مشكله مش عارف حلها في فرامل اللانوس

انا عندي الفرامل لما بدوس بسمع صوت طقطقه شبه صوت الكبالن بس هو مش من الكبالن ببقي حاسس ان العجله هتتكسر غيرت التيل مع انه جديد ومفيش فايده ركب طقم اصلاح للجهاز والصوت اختفي كام يوم وبرده مفيش فايده شلت كل الصدا اللي علي شفة الطنبوره ومفيش فايده اخر جاجه عملتها خرطت الطنابير عشان كان فيهم شويه عالي وواطي مش عارف من ايه والكلام ده كان يوم السبت والصوت اختفي ورجع تاني النهارده الصوت غالبا بيبقي جاي من الجهاز وده بيبيان قوي لما ابقي ماشي براحه بيبقي الصوت عامل زي صوت الكلبس بتاع الطاسات احيانا بجد الموضوع ده خانقني قوي لان لحد دلوقتي 3 ميكانيكه ومش عارفين ايه السبب الكبالن متغيره من سنه ومفيش اي صوت منها ياريت اقتراحتكم

انا احيانا بسمع نفس الصوت و لكن لو العريبه في منزل ....او محمله جامده و الطريق برضه نازل وبالتالي الحمل على الفرامل اعلى من العادي....انا قولت ده يمكن نتيجه ان التيل بيحاول يقفش على الطنابير فبسمع الطقطقه دي نتيجه المجهود الزايد من التيل.....زي العربيات الاوتوماتيك كده الجديده احيانا.......انا معايا لانوس برضه......

انصحك تروح مركز الامل فالابراهيمية في واحد اسمة علي ...شاطر قوي ف الدايو انا بتعامل معاة وباذن اللة يعملهالك

اقتباس:

---

المشاركة الأصلية كتبت بواسطة tamertt

انصحك تروح مركز الامل فالابراهيمية في واحد اسمة علي ...شاطر قوي ف الدايو انا بتعامل معاة وباذن اللة يعملهالك

---

ممكن حضرتك تقولي العنوان بالظبط او علي جوجل مابس عشان انا اصلا مش لافف كتيير ولسه جديد في الأسكندريه

]ى اما مشكلة طنابير وا صرة... كدة كدة انت قولت ان الطنابير فيها عالى وواطى فا غيرها و اتاكد ان الصرة نضيفة تماما و انت بتركب الطنابير

MMamdouh

حضرتك غيرت كل حلجة ماعادا اهم حاجة و هي الاجزاء المتحركة
الكليبر و صوابع الكليبر
برجاء المراجعة عليهم

المشكله دى

ان صوابع الكالبر مع الوقت بتتأكل وترفع شويه فبتعمل بوش

لما تفرمل جزئين الكالبر بيتحركم فتسمع صوت الطقه الغلسه دى

غير صوابع الكالبر بصوابع استيراد حالتهم نضيفه وادعيلى

اقتباس:

---

المشاركة الأصلية كتبت بواسطة عصام غنايم

المشكله دى

ان صوابع الكالبر مع الوقت بتتأكل وترفع شويه فبتعمل بوش

لما تفرمل جزئين الكالبر بيتحركم فتسمع صوت الطقه الغلسه دى

غير صوابع الكالبر بصوابع استيراد حالتهم نضيفه وادعيلى

---

ايه صوابع الكليبر دي وبتتكلف كام؟

دى صوره لمكانها على الطبيعه موضحه بالاسهم

http://i757.photobucket.com/albums/x...1004231151.jpg


عيش بقى يا معلم

اقتباس:

---

المشاركة الأصلية كتبت بواسطة sherif khalifa

حضرتك غيرت كل حلجة ماعادا اهم حاجة و هي الاجزاء المتحركة
الكليبر و صوابع الكليبر
برجاء المراجعة عليهم

---

اقتباس:

---

المشاركة الأصلية كتبت بواسطة عصام غنايم

المشكله دى

ان صوابع الكالبر مع الوقت بتتأكل وترفع شويه فبتعمل بوش

لما تفرمل جزئين الكالبر بيتحركم فتسمع صوت الطقه الغلسه دى

غير صوابع الكالبر بصوابع استيراد حالتهم نضيفه وادعيلى

---

+1

وربنا يستر ميكونش الكالبر نفسه بايظ والصوابع بوشت جامد جواه

وحتحتاج جوز تانيين أو تعمل جلب للحاليين

بس طبعا جوز أستيراد ونظاف أفضل ماتعمل جلب طبعا

وجايز تروح المشكله مع تغيير كاوتش الصوابع

لو كان مفيش بوش كبير بين جسم الصوابع وأخرامها بالكليبرات

طقم الصوابع جديد حوالى 85 جم
طقم ماستر كامل استيراد مكون من
- بستم الفرامل
- الكليبر
- صوابع الكليبر
- خرطوم باكم
- و ممكن تلاقى جواة تيل كويس :)

120 جم

راجع على المقص كده ممكن الصوت ده يبقى من الجلب بتاعة المقصات

اقتباس:

---

راجع على المقص كده ممكن الصوت ده يبقى من الجلب بتاعة المقصات

---

لو من جلب المقصات هيبان الصوت لما تمشى فى طريق مكسر وهيبان علطول مش مع الفرمله بس

الصوت بيبان مع الفرامل بس
انا فعلا كنت غيرت طقم مش فاكر اسمه بس كان تقريبا اسمه كوتش اصلاح
هو كان غير الكوتشتين اللي في الصوره

هو الكالبر ده ليه اسم متعارف عليه بين الصنيعنيه عشان انا قلت للميكانيكي معرفهوش

شاورله عليه أو قوله الدوشمه بتاعة الفرامل

يمكن يعرف بالشكل ده

وأنت متأكد أنك غيرت كاوتش (طقم أصلاح ) غير اللى على صوابع

الكالبر اللى فى الصوره

وهل كان أسمه

طقم أصلاح خزن فرامل مثلا ......؟

اقتباس:

---

المشاركة الأصلية كتبت بواسطة samirayad

شاورله عليه أو قوله الدوشمه بتاعة الفرامل

يمكن يعرف بالشكل ده

وأنت متأكد أنك غيرت كاوتش (طقم أصلاح ) غير اللى على صوابع

الكالبر اللى فى الصوره

وهل كان أسمه

طقم أصلاح خزن فرامل مثلا ......؟

---

اللي انا فاكره انه كان اسمه طقم اصلاح جهاز فرامل واعتقد انه ركب الكوتشتين اللي في الجنب اللي شكلهم حلزوني لكن بقين الكوتش اللي زي الاساتك لسه في الكيس زي ماهما

روحله ياباشا وشاورله على الكاليبر وهو حالل الفرد

وفهمه اللى قولنالك عليه

أو شوف واحد تانى غيره يقدر يفهم المشكله برضه

جايز يكون ده معدتش عليه مشكله زى دى

اقتباس:

---

المشاركة الأصلية كتبت بواسطة samirayad

روحله ياباشا وشاورله على الكاليبر وهو حالل الفرد

وفهمه اللى قولنالك عليه

أو شوف واحد تانى غيره يقدر يفهم المشكله برضه

جايز يكون ده معدتش عليه مشكله زى دى

---

الف شكر ياباشا ان شاءالله هروحله قريب واقوله عليه وبالمره اوريه طقم الكوتش اللي كنت جايبه هو بيبقي في علامات يقدر يعرف من خلالها ان الصوابع دي باظت ولا لآ؟ عشان بجد البتاعه دي عملتلي هسهس

لما بيفصل الكالبر والدوشمه

ويطلع الصوابع بره

بيبص فى الأخرام بتاعة الدوشم

لقاه عامله بيضاوى والفتحه بهوقت على الصوابع

بس الصوابع تبقى سليمه ومش متآكله

لو هو صنايعى شاطر

حيعرف أن الكاليبر تالف فعلا

بقولك أيه

ماتروح لمحمد عبده ( لأن أنا فاكر محمد ممدوح كان أتكلم على موضوع زى ده وأتعمل فيه جلب )

ومحمد عبده مر بالشغلانه دى قبل كده وكان عامل جلب لشغلانه زى دى فى المخرطه

روحله وخليه يعملك جلب لو كان ده متاح

أو يغيرلك القصه دى كلها بجوز أستيراد وخلاص

سورى أنا مأخدتش بالى

لأن حضرتك مقيم بسيدى بشر بالأسكندريه

ومش حينفع طبعا

محمد عبده فى الأحوال دى

اقتباس:

---

المشاركة الأصلية كتبت بواسطة samirayad

سورى أنا مأخدتش بالى

لأن حضرتك مقيم بسيدى بشر بالأسكندريه

ومش حينفع طبعا

محمد عبده فى الأحوال دى

---

مش عارف اشكر حضرتك ازاي ده اانا زي مااكوب بتكلم في التليفون وحضرتك بترد جزاك الله كل خير

ربنا يوفقك إن شاء الله

وتلاقى صنايعى كويس

يقدر يتعامل مع الشغلانه دى