن بيضايقني في كل حاجة اقل لمسه ممكن أتألم منها خصوصا ان مع كبر السن وكتر الحركة مش كل خبطه فيها اقع..
فأنا مش عارف اعمل ايه .. فياريت حضرتك تنصحني
ولو الأشعة ياريت حضرتك تقولي تفاصيلها عشان في حجات بتتكتب وألا انا اعملها من نفسي ؟ ., وكمان انا من اسكندرية بس ممكن اجي لحضرتك مخصوص بعد الأمتحنات .. وفي سؤال , مفيش خطورة اني اعملها لتالت مرة؟
واسف يا دكتور اني تعبك معايا .. وربنا يجعله في ميزان حسناتك
ازيك يا هشام باشا
عرق النسا ده عبارة عن عصب طالع من الفقرات الفطنية والعجزية وماشي في الفخذ من ورا
علاجة هو علاج سبب التهابة يعني لو التهاب عضلات نعالج التهاب العضلات لو نقص فيتامين يبقي نعالج نقص الفيتامين لو غضروف يبقي نشيل الغضروف وهكذا
طبعا في ادوية كتير بستخدم في كده زي الثيوتاسيد أقراص والليريكا والجابتين بس الأهم هو علاج السبب
بالنسبة لخشونة الظهر لو السبب زيادة الوزن لا بد من تقليل الوزن و بعد ذلك يتم عمل علاج طبيعي وتمارين لتقوية عضلات الظهر بحيث تتحمل المجهود الزائد بلا الم مع ادوية بسيطة مثل الجينوقيل والدرورفين
موضوع التواء العمود الفقري موضوع منشر للأسف ولكن علاجة ليست عمليات فقط وان كانت تجري بصفة شبة يومية بوحدة العمود الفقري بمعهد ناصر ولكن من النادر ان يستمر الالتواء بعد سن البلوغ
افضل انك تيجي وحد العمود الفقري بالمعهد اي يوم من الاثنين الي الخميس وتعرض علي استشاري العمود الفقري لو مافيش حاجة تستدعي جراحة يتم اجراء علاج طبيعي في مركز متخصص افضلهم مركز تأهيل القوات المسلحة بالعجوزة خلف مستشفي الشرطة مع لبس احزمة معينة